【邊度都有陰謀】英女王/國際名人都係外星人?! 揭開蜥蜴人5大特徵!戴妃車禍藏大陰謀?

【邊度都有陰謀】英女王/國際名人都係外星人?! 揭開蜥蜴人5大特徵!戴妃車禍藏大陰謀?

時事熱話 生活熱話
By Stephanie on 09 Dec 2021
Digital Content Writer

坊間一直都有唔少關於外星人嘅傳聞,其中「蜥蜴人」嘅存在就成為唔少人議論紛紛嘅話題。有唔少陰謀論學者都認為蜥蜴人其實好有可能就喺大家嘅身邊,當中唔少名人都成為被懷疑嘅對象!最近,TVB節目《邊度都有陰謀》就深入解構咗一連串有關「蜥蜴人」嘅秘密,等我哋一齊睇下啦!

相傳,蜥蜴人幾千年前由天龍星到地球!Photo from 《邊度都有陰謀》

唔知大家又相唔相信呢個世界上有外星人呢?!陰謀論學者們將外星人們分為5大類別:大鼻子、小灰人、龍族、飛蛾人以及蜥蜴人。其中蜥蜴人嘅外型就同人類非常相似,所以一直都流傳蜥蜴人可能就出現喺大家身邊嘅傳聞!

眾多外星人中,蜥蜴人嘅外型同人類最相似!Photo from 《邊度都有陰謀》

# 蜥蜴人有5大特徵!

有陰謀論學者就表示「蜥蜴人」喺幾千年前由天龍星來到地球,而唔少埃及、古羅馬嘅壁畫中都出現佢哋嘅身影,60至70年代嘅時候仲有人表示見到到佢哋以原型出現喺街頭!佢哋最大嘅目的就係為咗統治地球同控制人類,所以有傳佢哋已經已經入侵皇室成員、國家元首等具有權力嘅人身上!雖然蜥蜴人同人類好相似,不過佢哋就有獨特嘅5大特徵。

有人曾經喺地下倉庫嘅閉路電視中,發現蜥蜴人原形畢露嘅樣貌!Photo from 《邊度都有陰謀》

唔少埃及、羅馬古文物壁畫都有蜥蜴人嘅身影!Photo from 《邊度都有陰謀》

蜥蜴人來地球嘅最大目的就係為咗統治地球!Photo from 《邊度都有陰謀》

1. 瞳孔可以變成欖尖型

第一,瞳孔可以由圓形變成欖尖型,而唔少蜥蜴人可能會喺生活中樣貌突然出現變化,俗稱face shifting或者 eyes shifting。而前美國總統老布殊就曾經喺國民演說中被拍到瞳孔突然變形!

有人被拍到眼睛瞳孔由圓形變欖尖型嘅片段!Photo from 《邊度都有陰謀》

變化過程好快,只係短短幾秒就再一次變返圓形!Photo from 《邊度都有陰謀》

前美國總統老布殊都曾經被拍到眼睛瞳孔變形!Photo from 《邊度都有陰謀》

2. 下顎出現鱗片

其次,蜥蜴人下顎有鱗片,當中有名人居然出現咗呢樣嘅特徵?!前美國副總統戈爾就喺訪問期間被傳媒拍到下顎疑似有鱗片嘅圖片,而且媒體後來仲逐格逐格將畫面曝光!國際巨星安祖蓮娜亦曾經被拍到下顎位置出現奇怪紋理嘅照片

前美國副總統戈爾就喺訪問中下顎突然出現鱗片?!Photo from 《邊度都有陰謀》

美國主流傳媒仲將照片一格一格播放。Photo from 《邊度都有陰謀》

國際巨星安祖蓮娜嘅下顎亦有出現奇怪形狀!Photo from 《邊度都有陰謀》

3. 舌頭開叉

第三,蜥蜴人嘅舌頭會開叉,有少少似蛇。而英女王就曾經被拍到嘴巴位置出現小洞,口型同蛇有啲相似;此外,英女王仲曾經被拍到左眼睛突然充血,非常驚人!

英女王嘅嘴巴曾經被拍到疑似出現小洞?!Photo from 《邊度都有陰謀》

英女王仲試過左眼突然充血,場面驚嚇!Photo from 《邊度都有陰謀》

4. 腮位漲大

第四,蜥蜴人喺飲水嘅時候,腮位置會先漲大再飲水,同人類唔同。而美國政治人物希拉莉喺演說途中就曾經被拍到,飲水之前腮位置竟然離奇漲大!

希拉莉曾經被拍到飲水前,腮位置竟然漲大咗!Photo from 《邊度都有陰謀》

5. 眼睛上下方突然出現腫塊

最後,蜥蜴人嘅眼睛上下方都會有腫塊,目的係保護眼睛,而且只係一剎那咁出現。Tesla總裁 Elon Musk嘅左眼就曾經喺公開活動中突然腫起咗!

Tesla總裁 Elon Musk左眼曾經突然腫起!Photo from 《邊度都有陰謀》

# 蜥蜴人控制宗教儀式?!

喺一個梵蒂岡嘅宗教活動上,有人拍攝到後面嘅背景出現一個類似蜥蜴人嘅雕像,認真睇就會發現人嘅頭上有蜥蜴出現!而梵蒂岡嘅教堂建築物上都有好似蜥蜴外貌嘅設計,天花板上嘅密集設計就好似鱗片,而兩個圓形就係眼睛。

有人認為宗教可能亦受到蜥蜴人嘅控制?!Photo from 《邊度都有陰謀》

梵蒂岡嘅宗教活動中,背景就出現疑似蜥蜴人嘅雕像!Photo from 《邊度都有陰謀》

梵蒂岡嘅教堂設計都同蜥蜴外型類同?!Photo from 《邊度都有陰謀》

# 戴安娜王妃嘅車禍隱藏大陰謀?!

正如前面所講,英女王好有可能係蜥蜴人,咁講佢嘅後代就理所當然擁有蜥蜴人血統啦!有傳,戴安娜王妃曾經同佢嘅私人助理講「They are not human.(他們不是人類)」,而助理其後出版書籍時亦都有提及過。不過,傳聞就指戴安娜嘅舉動觸怒英國王室成員,所以佢被迫要離婚並且後來出現嘅車禍可能都同蜥蜴人有關!

戴安娜王妃曾經向私人助理訴説英國王室成員嘅秘密?!Photo from 《邊度都有陰謀》

傳聞戴安娜王妃嘅意外車禍好有可能同佢曝光王室秘密有關!Photo from 《邊度都有陰謀》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

廣告
廣告

【邊度都有陰謀】荷李活電影含大量光明會資訊? 迪士尼經典卡通隱藏重要訊息

3 Dec , 2021

一直以來都有唔少關於陰謀論嘅傳聞,唔知大家又聽過幾多呢?最近,TVB邊度都有陰謀》繼上次同大家探討國際巨星以及神秘組織「光明會」嘅關聯後,就揭露原來連電影同書本都藏有唔少光明會嘅訊息,而且仲列舉咗幾個迪士尼卡通裡面嘅隱藏資訊!

迪士尼嘅卡通片裡面亦被傳藏有大量陰謀?!Photo from pinterest

# 探討電影/書本同光明會嘅關係!

喺陰謀論嘅世界裡面,神秘組織光明會經常都會透過唔同嘅媒介去灌輸佢哋嘅觀念俾大眾,其中音樂、電影等就係非常重要嘅方法。上一次,《邊度都有陰謀》就同大家研究光明會同音樂嘅關係。今次,節目就同大家探討電影以及書本同光明會嘅關聯,而作家George Orwell 就曾經有一句名言「Big Brother is watching you.」,似乎係想暗示俾世人聽幕後嘅種種陰謀!

盛傳神秘組織光明會一直都透過唔同嘅媒介向大眾傳輸佢哋嘅觀念!Photo from 《邊度都有陰謀》

當中電影以及書籍都係非常重要嘅一環。Photo from 《邊度都有陰謀》

# 《Now You See Me》電影海報明目張膽遮蓋右眼?

其實電影嘅影響力非同凡響,當某一類型嘅電影突然流行嘅時候,該段時間大家嘅話題都會圍繞住該電影嘅主題。2013年電影《Now You See Me》(非常盜)係一部科幻魔術電影,當中電影裡面嘅海報以及場面都有唔少光明會嘅隱藏訊息,包括:用撲克牌遮蓋右眼等。

電影嘅影響力其實比想象中大,成功嘅電影仲會引起一陣風潮!Photo from 《邊度都有陰謀》

電影《Now You See Me》海報就有遮蓋右眼嘅姿勢。Photo from 《邊度都有陰謀》

# 片中4騎士代表人類種族!

而電影嘅海報中嘅4位騎士就係代表唔同種族;而電影名稱《Now You See Me》就代表「以前佢係隱藏喺裡面,不過而家就光明正大俾你見到」,直接表達想明目張膽控制別人嘅心態。

當中電影裡面嘅4騎士就代表唔同嘅種族。Photo from 《邊度都有陰謀》

電影嘅名字亦有另類嘅解讀方法!Photo from 《邊度都有陰謀》

# 美國作家Dan Brown 寫下多本有關光明會嘅書!

美國作家Dan Brown就因為寫《天使與魔鬼》、《達文西密碼》、《大騙局》等書本而聲名大噪,而以上成名作嘅內容都係講述天主教以及光明會之間嘅關係,並首度向大眾揭露唔少不為人知嘅秘密內幕!而主持人們就解釋「當你見到有關光明會訊息嘅時候,會忍唔住俾佢吸引並轉移目光」,以上都係達文西密碼嘅力量!

美國作家Dan Brown曾經寫咗唔少關於天主教以及光明會嘅書本。Photo from 《邊度都有陰謀》

當中唔少都係揭露天主家嘅陰暗面!Photo from 《邊度都有陰謀》

唔少人都認為呢啲書籍係用作宣傳光明會。Photo from 《邊度都有陰謀》

# 傳知名男演員Tom Hanks以及佢兒子都係光明會成員?!

而呢啲書本都因為非常出名而被改拍成電影,不過最奇怪嘅就係咁多套電影都係由Tom Hanks(湯漢斯)擔任男主角!而坊間亦盛傳Tom Hanks嘅兒子身上嘅紋身有大量光明會嘅標記,例如:全視之眼、扭曲十字架、蛇等,因此大家都認為佢哋兩父子都係光明會嘅「代言人」!

Tom Hanks 擔任所有由Dan Brown書本所改編嘅電影,令大家都覺得好奇怪!Photo from 《達文西密碼》

演員Tom Hanks嘅兒子身上有唔少有關光明會訊息嘅紋身!Photo from 《邊度都有陰謀》

# 迪士尼卡通內其實藏有好多陰謀!

除咗電影之外,其實有唔少迪士尼卡通片都被傳有隱藏光明會資訊,從而向小朋友灌輸新嘅觀念。其中喺唐老鴨卡通裡面,就藏有一個海報寫住「問有關光明會嘅資訊」,嘗試向小朋友介紹光明會嘅存在?!

主持人表示其實迪士尼所製作嘅卡通裡面都隱藏好多陰謀論!Photo from 《邊度都有陰謀》

唐老鴨卡通裡面就有一個海報,上面非常清晰咁寫住有關光明會嘅嘢!Photo from 《邊度都有陰謀》

# 隱藏資訊遍佈海報以及卡通背景裡!

主持人就尋找咗唔少迪士尼嘅隱藏訊息,包括:《美人魚》海報中嘅城堡係由男性嘅重要部位所組成、卡通片內嘅門上印有「共濟會」嘅標誌、《獅子王》海報藏有女士背影等,以上嘅方式就稱為「思想植入」。

《美人魚》海報嘅城堡中就隱藏咗男性嘅特徵,大家又見唔見到呢?!Photo from 《邊度都有陰謀》

卡通嘅背景裡面亦不時隱藏共濟會嘅標誌!Photo from 《邊度都有陰謀》

迪士尼卡通仲隱藏好多陰謀論!Photo from 《邊度都有陰謀》

《獅子王》嘅海報中仔思睇會發現有女士嘅背影?!Photo from 《邊度都有陰謀》

將不良資訊藏入卡通片嘅主要原因並非想直接宣傳有關光明會嘅資訊,反而係想嘗試將小朋友嘅思想潛而默化,並令佢哋認為觀看類似嘅資訊係非常正常嘅事!

主持人解釋於卡通片裡面隱藏不良訊息嘅原因。Photo from 《邊度都有陰謀》

希望借住潛而默化嘅力量,令小朋友不知不覺中受到影響?!Photo from 《邊度都有陰謀》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel