67歲李國麟直播8小時帶貨賣唔出!無人落單料賺唔到錢,忍唔住眼紅紅

67歲李國麟直播8小時帶貨賣唔出!無人落單料賺唔到錢,忍唔住眼紅紅

娛樂新聞
By Jennifer on 13 Dec 2021
Digital Editor

「直播帶貨」近年吸引唔少明星加入,好似「細細粒」陳嘉佳咁就長駐內地喺抖音開直播「帶貨」。TVB「老戲骨」李國麟最近都加入直播行列,不過佢帶貨就好似唔太成功,直播咗8個鐘啲貨都係無人問津!

TVB「老戲骨」李國麟最近都加入直播行列Photo from TVB

「TVB綠葉」李國麟因《天龍八部》國師一角為內地網民熟悉

現年67歲嘅李國麟70年代已加入TVB,演過非常多經典角色,好似《天龍八部》嘅吐蕃國師、《宮心計》嘅馬元贄等,佢出演過多套電視劇更令佢喺內地都有啲知名度,內地網友都稱呼佢做「國師」。

現年67歲嘅李國麟70年代已加入TVB,演過非常多經典角色,好似《天龍八部》嘅吐蕃國師Photo from 李國麟微博

近年越嚟越多香港藝人選擇北上發展,好似視帝黎耀祥已喺內地工作咗一段時間,而「細細粒」陳嘉佳更長駐內地喺抖音開直播「帶貨」。

近年越嚟越多香港藝人選擇北上發展,李國麟都唔例外Photo from 李國麟微博

李國麟直播帶貨8小時無人落單

李國麟最近都有開直播,更一口氣開足8個鐘!期間佢曾上架過10次貨品,當中包括手錶、佛珠等,雖然直播室有大約1,000人收睇直播,但無人落單買貨。

李國麟最近都有開直播,更一口氣開足8個鐘Photo from 微博

李國麟曾上架過10次貨品,當中包括手錶、佛珠等Photo from 微博

佢上架咗新貨品,指原價人民幣999元,依家只售人民幣599元,女助手笑言:「李哥,便宜400元,你賠錢了!」,李國麟都好配合:「我和老總打過電話了,我和廠家各補貼200元,大家下單吧!」

李國麟上架咗新貨品,指原價人民幣999元,依家只售人民幣599元Photo from 李國麟微博

67歲李國麟長時間直播顯疲倦

李國麟同女助手一唱一和落力推銷,但貨品都仲係無人問津,當時佢已經直播咗5個鐘,有網友直言:「半天也沒賣出去啊?」,更有網民指自己已經瞓完覺再起身,估唔到李國麟仲直播緊。

李國麟同女助手一唱一和落力推銷,但貨品都仲係無人問津Photo from 微博

有網民指自己已經瞓完覺再起身,估唔到李國麟仲直播緊。Photo from 微博

長時間直播嘅李國麟個人顯得十分疲倦,好多網友都睇得出,更叫佢休息一陣。李國麟可能係太攰,或者啲貨賣唔出,佢忍唔住眼紅紅,網民留言:「眼睛都紅了。」

長時間直播嘅李國麟個人顯得十分疲倦,好多網友都睇得出,更叫佢休息一陣Photo from 微博

李國麟可能係太攰,或者啲貨賣唔出,佢忍唔住眼紅紅Photo from 微博

李國麟不滿TVB要綠葉演員6折出糧

李國麟喺TVB工作超過40年,曾經因為公司提出要綠葉演員6折出糧而大感不滿,更直言「一年六騷」嘅政策唔合理:「騷錢又唔係多!」,又指TVB唔畀機會配角發揮,多數投閒置散。不過佢之後有澄清原意唔係想批評公司。

李國麟喺TVB工作超過40年,曾經因為公司提出要綠葉演員6折出糧而大感不滿Photo from TVB

李國麟之後澄清原意唔係想批評公司。Photo from TVB

但今次李國麟直播營業額好慘淡,就算辛苦8個鐘,有網民估計都賺唔到200蚊人民幣,仲指佢係「最慘帶貨明星」,直言:「李國麟直播,這也太尷尬了吧?」

今次李國麟直播營業額好慘淡,就算辛苦8個鐘,有網民估計都賺唔到200蚊人民幣Photo from 李國麟微博

內地網民指李國麟係「最慘帶貨明星」Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

廣告
廣告

更多相關文章

王祖藍直播中大爆將會息影! 專注管理層工作「想培養班聲夢Junior」!

31 Aug 2021

王祖藍近呢幾年已經將事業重心放咗返內地,不過因為TVB高層大調整,佢獲任命成為無綫首席創意官,近期佢都需要兩邊走。日前,佢就開直播同網民聊天,而佢仲表示自己將會息影,唔會再接拍任何戲劇工作!

直播期間自爆即將息影?!Photo from 王祖藍IG

#內地事業發展順利

王祖藍近年北上搵真銀,憑著佢搞笑嘅模仿能力突圍而出,成功吸引內地網民嘅關注!佢仲曾經成為內地出名綜藝節目《奔跑吧兄弟》嘅固定主持人之一,知名度持續飆升,喺內地嘅工作一個接一個,事業非常順利。

憑拍攝《奔跑吧兄弟》於內地知名度變高!Photo from 王祖藍IG

於內地以模仿其他藝人打響知名度!Photo from 王祖藍IG

#今年初獲邀成為TVB首席創意官

不過,王祖藍今年初就獲TVB邀請「回巢」出任首席創意官,同時協助副總理曾志偉管理TVB嘅綜藝節目,希望可以挽救低迷嘅局面!而一早就定居內地嘅王祖藍就唯有香港內地兩邊走,兼顧家庭同公司交托俾佢嘅「重任」。

今年3月正式成為TVB首席創意官Photo from 娛樂新聞台

王祖藍一家一早就已經定居上海!Photo from 王祖藍微博

#內地香港兩邊走!

日前,王祖藍就剛剛從內地返港,正在接受隔離嘅佢就連同兩位馬來西亞女主持人開直播消磨時間。剛剛離開老婆同女兒返港工作嘅佢就表示已經好掛住屋企,佢仲幽默大爆「嗰囡唔知係咪太缺乏父愛,只要有男客人嚟屋企就叫人爸爸,所以我真係唔可以離開屋企太耐!」

剛離開家就表示好想念老婆同囡囡!Photo from 王祖藍微博

隔離期間開直播消磨時間!Photo from 王祖藍IG

#自爆唔會再有戲劇演出?!

期間,唔少網民都就提起佢以往嘅作品:《老表,你好嘢!》「蔡芯」、福祿壽中嘅「慳啲啦Baby(H andelababy)」等經典角色,不過佢就突然話自己將會息影,唔再做戲劇演出,仲表示而家只係剩低2年前同阿Sa(蔡卓妍)拍嘅電影仲未播出!

王祖藍表示自己將唔會再出演戲劇表演!Photo from 《老表,你好嘢!》

經典搞笑角色深入民心!Photo from 《齊癲大聖福祿壽》

#想培養超年輕新血?

王祖藍就解釋「唔會再演出喇!做咗管理層之後,我哋呢啲老人家就冇㗎喇,都係專心培育下一代新血好過啦!」,並提及《聲夢傳奇》中受到關注嘅姚焯菲、鍾柔美等。佢仲話可以參考韓國培養訓練生嘅方法,「最近《聲夢》嘅都只係得14、 15歲嘅小朋友例如姚焯菲同Yumi,想再搞Summer camp等佢哋同中學生有交流,再搵有潛質嘅做下屆聲夢,塑造一班聲夢junior」,希望可以提供健康嘅節目俾小朋友收睇!

因為節目《聲夢傳奇》而人氣急升嘅Chantel同炎明熹Photo from 姚焯菲IG

仲有傳TVB有意將4位打造成港版BLACKPINK?!Photo from Yumi IG

#大呻藝人管理困難之處

另外,有網民就提議佢哋可以拍攝TVB高層如何運作嘅真人騷,佢就話如果其他高層願意拍攝,應該都幾有睇頭。而佢亦大呻藝人難管理,「個個都係藝術家,有自己諗法,我要尊重但又要靠本身經驗判斷。而家啲後生嘅唔會再聽我哋呢啲老一輩講,有代溝啊!」

認為同年輕藝人已經有代溝?!Photo from 王祖藍IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel