download HolidaySmart 假期日常 app
陳彥行鄧兆尊齊齊發福上節目! 男方曾表示有好感! 2個原因未能修成正果

陳彥行鄧兆尊齊齊發福上節目! 男方曾表示有好感! 2個原因未能修成正果

娛樂新聞
By Stephanie on 14 Dec 2021
Digital Content Writer

最近,《皆大歡喜》原班人馬陳彥行同鄧兆尊就一齊現身出席由家燕媽媽主持嘅新節目《麻雀鬥室三決一》,唔少網民都發現陳彥行嘅身形比以前圓潤咗!而同佢係螢幕情侶嘅鄧兆尊亦都明顯發福咗,睇嚟兩人都真係幾合拍~

唔少網民見到陳彥行以及鄧兆尊呢對螢幕情侶,都覺得非常懷念!Photo from 娛樂新聞台

# 《皆大歡喜》班底上節目!

TVB最近時不時都會邀請以往嘅藝人回巢做嘉賓拍攝節目,重新召喚返大家嘅「童年回憶」!日前,一班曾出演經典電視劇《皆大歡喜》嘅演員陳彥行(行姐)、鄧兆尊以及車婉婉就參與由家燕媽媽所主持嘅新節目《麻雀鬥室三決一》,令唔少網民都表示非常懷念呢個組合啊~

一眾《皆大歡喜》演員們齊齊現身《麻雀鬥室三決一》節目拍攝!Photo from 娛樂新聞台

# 熒幕情侶陳彥行+鄧兆尊合體!

而唔少網民就發現陳彥行嘅身形發福咗唔少,令網民感到驚訝!過往,陳彥行因為姣好身材嘅身材而被稱為「無綫五美」嘅其中一員,當年亦係無綫力捧嘅花旦。同場嘅鄧兆尊亦似乎非常幸福,一樣有發福嘅現象。

網民就發現陳彥行身形發福咗唔少!Photo from 娛樂新聞台

# 鄧兆尊曾表示對陳彥行有好感!

陳彥行同鄧兆尊呢對「情侶」因為喺《皆大歡喜》古裝以及現代版都飾演夫妻而為人熟悉,係唔少網民心目中嘅「最佳熒幕情侶」!當年兩人嘅緋聞傳到滿天飛,而鄧兆尊仲公開承認曾經對行姐有好感,不過就話「我哋唔會一齊!我嗰時身邊已經有伴侶(現時嘅大婆),點會辜負行姐?我唔係一個食嘢唔抹嘴嘅人。」

鄧兆尊承認曾經對陳彥行有好感!Photo from 陳彥行微博

陳彥行同鄧兆尊因為拍攝《皆大歡喜》飾演情侶而為人熟悉!Photo from TVB

# 因為家人而冇展開追求?!

除此之外,鄧兆尊仲話因為答應過爸爸唔可以同圈內人拍拖,所以先冇任何行動。而佢仲話並非因為行姐唔願意做「第二」:「其實要追行姐好容易,不過做唔做得出就係你嘅道德問題喇」,佢嘅感情觀似乎有啲難令觀眾理解!

鄧兆尊曾答應爸爸唔會同圈內人交往!Photo from 陳彥行微博

鄧兆尊表示當年礙於各種理由而冇追求陳彥行!Photo from TVB

# 鄧兆尊異性緣超好!

異性緣超級好嘅鄧兆尊一直都唔缺乏女伴,現時就有3位紅顏知己陪伴喺佢身邊,仲曾經被傳媒多次拍攝到「一拖三」嘅畫面,就連女友之間都能夠相處得如此融洽,令唔少網民驚訝!最近,就有傳佢嘅「三奶」疑似懷孕,不過佢就拒絕回應傳聞。

鄧兆尊曾經罕有地帶同三奶上苑瓊丹嘅網絡節目做訪問,似乎對佢愛護有加。Photo from In&out Sale @YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

廖碧兒重提與20年前與劉愷威戀情 自爆當年因為咁而跟男方返屋企!

29 Mar , 2021

古裝版《皆大歡喜》嘅班底廖碧兒、林文龍、鄧兆尊和苑瓊丹就齊齊上咗網上節目《今晚有牌打》,大聊以前拍戲嘅趣事。期間,廖碧兒就比佢哋三個不停咁「圍攻」大爆當年同劉愷威嘅舊情,喺追問之下仲自爆因為無地方住所以就跟男方返屋企。

廖碧兒FBPhoto from 廖碧兒FB

古裝版《皆大歡喜》嘅演員廖碧兒、林文龍、鄧兆尊和苑瓊丹(苑仔)4人罕有咁一齊上網絡節目《今晚有牌打》,係佢哋事隔20年再一次重聚。喺節目裡面,佢哋就一邊打麻將一邊傾拍劇嘅往事。

TVBPhoto from TVB

當佢哋討論緊《皆大歡喜》係幾多年前播出嘅時候,佢哋都不約而同咁講差唔多20年。而苑仔就突然望住廖碧兒問:「點解你記得?同劉愷威一齊20年?」而廖碧兒就即刻笑而不答。

亞洲心動娛樂 YoutubePhoto from 亞洲心動娛樂 Youtube

之後,林文龍就話佢哋兩個並唔係一開始拍劇就一齊,仲話佢記得好清楚。廖碧兒就即時解釋話佢咩都唔記得,用佢當時唔識聽廣東話做擋箭牌。

亞洲心動娛樂 YoutubePhoto from 亞洲心動娛樂 Youtube

亞洲心動娛樂 YoutubePhoto from 亞洲心動娛樂 Youtube

苑仔就繼續追問佢一邊拍戲一邊拍拖係咪好難應付,廖碧兒就話佢當時大部分時間都用喺翻譯度。其他人就即刻話有專人(劉愷威)幫手翻譯,而林文龍仲大爆「佢翻譯翻到去埋你屋企?」

亞洲心動娛樂 YoutubePhoto from 亞洲心動娛樂 Youtube

廖碧兒就表示佢當時都無屋企,苑仔就反問係咪去對方屋企,佢就好誠實咁話「係啊,皇上(劉丹)都喺度!」

亞洲心動娛樂 YoutubePhoto from 亞洲心動娛樂 Youtube

後來,佢被問到而家嘅感情狀況時就表示有追求者,但並非外界所傳嘅富二代盧啟賢,指同對方只係朋友關係。

亞洲心動娛樂 YoutubePhoto from 亞洲心動娛樂 Youtube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel