魔童IG一句話惹怒內地網民！袁詠儀急道歉+澄清：作為父母之過

袁詠儀與張智霖嘅15歲兒子「魔童」張慕童（Morton）正就讀香港國際學校，擁有不少粉絲嘅佢日前在IG玩「你問我答」，卻因一個答案在內地網引起爭議，急得媽媽袁詠儀深夜上微博澄清兼道歉！

Photo from 袁詠儀 微博

「魔童」張慕童IG玩「你問我答」

「魔童」張慕童雖然甚少公開露面，但憑著帥氣側臉照與口罩照已獲不少人氣。佢正在港就讀香港國際學校（Hong Kong International School），日常多用英文與朋友溝通。

Photo from 張慕童 IG

日前，佢在個人IG玩「你問我答」，當中佢以英語對答多條問題，包括：「Are you single？（你是單身嗎？）」、「How tall are you？（你有多高？）」等，魔童都分別回答：「single（單身）」、「5呎10吋高」。

Photo from 張慕童 IG

魔童一個答案惹爭議

有網民問魔童：「Are you in China now？」佢回答：「No, not right now」魔童現時身處香港，所以佢否認自己正在中國嘅答案引起內地網民不滿。

Photo from 張慕童 IG

袁詠儀深夜發澄清文

媽媽袁詠儀隨即深夜上微博發文澄清，坦言兒子在英語用語上失言造成了誤解，又指佢哋已經從今次事件意識到問題所在，承認自己同丈夫張智霖疏於規範兒子唔嚴謹嘅表達，「這實在是我倆作為父母之過。」

Photo from 袁詠儀 微博

袁詠儀強調一家愛國愛港

袁詠儀續稱：「我們一家愛國愛港，支持一個中國，這是毋庸置疑的事實。我們會做我們身為中國人應做的事，不會做的一定不會做。」

Photo from 袁詠儀 微博

Photo from 袁詠儀 微博

不少內地網民在袁詠儀澄清文留言護航，表示自己相信袁詠儀一家係愛國者，認為係部分網民太敏感而已。而魔童亦已刪除了否認自己身處中國嘅限時動態，但其他「你問我答」嘅動態則仍保留。

相關文章：李嘉欣、袁詠儀美顏濾鏡開太強！網民：完全認唔出，都變蛇精了！

相關文章：【披荊斬棘的哥哥】張智霖月賺千萬想退休遭靚靚阻止 林曉峰直言不識內地歌手被指不尊重

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）