download HolidaySmart 假期日常 app
Jer疑似搭上《造星IV》Alice導致情變?! 女方被起底!有男友/本身係鏡粉?

Jer疑似搭上《造星IV》Alice導致情變?! 女方被起底!有男友/本身係鏡粉?

娛樂新聞
By Stephanie on 15 Dec 2021
Digital Content Writer

MIRROR 成員Jer(柳應廷)同圈外女友Kelly拍拖5年,一直都感情甜蜜,不過最近就傳出情變消息!日前,有人就大爆Jer疑似搭上《全民造星IV》嘅參賽者Alice(許寶恆),所以激嬲女友?!

有傳Jer疑似搭上《造星IV》參賽者Alice而導致情變?!Photo from Jer IG

# Jer與女友Kelly屢傳情變消息!

MIRROR 成員Jer(柳應廷)同女友Kelly感情甜蜜,不過最近就因為女友突然取消關注Jer嘅IG,並刪除合照,而導致傳出兩人情變嘅消息!然而,Jer喺出席公開活動嘅時候,就解釋係因為工作太忙而導致同女友冷戰中,強調兩人依然係情侶關係,仲揚言會落力?返女友。

Jer(柳應廷)同圈外女友Kelly交往5年,感情非常甜蜜!Photo from Jer IG

不過最近就因為女友Kelly突然取消關注Jer IG,而導致傳出情變消息。Photo from Jer IG

# 兩人冷戰升級?!

隨後,有眼尖嘅網民就發現連Jer都取消關注Kelly嘅IG、女友亦取消關注Jer嘅fans club帳號;但有網民就覺得應該係Kelly 喺IG 封鎖咗Jer,所以先會變成咁,兩人關係疑似再度出現危機!

有網民覺得好有可能係Kelly喺IG封鎖咗Jer!Photo from Kelly IG

# 傳《造星4》Alice係情變主因?!

事件突然出現最新發展!有指,導致Jer同女友出現爭執嘅居然係《造星IV》嘅參賽者Alice(許寶恆)?!事關,Jer係《全民造星IV》25強嘅導師之一,而Alice就係其中一位組員。據悉Alice本身係Jer嘅粉絲,見到偶像成為自己嘅導師,Alice當然積極埋身接近對方,而男方亦毫無避忌非常受落,導致正印女友Kelly嬲爆!

Jer 成為《全民造星IV》25強嘅導師之一。Photo from Jer IG

有傳Alice見到偶像做導師,非常興奮,落力接近對方!Photo from Alice IG

# Alice本身亦有男友

據媒體報導,現年22歲任職文員嘅Alice本身都有男友,不過就經常同身邊嘅朋友訴苦指同男友唔夾,萌生分手念頭。而Alice仲同身邊嘅朋友講知道Jer疑似同女友情變,認為兩人能夠係呢個時間點認識係緣分,所以就非常落力接近Jer,搞到ViuTV唔少工作人員都知道呢件事!

Alice自己本身都有男友,不過據聞同男友感情唔好,萌生分手念頭!Photo from Alice IG

Alice同身邊朋友講Jer同女友亦出現危機,認為兩人嘅相遇係一種緣分?!Photo from Jer IG

# Jer立刻回應傳聞

其後,Jer疑似喺IG回應有關傳聞,上載一張全黑嘅照片,並附上「請不要信一些不實的報導,這件事會影響的人實在太多」。

Jer昨晚疑似為傳聞做出回應!Photo from Jer IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

JER柳應廷@MIRROR自爆曾兩度拒入團!全因花姐依句話改變想法 多花10倍努力衝破跳唱難關

17 May , 2021

人氣男團 MIRROR 嘅演唱會上星期雖然已經圓滿結束,但佢哋嘅話題熱度並冇因此而減少,更相反令唔少人想了解佢哋每個人嘅奮鬥史。而近日 MIRROR 嘅其中一位成員 JER(柳應廷)就接受電台訪分享入行 3 年嘅辛酸與感受。

Photo from 梁泰來/IG

2018 年時 JER 參加首季《全民造星》入行,去年更單飛推出咗「物語系列」三部曲(水刑物語、迴光物語及風靈物語),而依個系列更令佢喺去年嘅各個頒獎禮中橫掃新人獎。

Photo from JER/IG

日前佢接受梁泰來嘅電台訪問時就提到,佢最初接觸音樂係喺大專畢業時,佢指當時佢因熱愛唱歌同音樂而選擇同朋友夾 Band 及出 Busking,不過兩年嚟 Busking 生涯幾近零收入,令佢決心搵工並任職娛樂記者,一做便3年。

Photo from JER/IG

後嚟 JER 決定辭職再追夢參加《全民造星》,無奈喺 99 強首回合就被評判全紅燈淘汰,佢憶起當時嘅情景仍日感到劇烈衝擊:「當日唱歌未想過要有表情管理,之前一直 busking 沒想太多,到比賽每一個評判一按紅燈,我都會緊張眨一次眼,到最後歇斯底里地唱,是想盡力挽回評判嘅心,但都不成功。那對我打擊很大,因為嗰次係人生第一次跳出舒適圈追夢,點知第一步就要走,好唔甘心。」

幸好之後 JER 收到花姐邀請佢參加復活賽,可惜仍喺 20 強落敗。

Photo from JER/IG

Photo from JER/IG

之後到花姐決定組成男團 MIRROR 並邀找 JER 加入,最終花姐要「三顧草蘆」先成功。而 JER 就解釋指自己當時婉拒係因為自覺唔擅跳舞:「推咗 2 次,連花姐也說:『你唔好咁急推住,考慮吓先!』這全因為我擔心自己唔擅長跳舞,我嘅強項係唱歌,冇幻想過跳唱組合或 MIRROR 會點發展。到第 3 次,花姐再說:『你看看近年香港唱得好嘅新人有幾多人真係出到嚟?』」令佢最終改變想法答應加入。

Photo from 花姐/IG

而喺之後嘅 3 年佢花上比隊友多 10 倍嘅功夫及努力衝破跳唱難關:「我每次排新歌舞都會叫救命,譬如 Anson Lo 佢哋一個鐘就記好整首歌嘅舞蹈,我就要花足一星期,幾乎每次排舞都會聽到我嘅叫聲。(Lokman幫你最多,定係 Anson Lo?)所有人都會幫我教我舞步,我回家後亦要不斷練。」

Photo from JER/IG

之後佢喺又提到去年佢喺拎叱咤生力軍金獎時喺台上發表感言時,被指間接踢爆兄弟「黑面」一事而解話:「我跟 AK(江爗生)係同年,都是由細到大睇叱咤兼好重視這頒獎禮。3 個人只兩個有獎,我好感受到 AK 唔開心。其實當時我喺台上嘅說話係好即興,但畀人感覺似幸災樂禍,我講嘢唔叻、用詞亦不當要改善,事後亦有同 AK 傾點樣一起加油。」

Photo from AK/IG

更指經歷叱咤一事後,Jer 指 AK 一度創傷大至考慮暫停單飛派歌:「他今年出新歌《黑之呼吸》都要衝破好大嘅心理關口,我知道 AK 本身諗過唔再出Solo 歌。因為上年嘅創傷對佢真係好大,作為兄弟見到佢踏出呢步,大家都好支持。」

Photo from AK/IG

最後梁泰來更好奇問喺 MIRROR 12 成員中個知都係人才,尤以姜濤最受關注會唔會羨慕時,JER 就坦言一定有羨慕,但亦同時會以姜濤嘅成功作為榜樣鞭策自己。不過作亦慶幸自己唔似對方有偶像包袱:「我開心自己冇咩『偶包』,我出道已宣布有女朋友,依件事姜濤一定做唔到,佢依家連出街都難啦。我公開咗有伴侶,反而係好很舒服嘅事,我哋可以光明正大行街。雖然有人認得你想影相都會令伴侶尷尬,咁就搵啲唔太多人嘅地方出街。銅鑼灣、旺角就難啲去,唯有去山頂公園或帶狗狗去海灘散步!」

Photo from JER/IG

Photo from JER/IG

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel