download HolidaySmart 假期日常 app
梁靖琪再婚後曝光千呎豪宅!黑白冷艷風 擁超大飯廳+天台泳池

梁靖琪再婚後曝光千呎豪宅!黑白冷艷風 擁超大飯廳+天台泳池

娛樂新聞
By Cheryl on 16 Dec 2021
Digital Editor

前TVB藝人梁靖琪(Toby)2019年再婚,下嫁圈外人施雋賢(Jon),育有一子嘅Toby於今年10月宣佈再度懷孕,在家養胎嘅佢不時分享家居生活照,同時曝光了現時所住嘅千呎豪宅

梁靖琪不時分享一家三口溫馨照,同時曝光簡約有型嘅豪宅環境!Photo from 梁靖琪 IG

梁靖琪出身TVB世家

38歲梁靖琪(Toby)出身TVB世家,爸爸梁家樹曾任無綫電視戲劇分部製作總監,媽媽蕭笑鳴曾任無綫電視藝員部經理,家境不俗。亦同閨蜜佘詩曼、湯盈盈、文頌嫻、姚樂怡、周家蔚及鍾麗淇,組成圈中「七魔女」。

梁靖琪與佘詩曼、湯盈盈、文頌嫻、姚樂怡、周家蔚及鍾麗淇組成姊妹團「七魔女」Photo from 梁靖琪 IG

經歷2段婚姻

Toby於2011年與當時拍拖不到一年,身家兩億闊少黃敏豪結婚,有指黃敏豪擅長投資豪宅,其父親係投資紡織業商人黃振聲,擁有十多個物業。據聞,黃敏豪當年送上六位數字嘅兩卡鑽戒求婚,但二人最終在2014年申請離婚。Toby在2019年與年輕8年,任職財富管理高級經理嘅施雋賢(Jon)再婚,有指施雋賢家住跑馬地數千萬豪宅。同年,Toby誕下兒子施睿文(Roman)。婚後專注照顧家庭嘅Toby經常分享溫馨家庭照,較早前亦上載了不少新屋家居環境照!

Toby經歷2段婚姻,現時與施雋賢生活幸福Photo from 梁靖琪 IG

黑白冷艷風豪宅

Toby在一則帖文表示佢認為一間Dream house應該運用自己最愛嘅顏色,而佢最喜歡黑、白、銀色,所以新屋都採用佢哋作主色。相中可見其黑白為主嘅家居環境有型簡約,大廳亦放了一張白色L型大梳化,咕?都係白、黑、淡灰色,風格好一致。

大門、地面等不少部分都採用黑、深灰色佈置Photo from 梁靖琪 IG

梳化顏色與環境非常配合Photo from 梁靖琪 IG

 

地面用上冷灰色木紋磚Photo from 梁靖琪 IG

闊落活動空間

梳化旁放置了一個有圍欄嘅兒童玩樂區,內有軟墊和玩具,方便兒子和家長一齊享受親子時光。部分照片可見,Toby一家亦會再梳化前鋪上軟墊,讓寶貝仔有更大空間玩耍,認真幸福。

大梳化貼心設有圍欄兒童玩樂空間Photo from 梁靖琪 IG

大梳化前一樣有大把空間玩Photo from 梁靖琪 IG

客廳亦擺有一張啞黑色餐桌,後面一個銀色鏡面置物櫃,感覺時尚獨特,反射效果更可幫忙「擴展」空間感。

鏡面櫃好型格Photo from 梁靖琪 IG

開10人以上聚會無難度

除此,佢哋仲有一個可容納十人以上嘅飯廳,開家庭聚會毫無難度。

開多人餐聚夠曬空間Photo from 梁靖琪 IG

煮買嘢都得Photo from 梁靖琪 IG

聖誕將至,Toby在家放了一棵高身聖誕樹應節,樹下亦放了好多待拆禮物。

空間夠大擺聖誕樹,好有節日氣氛~Photo from 梁靖琪 IG

除咗在家中設玩樂空間,Toby更在天台放有吹氣泳池,一家三口可隨時戲水,大歎家庭樂趣。

上天台玩水亦得!Photo from 梁靖琪 IG

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel