關禮傑20歲細女關楓盈都有意入行？！戴型格鼻環+唇環，夢想做韓國女團成員
Photo from 關楓馨 IG
關禮傑大女關楓馨港姐落選後簽約TVB入行
關禮傑大女關楓馨早前參選香港小姐，因為「星二代」身份成為焦點，佢最後成功入到5強可惜最終落選。不過未有影響佢嘅星途，爸爸關禮傑更大爆佢已簽約無綫！
Photo from 關楓馨 IG
關禮傑一家四口同車婉婉出演《思家大戰》
簽約後關楓馨暫時未有好多工作，不過近日佢同父母、妹妹及爸爸好友車婉婉一齊上節目《思家大戰》。關禮傑20歲細女關楓盈更係首次喺電視節目亮相。
Photo from TVB
關禮傑兩個女兒自細已獲讚係高顏值星二代，今次全家總動員出演節目，關禮傑表示佢哋一家睇節目覺得好玩，大女關楓馨叫佢搵李思捷，佢又說服細女同老婆梁安娜先會一齊參加。
Photo from 關楓馨 IG
Photo from 關楓馨 IG
關禮傑細女關楓盈首度出演TVB節目，打扮前衛性格有反差
關禮傑介紹細女關楓盈做「番薯卡」，番薯卡同家姐風格非常唔同，頭髮漂染成霧灰藍，十分搶眼，而且有穿鼻環、唇環，打扮前衛。
Photo from TVB
Photo from TVB
Photo from 關楓盈IG
不過番薯卡性格卻勁有反差，可能係唔太習慣喺鏡頭前講嘢，表現頗為害羞，講嘢亦唔係好多，多數由爸爸出聲。
Photo from TVB
20歲關楓盈夢想做韓國女團成員
大女關楓馨已經入行，原來番薯卡都有興趣喺呢行發展，平時中意K-POP嘅番薯卡係韓國天團BTS防彈少年團嘅fans，更想去韓國追星同學韓文。
Photo from 關楓盈IG
番薯卡夢想係喺韓國做練習生，之後以女團成員身份出道，但今年20歲嘅番薯卡年齡喺練習生中唔算太年輕，要成為練習生出道似乎有難度，而佢今次同父母家姐出演節目，唔知係咪想跟隨家姐一齊入行呢？
Photo from 關楓盈IG
Photo from 關楓馨 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
關禮傑讚囡囡表現好 已經鋪好後路？ 關楓馨7年前酬勞已達$5萬？！
15 Sep 2021
《2021香港小姐競選》日前就已經完滿結束，而關禮傑大女關楓馨（Fabienne）就大熱倒灶，令唔少網民表示不滿。有指，當日亦有到場為囡囡打氣嘅關禮傑知道賽果後，就即刻黑面離場；而關禮傑後來亦笑晒口咁接受訪問，大讚囡囡表現100分！
Photo from 關楓馨IG
#網民對港姐賽果不滿？！
《2021香港小姐競選》已經舉辦完成，三甲結果出爐：冠軍宋宛穎、亞軍梁凱晴及季軍邵初；而最上鏡小姐就由楊培琳獲得。而賽前大熱關禮傑大女關楓馨（Fabienne）同陳聖瑜都未能奪得獎項，令唔少網民表示對賽果不滿！
Photo from 《2021香港小姐最美傳奇》
Photo from 娛樂新聞台
#指關禮傑當日黑面離場？
《香港小姐》決賽當日，關禮傑同太太亦到場為囡囡打氣。不過有指當佢知道賽果之後，就面露難色好匆忙咁離場，令大家不禁猜測佢可能係對賽果不滿？！而關楓馨就有為爸爸解釋，「佢唔係失望，只係返屋企幫我準備慶功！」
Photo from 《香港小姐競選2021》
#關禮傑打破傳聞！
近日，TVB就播放《香港小姐競選》嘅幕後花絮，並播出咗賽後採訪關禮傑嘅片段。由片中所見，關禮傑就大讚囡囡表現得好，「佢落咗好多努力，入到5強已經好厲害」，認為今年嘅三甲係實至名歸，似乎並冇不滿！
Photo from 娛樂新聞台
#同太太一齊到場觀賽
關禮傑仲話囡囡喺呢段過程中成長咗好多，談吐表現都非常大方，「我緊係俾100分啦！見到佢嘅成長，覺得好值得」。而佢亦話同太太喺現場睇氣氛好緊張，不過就話係因為緊張先令比賽更加好睇～
Photo from 娛樂新聞台
Photo from 娛樂新聞台
#關楓馨平常心面對比賽
而關楓馨訪問時就話覺得決賽好似一個畢業典禮咁，比賽完好似鬆咗一口氣咁。佢透露爸爸賽前鼓勵佢「做好自己，唔好咁緊張！其實我由頭到尾都冇當過係比賽，更加想做一個靚嘅show俾大家睇」，仲話爸爸分分鐘仲緊張過佢！
Photo from 娛樂新聞台
Photo from 娛樂新聞台
#7年前活動酬勞就已經有$5萬？！
雖然關楓馨最終於5強止步，不過佢當日嘅表現已經獲得唔少網民大讚，相信未來必定有唔少機會繼續於娛樂圈發展～其實早於7年前，當時仲係大學生嘅佢就已經有出席公開活動，仲大騷舞技。當年就有報導指佢出席活動嘅酬勞為$5萬，而佢當時被訪問時亦冇否認「酬勞係開心價，當攞經驗，唔係計錢」！
Photo from 關楓馨IG
Photo from 關楓馨IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
