download HolidaySmart 假期日常 app
港男打邊爐女友逼食芫荽!網友反應兩極:唔識食先話臭vs即場分手

港男打邊爐女友逼食芫荽!網友反應兩極:唔識食先話臭vs即場分手

時事熱話
By Jennifer on 17 Dec 2021
Digital Editor

芫荽嗰陣獨特氣味令部分人對佢避之則吉,但亦有人特別鍾情呢種味道。近日喺討論區有網友指同女友打邊爐,點知對方竟然趁佢行開一陣將大量芫荽倒入湯底,佢無奈下要硬食最憎嘅食物,事件掀起網民熱議。

芫荽嗰陣獨特氣味令部分人對佢避之則吉,但亦有人特別鍾情呢種味道Photo from HolidaySmart

網友Dcard發文指唔中意食芫荽,女友卻勁愛芫荽

芫荽曾經一度成為網民關注嘅食物之一,不過就唔係個個人都中意食。最近喺Dcard有網友發文指自己本身就好唔中意食芫荽,但女友就勁中意食,而女友都知道佢唔食芫荽。

最近喺Dcard有網友發文指自己本身就好唔中意食芫荽,但女友就勁中意食Photo from TVB

打邊爐時女友一意孤行將芫荽倒入鍋中逼佢食

近日佢同女朋友一齊打邊爐,女友竟然趁佢去廁所,將成兜芫荽倒咗落個煲到,佢一行出嚟已心知不妙,因為佢已聞到芫荽陣味:「我即刻想嘔」

近日網友同女朋友一齊打邊爐Photo from TVB

女友竟然趁佢去廁所,將成兜芫荽倒咗落個煲到Photo from HolidaySmart

女友見佢面色唔好並無關心佢,反而笑笑口問:「做咩咁驚?快啲嚟食啦。」,樓主表示當時「個心寒到」,更忍唔住手震。但樓主最後都係硬住頭皮食咗啖,卻即刻反胃。

女友見佢面色唔好並無關心佢,反而笑笑口問:「做咩咁驚?快啲嚟食啦。」Photo from TVB

樓主最後都係硬住頭皮食咗啖,卻即刻反胃。Photo from TVB

網友反應兩極:應該叫香菜/逼人食好唔尊重

呢個帖文隨即引起網民討論,不過反應就相當兩極。一邊熱愛芫荽嘅網民就指芫荽應該叫「香茜」或「香菜」,因為「唔識食先話臭」

一邊熱愛芫荽嘅網民就指芫荽應該叫「香茜」或「香菜」,因為「唔識食先話臭」Photo from HolidaySmart

不過有好多唔中意食芫荽嘅網友就身同感受,直言芫荽好難食,唔應該迫人食。更多嘅網友則表示女友明知佢唔中意食芫荽都特登迫佢食,根本就唔尊重佢。

有好多唔中意食芫荽嘅網友就身同感受,直言芫荽好難食,唔應該迫人食Photo from TVB

網友則表示女友明知佢唔中意食芫荽都特登迫佢食,根本就唔尊重佢。Photo from Dcard

網民勸分手被反駁

有人就指呢樣係價值觀不合,建議樓主分手,但即被其他人反駁咁少事就分手,完全無諗過同人溝通,一世都無可能會搵到適合自己嘅人。

有人就指呢樣係價值觀不合,建議樓主分手Photo from TVB

唔少網民指會即場分手Photo from Dcard

有人反駁咁少事就分手,完全無諗過同人溝通Photo from Dcard

網友分享曾被女友逼食過期食物

其實食嘢呢啲有時都會令情侶產生磨擦,有網友分享佢女友成日買埋好多嘢食放喺雪櫃但又唔記得煮,有時佢自己一個喺屋企想煮咁啲食咗先,但女友就想佢等埋兩個人一齊食,最終令啲食物過晒期。

有網友分享佢女友成日買埋好多嘢食放喺雪櫃但又唔記得煮Photo from TVB

網友想掉咗啲過期食物,女朋友又話好嘥錢阻止佢咁做,更煮啲過期嘢畀呢位網友食,令佢苦不堪言。有網民就建議佢叫女朋友一齊食,因為啲食物過期女友都有責任,無理由係男友一個人解決晒。

網友想掉咗啲過期食物,女朋友又話好嘥錢阻止佢咁做,更煮啲過期嘢畀呢位網友食Photo from TVB

有網民就建議佢叫女朋友一齊食,因為啲食物過期女友都有責任,無理由係男友一個人解決晒。Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港男陪女友去迪士尼反而激嬲對方? 網民一面倒力撐女友:唔嬲就奇!

1 Nov 2021

唔少情侶都喺假日尋找唔同嘅地方去玩,一齊製造美好回憶~最近,有位港男於討論區大呻陪女友迪士尼樂園玩,不過就因為「一蚊都冇洗過」而激嬲女友,搞到佢非常無奈,詢問網民究竟係佢孤寒定女友太「港女」?!

港男專程陪女友去迪士尼樂園玩,但卻無意中激嬲女友?!Photo from TVB

# 港男陪女友去迪士尼卻激嬲對方?!

相信大家都會同另一半佢唔同嘅地方玩,一齊創造屬於兩人嘅甜美回憶,而主題樂園就一定係其中一個好去處喇~日前,有位港男就表示同女友入迪士尼樂園玩,但就反而激嬲咗女友,並以「女朋友嬲我去迪士尼一蚊都冇洗過 點算」為題開post詢問網民意見。

港男於討論區大呻陪女友去迪士尼,卻反而激嬲咗對方?!Photo from 連登討論區

# 女友想買頭箍!

港男表示最近就利用迪士尼樂園嘅門票優惠,打算陪本身已經有全年証嘅女友入迪士尼玩。入樂園之後,女友非常興奮去店舖裡面尋找鍾意嘅頭箍,不過港男就勸喻「唔好嘥錢啦!」,只係幫女友影相。而女友就似乎有少少唔開心,不過佢亦覺得唔抵買,所以好快就放棄咗想買嘅念頭!

女友入園後立刻去店舖睇頭箍,經港男勸喻後就放棄購買!Photo from YouTube @余思霆 思家霆園

# 女友想打卡買飲品!

兩人繼續於迪士尼樂園內遊玩,而女友經過小食亭嘅時候就見到好適合打卡嘅飲品,不過購買嘅人龍超級長,所以港男就一下子拉走咗佢!自此之後,女友嗰日全日就黑口黑面咁。

女友本身想買飲品打卡,不過最終被港男一下子拉走咗!Photo from YouTube @余思霆 思家霆園

# 女友坦白生氣原因!

港男見狀心感不妙追問女友,但女友都唔肯講只係默默咁留咗幾滴眼淚。後來,女友終於卸下心防表示唔開心係因為「今日去迪士尼乜嘢都冇買,乜嘢都冇食過!」

兩人玩完一日後,女友就嬲咗港男!Photo from TVB

# 港男表示:唔明點解嬲!

港男聽到女友嬲嘅真正原因後,就十分不解「心諗陪咗你去迪士尼打卡做港女,仲想我點,唯有同佢講下次聖誕節去再買過啦!」事後港男依然諗唔明,所以就詢問網民嘅睇法「係我太唔識浪漫情趣定女友太港女」?!

港男對於女友嬲嘅原因感到無奈!Photo from TVB

# 大部分網民都覺得港男好掃興?!

呢個post隨即引起網民關注!大部份嘅網民就表示明白點解女友會嬲,認為入得主題樂園就當然會「打卡」,而且女友亦唔係胡亂花錢,覺得港男未免「太唔識做!」

有網民就認為港男嘅行為,難免會令女友嬲嘅!Photo from 連登討論區

唔少網民都表示替女友感到可憐,難得拍拖入迪士尼樂園玩都有咁多限制!Photo from TVB

# 有網民覺得女友鍾意亂花錢?!

不過亦有網民同港男有同樣嘅睇法,覺得女友想買嘅嘢並唔實用,係浪費金錢嘅行為!網民就覺得女友竟然因此而嬲,實在不可理喻?!

有網民就認同港男嘅睇法,覺得呢位女友性格港女?!Photo from 連登討論區

部份網民就認為女友嘅行為的確好「港女」!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel