毒男約會伸手為女生抹嘴惹反感 更靜觀對方進食 場面詭異尷尬！

第一次同人約會，太主動幫忙可能會有反效果！一名網民近日在餐廳目擊了一個約會尷尬場面，並到討論區分享，同時奉勸各位男士首次與約會對象食飯時唔好擅自幫人抹嘴！

Photo from 《SPY》劇照

網民目擊約會尷尬現場

最近，一名網民（下稱樓主）到連登討論區發文，分享自己外出用膳時嘅所見所聞。樓主表示，佢旁邊坐了一對男女，佢憑對話猜測二人剛相識不久。用餐時，女生嘴角沾上食物餸汁，男生聽罷便立即「有所行動」！

Photo from 日本KLEENEX 廣告截圖

突伸手想幫忙抹嘴，女生被嚇退

樓主稱，男生當時即刻拿出紙巾，伸手過對面，明言想幫對方抹嘴，女生見狀立即退後一點，即使女生以身體語言表達了「我不願意」，但男生更進一步行動，「仲成個人起身烏前， 隻手伸到勁長話幫佢抹。」樓主更搞笑地貼出示意圖，稱男生手臂猶如圖中人士伸到咁直。

Photo from 連登討論區

面對男生「熱情協助」，坐對面嘅女生最終都被紙巾觸碰到一下，男生之後又用同一張紙巾為自己抹嘴。場面已很尷尬，卻一波未平一波又起！

男生更靜觀女生進食

此時，男女嘅餐桌上仍有好多飯菜，女方叫男生幫手食，但男生竟然回應，稱：「啲嘢食你叫嘅，你要食曬佢~」然後放低手上餐具，「全程托住個頭望個女仔食」！樓主認為，即使已飽，禮貌上都應該拿起餐具，間中食一兩啖。就咁靜觀對方進食會搞到人好尷尬之餘，氣氛也變得詭異。

Photo from 《又，吳海英》 劇照

對此，大批網民都對男生行為詫異，認為剛相識就幫人抹嘴係越界行為，「以為自己好浪漫會加曬分」。

Photo from 連登討論區

Photo from 《金秘書為何這樣》劇照

女網民們警世：非熟人千萬唔好幫女仔抹嘴！

亦有不少女網民大呼擅自幫女生抹嘴係NG行為！因為亂咁抹會整花個妝，尤其唇膏沾上臉會好難被抹走。而且，如果抹到成張紙巾都係唇膏同粉底，會令女生難堪！

Photo from 連登討論區

Photo from 《怦然再心動》 截圖

另外，對於男生停曬手靜觀女生進食，有網民認為佢唔只係一名毒男，「根本係痴漢黎，應該係啲鍾意睇女人食嘢嘅痴線佬。」

Photo from 連登討論區

相關文章：港女放工被毒男同事追落港鐵 不滿被誤會收兵 網民：「唔係兵，係痴漢！」

相關文章：港女約會後大呻港男好度縮 畀少過一半仍不滿 網民：老奉請你？

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）