小學生全身行頭係豪宅首期? 著4萬外套/限量版波鞋 網民:炫富定A貨?

小學生全身行頭係豪宅首期? 著4萬外套/限量版波鞋 網民:炫富定A貨?

生活熱話
By Stephanie on 17 Dec 2021
Digital Content Writer

正所謂「人靠衣裝」,部分人可能會覺得穿著名牌能夠令自己睇落更加高貴?!最近,內地就瘋傳一張照片,只見圖中嘅小學生疑似穿上價值81萬港幣嘅全球限量版波鞋,嚇親一大班網民!

最近,內地一名小學生因為全身行頭出眾,照片被網民瘋傳!Photo from TVB

# 內地小學生服裝超昂貴?!

大家身邊又有冇鍾意買名牌嘅朋友呢?!日前,內地就正在瘋傳一張小學生穿搭嘅照片,其中呢位小學生身上嘅行頭價值不菲,就咁睇佢嘅所有衣著嘅價錢分分鐘可以買到樓!

呢位小學生上嘅所有行頭都非常厲害,同其他同齡嘅小朋友有鮮明對比!Photo from 微博

# 上衣同運動褲都係名牌?

從照片中所見,應該係喺小學嘅升旗典禮拍攝,但呢位小學生嘅衣著就因為太過獨特而被拍下。有網民瞬間將該小學生身上嘅所有行頭搜查出:外套係法國名牌「LV」今年新款羽絨大褸,上面仲印有象徵該品牌嘅圖案,價值大約3.8萬人民幣(約港幣4.7萬);而下身就係Kenzo新款運動褲,大約3800元人民幣(約港幣4千6)。

小朋友身穿Kenzo灰色運動褲,款式同呢個相似!Photo from Kenzo官網

# 仲穿著限量版波鞋!

而最厲害嘅就係小朋友所穿著嘅波鞋喇!據悉,佢係曾出現於《回到未來2》嘅Nike Air Mag波鞋,全球限量只係得89對,係唔少波鞋迷心目中嘅夢寐以求嘅「神鞋」。

而小朋友身上所穿著嘅波鞋仲係全球限量版?!Photo from 微博

# 2015年香港最高拍賣價為81萬!

喺2015年嘅時候,呢對波鞋就曾經以慈善拍賣嘅形式出售過:喺香港就以最高81萬港幣成交;美國則以20萬美金(約120萬港幣)完成交易,非常誇張!就咁睇,小朋友單單係衣著就已經逾85萬,就嚟可以買到樓!

Nike Air Mag波鞋一對難求,曾經喺香港以81萬高價拍賣成功!Photo from Nike 官網

# 網民認為係A貨?!

唔少網民睇到之後,都覺得呢位小朋友應該係富二代,仲有網民講笑咁話要遠離呢位小朋友,擔心踩到佢對鞋要賠上自己所有積蓄!但亦有網民質疑小朋友身上所傳嘅波鞋並唔係正版,「呢啲限量波鞋根本唔會有小童size!」、「一睇就知係假」等,有網民仲好厲害咁搵到淘寶有類似款式嘅波鞋,售價最高都只係大約600人民幣(約港幣734)!

有網民就認為限量版波鞋好有可能並非正版!Photo from 連登討論區

有網民好快就喺淘寶搵到類似款式嘅波鞋!Photo from 連登討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地網紅掀起「佛媛」風潮!炫富被整肅!改著全身名牌禮佛!狂晒佛經美甲/佛珠

17 Sep , 2021

內地官方最近整改娛樂圈,連帶直播等網上平台都受影響,喺內地網紅圈近日就掀起一股名為「佛媛」風潮,網紅唔再分享奢華生活,轉為晒歲月靜好嘅「佛系」日常,但就被批「假禮佛真炫富」。

內地官方最近整改娛樂圈Photo from 趙薇IG

內地嚴厲整頓娛樂圈

官方對娛樂圈「失德藝人」嘅整肅手段嚴厲,唔少內地明星都要上「藝德課」,避免被內地封禁。內地網紅以往以「名媛日常」最為流行,酒店下午茶、名牌奢侈品、打卡等拜金炫富風氣好常見。

官方對娛樂圈「失德藝人」嘅整肅手段嚴厲,唔少內地明星都要上「藝德課」Photo from 微博

內地網紅以往以「名媛日常」最為流行,酒店下午茶、名牌奢侈品、打卡等拜金炫富風氣最常見。

內地網紅圈掀起「禮佛」加「名媛」嘅「佛媛」風潮

廣告
廣告

不過近日內地網紅圈就轉為吹起「佛媛」風潮,所謂「佛媛」即「禮佛」、「名媛」嘅結合,佛媛嘅日常唔再係歎tea、買名牌,而係拜佛、品茶、抄佛經、茹素等「佛系」生活。

近日內地網紅圈就轉為吹起「佛媛」風潮,所謂「佛媛」即「禮佛」、「名媛」嘅結合Photo from 微博

佛媛嘅日常唔再係歎tea、買名牌,而係拜佛、品茶、抄佛經、茹素等「佛系」生活。Photo from 小紅書

佛媛禮佛「修心養性」Photo from 小紅書

呢排喺內地抖音、小紅書等隨處可見「佛媛」,佢哋打卡地點由酒店、名牌專門店變成寺廟,重點係展示佢哋超脫於世俗、歲月靜好嘅一面。

「佛媛」打卡地點由酒店、名牌專門店變成寺廟Photo from 小紅書

「佛媛」網紅打扮素淡晒禮佛日常

「佛媛」網紅每每都會著旗袍、漢服等,衣著打扮以素雅為主,影相pose亦多為雙手合十、跪地等虔誠參拜狀,佢哋會用一、兩句佛語、偈语做caption。

「佛媛」網紅每每都會著旗袍、漢服等,衣著打扮以素雅為主Photo from 微博

「佛媛」影相pose多為雙手合十、跪地等虔誠參拜狀Photo from 抖音

「佛媛」會用一、兩句佛語、偈语做caption。Photo from 小紅書

「佛媛」打卡以佛系為主,展露超脫世俗心態Photo from 小紅書

化妝唔再係濃妝艷抹,著重營造清淡妝容,甚至素顏,比起花枝招展,「黑、長、直」或將頭髮束起嘅髮型更貼合「佛媛」形象。「佛媛」影嘅相往往係抄緊心經、茗茶、參拜等「日常生活」,有指係網紅認為「佛系」生活會獲得官方認可,唔會被封禁先咁做。

化妝唔再係濃妝艷抹,著重營造清淡妝容,甚至素顏,比起花枝招展,「黑、長、直」或將頭髮束起嘅髮型更貼合「佛媛」形象Photo from 小紅書

「佛媛」影嘅相往往係抄緊心經、茗茶、參拜等「日常生活」Photo from 小紅書

「品茶」都係佛媛嘅其中一項打卡posePhoto from 小紅書

佛媛衣著性感禮佛,大晒奢華生活

不過喺禮佛同時,「佛媛」都不忘大晒奢華生活,例如展示佛經美甲、價值不菲嘅佛珠、名貴嘅翡翠珍珠、金銀掛飾平安鎖等,美其名為對佛祖嘅虔誠之心。名牌手袋、奢侈品牌嘅飾物等往往都會「不經意」出現喺佛媛禮佛嘅相片中。

喺禮佛同時,「佛媛」都不忘大晒奢華生活,例如展示佛經美甲Photo from 小紅書

名牌手袋、奢侈品牌嘅飾物等往往都會「不經意」出現喺佛媛禮佛嘅相片中。Photo from 微紅

亦有人打扮性感,著開衩旗袍,甚至有領口極低、或露背、露腰嘅服飾禮佛,顯得非常唔莊重。

有人打扮性感,著開衩旗袍,甚至有領口極低、或露背、露腰嘅服飾禮佛Photo from 小紅書

打扮性感咁擺誘人pose被指非常唔莊重。Photo from 抖音

佛媛賣佛珠、掛飾賺錢

網紅做得佛媛,當然都會「賣貨」賺錢,有唔少網紅都有經營美妝、服飾、飾物等生意,所以有部分佛媛會喺網上出售「同款」嘅佛珠、掛飾、服裝、茶葉。有內地網友批佛媛假借禮佛賺錢、實則炫富嘅行為比「失德藝人」更嚴重,要求官方整頓。

有部分佛媛會喺網上出售「同款」嘅佛珠、掛飾、服裝、茶葉。有內地網友批佛媛假借禮佛賺錢Photo from 小紅書

網民直斥呢種「佛媛」風氣扮到好清新脫俗,影嘅相卻散發揮之不去嘅銅臭味:「簡直玷污寺廟」。

網民直斥呢種「佛媛」風氣扮到好清新脫俗,影嘅相卻散發揮之不去嘅銅臭味Photo from 小紅書

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel