王力宏離婚｜王力宏被指常當李靚蕾作放閃道具婚照造假等5大行為刻意扮好老公！

By Cheryl on 20 Dec 2021

Digital Editor

王力宏與李靚蕾嘅離婚事件鬧得熱烘烘，女方多篇長文重創王嘅形象，雖然王力宏指自己在結婚期間活在恐懼之下，但有網民翻出演唱會舊片，發現2019年男方在演唱中途主動向妻子索吻，除此，佢多年嚟亦作出多番「愛妻」舉動，評論都認為佢喜歡為形象演戲，同時指出，妻子咁可怕嘅話又會主動親佢？

Photo from 王力宏

王力宏曾在演唱會高調吻李靚蕾

王力宏於2019年登上小巨蛋舉辦多場《龍的傳人2060世界巡迴演唱會》，演唱《愛的就是你》時，主動走下台到貴賓席，首先示意黑人與范瑋琪親吻，之後再走向妻子李靚蕾，因地面與座位嘅高度差異下踮起腳尖親吻在坐嘅李靚蕾，引起全場尖叫。

Photo from YouTube

除此，在「龍的傳人2060」惠州演唱會上，王力宏亦襯李靚蕾生日叫全場歌迷一起替妻子唱生日快樂歌，幫老婆慶生。

Photo from YouTube

台上曬恩愛後逼離婚

然而，根據李靚蕾聲明文，演唱會結束幾個月後，王力宏就逼佢離婚，「2019年台北小巨蛋演唱會幾個月後他開始用各種方式逼我離婚，我們開始協議讓他自由的過他自己想過的單身生活，找到適合方式走下去。」

Photo from 李靚蕾微博

王力宏結婚照造假

除了被指在演唱會上假曬恩愛，近日有網民指出，王力宏與李靚蕾與家人嘅合照是合成照，又在兩張照片中發現王力宏與爸爸媽媽嘅動作和表情都一致，P圖味濃。而早在2013年都已經有記者發現圖中黑衣小女孩衣服有P圖痕跡，王力宏一方當時回應只係將唔理想嘅地方微調過。

Photo from 網上圖片

放閃照永遠望鏡頭？

有網民直指，王力宏大時大節都愛秀出與李靚蕾嘅恩愛照，但被指有做假和做戲之嫌，例如照片中，王力宏吻妻時永遠都望著鏡頭。

Photo from 王力宏

演唱會放婚禮片

王力宏亦在2016年演唱會預告片中放了與李靚蕾在古堡舉行婚禮嘅畫面，以塑造自己極度愛妻嘅形象。

Photo from YouTube

為面子重新包裝妻子學歷？

近日微博有人爆料，指李靚蕾學歷有被王力宏重新包裝過，其實女方讀嘅是一間猶太教大學「葉史瓦大學（Yeshiva Univesity）」，畢業後當舞者，並非「摩根大通」分析師。之後王力宏送佢去進修，獲得哥倫比亞大學教育學院嘅1年制碩士，才足以配得上王家。除此，王力宏亦要求港日混血兒，本命為「西村美智子」嘅妻子跟隨夫姓改叫「王靚蕾」。而對外用嘅「李靚蕾」查實來自另一名與王力宏不相識嘅高學歷女子。爆料分析，王力宏做嘅一切都係為了讓自己更有面子，人設更加完美。