王力宏「深情才子」人設崩壞！傳被內地列作失德藝人！代言品牌解除合作關係

王力宏被老婆李靚蕾以「蕾神」之態踢爆私生活混亂，雖然王爸爸同王力宏都先後發文指李靚蕾以肚逼婚，但都難扭轉公眾對佢嘅印象，加上李靚蕾一再反駁王力宏方嘅回應，王力宏「深情才子」人設似乎已經不復存在。有傳內地已將佢列為失德藝人，其代言品牌廣告全被解除合作關係。

李靚蕾發文力斥王力宏私生活混亂

李靚蕾於12月17日發文指責前夫王力宏婚內偷食等，力斥佢私生活混亂，引起軒然大波。其後王力宏父親發表手寫信，反指李靚蕾當年以肚逼婚，令李靚蕾再度發文：「看到王爸爸年紀這麼大了還要為了45歲的兒子出來說這樣謊，拍這樣的照片覺得很心痛也很不敢置信。」

「潛水」2日嘅王力宏終於公開回應指前妻所指全部都係不實指控，仲話遲啲會一一回應。而李靚蕾當然不甘示弱，再喺社交網站發文反擊！（相關文章：李靚蕾再發文5點反駁王力宏！斥滿口謊言！李靚蕾哥哥發聲）

王力宏道歉表示暫時退出娛樂圈

而面對李靚蕾一再發文追擊，本來指會一一回應李靚蕾指控嘅王力宏終於喺社交網站向公眾道歉！更表示唔會再做「任何解釋和辯解」，又指會暫時退出工作！

全文如下：

左思右想，男人還是應該承擔起所有的責任。我不再做任何解釋和辯解，沒經營好婚姻，給家人帶來困擾，沒給大眾做好偶像該有的形象，都是我的錯。在這裡，給爸爸媽媽靚蕾孩子們鄭重道歉。既已離婚，爭論過去種種已經無意義了。從今往後，我會注意自己的言行舉止，會承擔起一個父親、兒子和公眾人物的責任，經濟上生活上盡可能的照顧靚蕾和孩子們，我準備暫時退出工作，留出時間陪伴父母和孩子，彌補這次風波帶來的傷害。靚蕾，我們還是要共同照顧撫養三個孩子的，你們住的房子我會過戶到你的名下。孩子們的撫養教育我也會全程參與並承擔費用。此事肯定主要是我處理不當。再次向大家道歉。

傳內地央視已出手列王力宏為「失德藝人」

外界幾乎一面倒力撐李靚蕾，王力宏出道26年苦心經營嘅「深情才子」人設恐「一舖清袋」！有網友發現內地央視疑已出手封禁王力宏，佢主唱嘅內地劇集片尾曲亦「被消失」

根據電視劇片尾嘅列表，片尾曲《寸心》本為王力宏同譚維維合唱，但12月19號播出嘅新一集迅速換成「女聲獨唱版」，全新嘅片尾電視劇人員列表更作淡化處理。

近年內地對藝人管理十分嚴格，王力宏今次極有可能被列為「失德藝人」，從此唔可以再出現喺內地節目。佢原定嘅公演都喺李靚蕾發文後全部取消。

代言品牌全解除合作，恐損失2億！

王力宏喺出事之前曾有唔少代言、廣告在身，但李靚蕾於12月17號深夜發文後，好多合作品牌紛紛宣佈同王力宏解除合作關係！包括周大生珠寶、讀書郎等。有內地傳媒影到商場有工作人員以傳單遮住王力宏嘅廣告牌。

其中喺2021年12月16日宣佈王力宏擔任品牌代言人嘅「英菲尼迪」亦極速宣佈終止與王力宏嘅合作關係，其代言僅2日。

有台灣傳媒指有多達10個品牌都同王力宏解除合作關係，相信佢將損失一年收入2億新台幣（約港幣$5,600萬）！事業面臨一舖清袋嘅佢或更要賠償品牌嘅損失！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

李靚蕾再發文5點反駁王力宏！斥滿口謊言！李靚蕾哥哥發聲

Dec 20, 2021

王力宏嘅聲明被李靚蕾極速反駁，雖然王力宏表示「自己文筆唔及靚蕾」，又稱遲啲會再一一回應前妻嘅5000字長文，但今朝李靚蕾再發長文5點質疑王力宏聲明！李靚蕾哥哥亦有喺IG Story發聲！

聲明如下：

李靚蕾哥哥喺IG Story發聲：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）