萬千星輝頒獎典禮2021|鍾嘉欣成視后大熱!「星夢幫」踩過界爭獎?!

萬千星輝頒獎典禮2021|鍾嘉欣成視后大熱!「星夢幫」踩過界爭獎?!

電視電影 娛樂新聞
By Jennifer on 21 Dec 2021
Digital Editor

TVB《萬千星輝頒獎典禮2021》日前公佈視帝、視后、最佳男配角、最佳女配角等五強名單,唔少大熱人馬如《星空下的仁醫鍾嘉欣、鄭嘉穎;《智能愛人》Ali李佳芯等都有入圍,但都有好多人不滿有藝人未能晉身五強。

TVB《萬千星輝頒獎典禮2021》日前公佈視帝、視后、最佳男配角、最佳女配角等五強名單

陳展鵬、鄭嘉穎、馬國明再爭做視帝

「最佳男主角」入圍五強有《逆天奇案》陳展鵬、《換命真相》譚俊彥、《星空下的仁醫》鄭嘉穎同馬國明、《拳王》張振朗。其中陳展鵬、鄭嘉穎、馬國明都已經攞過一次,譚俊彥2016年正式簽約TVB後首次入圍視帝最後五強,今次有望首奪「最佳男主角」。

「最佳男主角」入圍五強名單

譚俊彥2016年正式簽約TVB後首次入圍視帝最後五強,今次有望首奪「最佳男主角」。

張振朗為拍《拳王》操fit身型,2020年《萬千星輝頒獎典禮》更奪「最受歡迎電視男角色」,更揮低同劇大前輩黎耀祥入圍視帝最後五強。

張振朗揮低同劇大前輩黎耀祥入圍視帝最後五強

Ali李佳芯、鍾嘉欣成視后大熱

「最佳女主角」入圍五強分別係《智能愛人》李佳芯、《七公主》林夏薇、《把關者們》黃智雯、《星空下的仁醫》鍾嘉欣、《拳王》姚子羚。

「最佳女主角」五強名單

鍾嘉欣憑《星空下的仁醫》「章以芯」超強喊戲成頂頭大熱,有人統計佢以往曾獲提名10次但都係「陪跑」,今屆有望「開齋」一嚐視后滋味!不過Ali同樣不可小覷,佢喺《智能愛人》飾演AI阿寶都好考演技,加上Ali有極佳觀眾緣,喺TVB公佈入圍名單嘅影片下有唔少網友力撐Ali再奪視后!

鍾嘉欣憑《星空下的仁醫》「章以芯」超強喊戲成頂頭大熱

Ali喺《智能愛人》飾演AI阿寶同樣好考演技

Ali有極佳觀眾緣,喺TVB公佈入圍名單嘅影片下有唔少網友力撐Ali再奪視后!

「最受歡迎電視男角色」金城安、「初哥哥」胡鴻鈞入圍

視帝最後五強中只有《換命真相》時光(譚俊彥)《星空下的仁醫》況叢昕(馬國明)同時入圍「最受歡迎電視男角色」,佢哋嘅對手有《愛‧回家之開心速遞》金城安(周嘉洛)、《智能愛人》古家廉(陸永)、《十月初五的月光》文初(胡鴻鈞)。

視帝最後五強中只有《換命真相》時光(譚俊彥)《星空下的仁醫》況叢昕(馬國明)同時入圍「最受歡迎電視男角色」

「最受歡迎電視男角色」五強名單

周嘉洛曾於2019年以24歲之齡成為歷年最年輕的「最佳男配角」,獲TVB力捧嘅佢今次有望再下一城首奪「最受歡迎電視男角色」。《十月初五的月光》「初哥哥」胡鴻鈞角色都好有競爭力,一直以嚟胡鴻鈞都係攞「最受歡迎電視歌曲」,如果攞獎將會係佢首次憑演技奪《萬千星輝頒獎典禮》獎項。

周嘉洛曾於2019年以24歲之齡成為歷年最年輕的「最佳男配角」

《十月初五的月光》「初哥哥」胡鴻鈞角色都好有競爭力

「最受歡迎電視女角色」姜麗文、滕麗名同視后候選人爭獎

視后最後五強嘅《愛美麗狂想曲》王麗美(李佳芯)、《逆天奇案》馬穎思(林夏薇)、《星空下的仁醫》章以芯(鍾嘉欣)同樣入圍「最受歡迎電視女角色」,雖然只有鍾嘉欣係以同一套劇集獲提名,但Ali同林夏薇都有望奪獎。

「最受歡迎電視女角色」五強名單

《愛‧回家之開心速遞》熊尚善(滕麗名)、Liza(姜麗文)同時入圍,姜麗文最令人驚喜,估唔到佢飾演嘅「姐姐」演技獲好評會入到「最受歡迎電視女角色」五強。

《愛‧回家之開心速遞》熊尚善(滕麗名)、Liza(姜麗文)同時入圍

姜麗文最令人驚喜,估唔到佢飾演嘅「姐姐」演技獲好評會入到「最受歡迎電視女角色」五強

「最佳男配角」競爭超大

入圍五強嘅有:《逆天奇案》張頴康、《智能愛人》泰臣、《換命真相》朱敏瀚、《星空下的仁醫》羅子溢、《拳王》黃子恆。5位候選人都好有可能奪獎,但呼聲較高嘅有張頴康、羅子溢。

「最佳男配角」五強名單

「最佳男配角」呼聲較高嘅有張頴康

羅子溢都有望攞「最佳男配角」

「最佳女配角」Yoyo陳自瑤、姜麗文係大熱?

《愛‧回家之開心速遞》姜麗文、《寶寶大過天》陳自瑤、《智能愛人》麥美恩、《換命真相》劉佩玥、《星空下的仁醫》何依婷入圍最後五強,姜麗文同時亦係「最受歡迎電視女角色」五強,有女配大熱之一,而Yoyo陳自瑤參加綜藝節目《好聲好戲》、《識貨》奪冠後人氣急升,加上同老公王浩信「破冰」互動亦成為熱話,亦有望攞獎。

「最佳女配角」五強名單

Yoyo陳自瑤參加綜藝節目《好聲好戲》、《識貨》奪冠後人氣急升

不過近日喺《十月初五的月光》飾演「萬朱莎華」嘅姚嘉妮演出備受好評,即使原作陳曼娜已成經典仍不落下風,今次未能入圍「最佳女配角」五強,有唔少網友留言替佢不值。

喺《十月初五的月光》飾演「萬朱莎華」嘅姚嘉妮演出備受好評

姚嘉妮今次未能入圍「最佳女配角」五強,有唔少網友留言替佢不值。

王灝兒JW、陳瀅、羅天宇等人力爭「飛躍進步男女藝員」,「星夢幫」踩過界爭獎

「飛躍進步男藝員」有六強:林正峰、羅天宇、馬貫東、丁子朗、黃庭鋒、胡鴻鈞,競爭超大!胡鴻鈞、羅天宇、丁子朗都好有機會首度奪獎!

「飛躍進步男藝員」有六強:林正峰、羅天宇、馬貫東、丁子朗、黃庭鋒、胡鴻鈞

廣告
廣告

羅天宇都好有機會首度奪獎!

「飛躍進步女藝員」五強:陳瀅、姜麗文、王灝兒JW、王敏奕、游嘉欣。「飛躍女藝員」同樣競爭好大!男藝員方面「星夢一哥」胡鴻鈞獲提名,女藝員中「星夢幫」仲有JW、王敏奕都入圍,但佢哋對手強勁,有人氣女神陳瀅,仲有喺《開心速遞》同《星空下的仁醫》演出都備受好評嘅姜麗文,游嘉欣年輕但參與嘅節目、劇集都比JW、王敏奕多。

「飛躍進步女藝員」五強:陳瀅、姜麗文、王灝兒JW、王敏奕、游嘉欣。

女藝員中「星夢幫」仲有JW、王敏奕都入圍

人氣女神陳瀅

姜麗文喺《開心速遞》同《星空下的仁醫》演出都備受好評

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

鍾嘉欣獲網民力推做今年視后!過往獲提名10次!已經帶同仔仔秘密返港攞獎?

2 Dec 2021

TVB《萬千星輝頒獎典禮2021》嘅提名名單早前已經公開,當中喺台慶劇《星空下的仁醫》中表現亮眼嘅鍾嘉欣就成為唔少網民心目中嘅視后大熱人選!原來鍾嘉欣過去已經喺頒獎典禮中多次陪跑,並失落視后寶座,令唔少網民都直呼可惜!

鍾嘉欣於《星空下的仁醫》有出色表演,令唔少網民力推佢成為今年視后!Photo from 鍾嘉欣IG

# 鍾嘉欣透過參加選美比賽入行!

現年37歲嘅鍾嘉欣於2003年參選《溫哥華華裔小姐競選》榮奪冠軍,其後於2004年參加《國際華裔小姐》,並簽約成為TVB藝人,可以話係備受力捧。同年,佢就因電視劇《皆大歡喜》而受到唔少觀眾喜歡,之後亦有份參與多部電視劇,包括:《溏心風暴》嘅「常在心」、《飛虎II》嘅「鍾韋恩」等,成為當紅花旦!

鍾嘉欣因為參選選美比賽而入行。Photo from 鍾嘉欣IG

鍾嘉欣曾經出演多部經典電視劇,其中以《溏心風暴》「常在心」一角而為人熟悉。Photo from TVB

# 失落視后獎項高達10次!

其實鍾嘉欣嘅演戲多年,演技已經獲得唔少網民嘅肯定。不過佢卻竟然尚未奪得過香港嘅《萬千星輝頒獎典禮》「最佳女主角」殊榮,而過去佢已經足足陪跑咗10次咁多,每次都同「視后」獎座擦肩而過,令唔少網民都覺得非常可惜!

原來鍾嘉欣從未於香港萬千星輝頒獎典禮中榮獲視后!Photo from TVB

# 每次都敗給當年勁敵!

喺2013年,鍾嘉欣憑著《巨輪》於馬拉西亞頒獎典禮中獲得雙料視后殊榮,當時一度傳出佢已經加簽10年長約,不過依然輸俾同劇嘅田蕊妮;2015年,佢以《華麗轉身》嘅拜金港女「司徒迪迪」一角而受到網民讚賞,但依然敗俾《鬼同你OT》嘅胡定欣。雖然佢曾多次成為網民票選「視后」,然而未能喺香港頒獎典禮中獲得獎項,似乎就有啲可惜!

鍾嘉欣曾經憑《巨輪》於馬來西亞奪得視后!Photo from TVB

鍾嘉欣於2015年憑《華麗轉身》入圍,不過敗俾勁敵胡定欣!Photo from TVB

# 結婚後甚少出演電視劇,直到今年出演《星空下的仁醫》

而鍾嘉欣2016年同脊醫丈夫Jeremy結婚並誕下一對子女,長居加拿大,之後佢嘅電視劇作品數目就已經大大減少。直到最近,佢就返港拍攝台慶劇《星空下的仁醫》飾演「章以芯」一角,人氣再度回升!而佢喺劇中嘅爆喊演技仲獲得網民大讚,認為佢嘅演技有明顯嘅進步,力撐鍾嘉欣今年必定可以登上「視后」寶座啊!

鍾嘉欣2016年與從事脊醫嘅Jeremy結婚,並長居加拿大。Photo from 鍾嘉欣IG

鍾嘉欣結婚後已經甚少主演電視劇,直到今年出演《星空下的仁醫》!Photo from 鍾嘉欣IG

# 已經秘密回港為攞獎?!

今年,鍾嘉欣獲提名「最佳女主角」以及「最受歡迎電視女角色」2個獎項。而佢近日就帶同仔仔Jared返港,現正於酒店隔離中。由於過往唔少人都覺得TVB嘅頒獎典禮有「分豬肉」嘅嫌疑,而且當日冇到場嘅候選人都冇得攞獎,所以唔少網民就猜測佢大費周章回港好有可能係為咗「攞獎」!

鍾嘉欣已經秘密返港,並正在接受隔離中。Photo from 鍾嘉欣IG

今次鍾嘉欣回港仲帶埋仔仔Jared一齊!Photo from 鍾嘉欣IG

# 傳今次片酬有300萬!

鍾嘉欣上年回港拍攝《星空下的仁醫》時要同家人分開2至3個月,當時佢就已經表示非常想念子女,揚言「下一次返香港拍戲可能係10年後!」據悉,佢今次電視劇拍攝嘅酬勞非常高「本身酬勞已經好高,足足有300萬!係佢以前拍攝嘅幾倍咁多」,而佢亦因為能夠同馬明以及鄭嘉穎合作毅然決定接拍!

鍾嘉欣上年拍攝時就已經表示頂唔順同子女分開咁耐!Photo from 鍾嘉欣IG

有傳鍾嘉欣今年嘅酬勞高達300萬!Photo from 鍾嘉欣IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel