譚詠麟返港後首度開腔回應傳聞! 承認未有妥善處理:想修補同家人關係!

譚詠麟返港後首度開腔回應傳聞! 承認未有妥善處理:想修補同家人關係!

娛樂新聞
By Stephanie on 21 Dec 2021
Digital Content Writer

譚詠麟上個月被內地網民爆料疑似「食粉絲」,一度引起網民熱烈討論。最近,佢就已經返港並於跑馬地社區檢測中心現身做檢測,而佢喺接受傳媒訪問時亦首度開腔回應事件,並承諾將來會付出更多時間俾屋企人!

譚詠麟喺初吻曝光後,首度於返港並接受傳媒採訪。Photo from 譚詠麟微博

# 譚詠麟上個月疑似被內地網民爆料?!

現年71歲嘅譚詠麟(譚校長)上個月被內地男網民「悲傷牛肉面_」大爆疑似「食粉絲」,引發網民關注。而爆料者嘅照片中就令網民搵到唔少同譚校長非常相似嘅共同點,令事情變得更加撲朔迷離!不過,譚詠麟所屬公司好快就發出聲明否認傳聞,而事情亦因此而暫吿一段落。

一名內地男網民「悲傷牛肉麵_」大爆「香港愛國男歌手和我女朋友搞在一起」傳聞,矛頭直指譚詠麟?!Photo from 微博

爆料者就上載男方背影照作為證據,引起網民熱議。Photo from 微博

# 風波後首度回港!

日前,譚詠麟就終於返到香港,並首度露面,現身喺跑馬地社區檢測中心。據悉,佢今次返港只係為咗投票以及同家人過聖誕節,喺聖誕節後就會立刻返內地工作。

日前,譚詠麟返港並現身跑馬地進行檢測!Photo from 譚詠麟微博

# 首度正面回應傳聞!

而譚詠麟喺接受媒體訪問時,亦首度正面開腔回應傳聞!佢非常自責咁表示傳聞爆出時,因為當時正喺張家界拍攝節目,信號接收唔好而導致未能夠即時妥善處理問題,搞到家人以及一班fans都好擔心佢。

譚詠麟為未能喺傳聞爆出後未能及時作出適當嘅回應而感到自責。Photo from 譚詠麟微博

# 現階段只想修補同家人關係!

透過今次嘅事件,譚詠麟就領悟到自己陪伴屋企人嘅時間非常不足,仲話農曆新年後就將會完成內地嘅工作,到時候就會投放更多時間陪伴摯愛以修補關係!而佢就表示「摯愛」即係兒子譚曉風;而同太太嘅感情就「在心中」。

譚詠麟表示農曆新年後就會完成喺內地嘅工作,未來會投放更多時間俾家人!Photo from 《時光音樂會》

譚詠麟表示現階段要好好修補同家人嘅關係! width=

# 經常都會與粉絲合照!

對於被爆出嘅照片,譚詠麟就表示唔方便回應,並且已經將事件交由內地法律團隊處理。但佢就話自己本身經常都會喺歌迷聚會嘅時候同大家拍照、唱生日歌、簽名等。

譚詠麟話自己平時都成日同粉絲們合照。Photo from 譚詠麟微博

# 冇關注王力宏事件!

而媒體亦有問譚詠麟是否有留意到鬧得滿城風雨嘅王力宏事件,而佢就話自己冇留意新聞「人哋嘅家事就唔好講喇」,現時嘅佢睇嚟只係想集中處理同屋企人嘅關係喇~

譚詠麟而家只係想盡快完成工作,陪伴家人!Photo from 譚詠麟微博

譚詠麟話自己並冇留意王力宏嘅離婚新聞。Photo from 王力宏微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

廣告
廣告

譚詠麟桃色風波後首度開腔! 受傳聞帶挈?表演片段一日內6千萬瀏覽!

1 Dec , 2021

譚詠麟(校長)上星期就被內地網民大爆疑似「偷食粉絲」而陷入桃色風波。最近,譚詠麟就喺風波後首度發文讚揚節目《時光音樂會》,一律避談傳聞;而佢於節目中表演嘅影片仲竟然一日內有逾6千萬人觀看?!

譚詠麟於風波後首度於微博發文,而佢嘅表演片段中獲得超高點擊率?!Photo from 譚詠麟微博

# 譚詠麟疑似陷入桃色風波!

現年71歲嘅譚詠麟(校長)上星期就被內地男網民大爆「偷食粉絲」,而爆料者所曝光嘅照片背影有的確同校長有啲相似,隨即引起網民們嘅討論。儘管譚詠麟所屬嘅經紀公司已經發出聲明否認,但唔少眼利嘅網民就立刻將爆料照片以及譚校長微博嘅照片作對比,並搵出相同之處,令事實變得更加撲朔迷離!

內地男網民大爆女友同某愛國香港男歌手疑似跨越友情關係,並附上幾張爆料圖片!Photo from 微博@「悲傷牛肉麵_」

根據爆料者所提供嘅資料,唔少網民都立刻推測到係講緊譚詠麟!Photo from 譚詠麟微博

# 網民好奇譚詠麟會否於節目中「被消失」?

事件醞釀多日,爆料者已經冇再提供更多嘅資訊,相信傳聞將會不了了之。由於內地最近正在嚴格管理演藝人員嘅個人品格,唔少網民都好關注譚校長會唔會因為今次事件而導致「被消失」呢?!

唔少網民都猜測譚詠麟會唔會因此而於節目上被打格?!Photo from 譚詠麟微博

# 預告片只剩下剪影片段?!

早前,譚詠麟有份參與嘅節目《時光音樂會》就釋出預告片,當時網民就發現貴為大前輩嘅佢只剩下背影以及剪影嘅畫面,真係唔認真睇都發現唔到佢!

《時光音樂會》預告中並未有幫譚詠麟打上格仔!Photo from 《時光音樂會》預告

不過預告片中就只係得譚詠麟嘅背影剪影等,未能夠清楚見到樣貌。Photo from 《時光音樂會》預告

# 節目最終如常播放,一日內衝破6千萬人觀看!

不過《時光音樂會》播出當日,譚詠麟嘅表演最終亦照常播放,並演唱《勿忘心安》。未知係咪因為傳聞帶挈當日節目居然一反常態,登上微博熱搜榜,而譚校長嘅演出片段觀看量數量驚人,一日就已經有逾6千萬人觀看!

《時光音樂會》播出當日,譚詠麟表演片段照常播放。Photo from 《時光音樂會》

譚詠麟嘅表演片段仲喺一日內獲得逾6千萬點擊率!Photo from 《時光音樂會》

# 譚詠麟首度微博發文

隨後,譚詠麟就首度於微博公開發文,絕口不提近日傳聞,而係大讚內地節目好「時光音樂會是一個令人感覺舒適的音樂節目,每次拍攝都帶比我們好多不一樣的回憶。 ​​​」,似乎係向各位內地嘅粉絲大派定心丸,會繼續出演節目。

譚詠麟於風波後首度於微博發文。Photo from 譚詠麟微博

譚詠麟讚揚內地節目《時光音樂會》能夠提供足夠嘅平台俾歌手發揮。Photo from 譚詠麟微博

# 網民不停於街上偶遇譚詠麟?!

自從風波傳聞後,譚詠麟至今都未有出席公開活動現身露面,不過就有唔少網民野生捕獲譚詠麟於內地商場逛街,而照片大多都係深圳或者上海拍攝,所以推測有可能都係風波前拍攝嘅。然而,其中一位女粉絲所上載嘅合照就引起網民討論,因為照片中嘅校長突然增高咗,令網民都忍唔住笑言「有這麼高嗎?」、「拍攝技巧真厲害!」等,比較相信係女粉絲嘅濾鏡或者P圖技巧令譚校長身形變得更加修長!

有內地網民就於商場野生捕獲譚詠麟,不過佢修長嘅雙腿就令網民爆笑。Photo from 小紅書

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel