港女食飯一個動作被男友媽大鬧 嫌食物太油膩 被狂斥：唔好再上嚟！
上伴侶屋企食飯，遇到唔啱食嘅嘢你會點做呢？最近，一名女網民到討論區表示，自己正將飲食習慣變得更清淡，但到男友家作客用膳卻面對一桌肥膩餸菜，於是佢決定做一個動作再食，結果被男友媽大鬧，仲叫佢唔好再嚟，令事主超級無奈。
Photo from 香港愛情故事 TVB
港女到男友家不滿食物太肥膩
近日，一名女網民（下稱樓主）到香港討論區發文，表示佢想減磅，所以現時食得較清淡，計劃已實行了一個月並且見效。佢較早前到男友家食飯，當日佢媽媽煮了好多肥膩菜式，包括：鳳爪排骨、炸子雞、燒肉、煎魚，連菜都落唔少油。
Photo from 香港愛情故事 TVB
將食物過水先食
由於樓主唔好意思唔食，所以佢請男友裝一碗水，樓主再將食物過水一次先再食，肉食如雞與燒肉都唔食皮。男友媽見狀便大感不滿，立即質問樓主何故咁做。
Photo from 香港愛情故事 TVB
男友媽大感不滿
樓主回答自己正減磅，所以食清淡啲。男友媽聽罷，即問佢點解唔提早講，更指佢唔連皮食好浪費，將食物過水嘅動作亦好似話緊男友媽烹飪技術唔好。樓主感到非常無奈，「如果唔好食，我水都唔會過啦！直接唔食咪得！」
Photo from 愛回家之開心速遞 TVB
樓主男友此時開聲幫樓主，叫佢媽媽唔好生氣，解釋女友都只係想更健康。豈料媽媽繼續發火，質疑樓主做了小動作暗示畀兒子聽，佢作為媽媽唔識照顧屋企人飲食，更直言：「我哋啲老嘢煮嘢係咁豐富啦，如果咁難為你，你以後咪唔好勉強上嚟食啦！ 去返啲西餐廳食沙律啦！」
Photo from 野蠻奶奶大戰戈師奶 TVB
港女認為無咩大不了
樓主認為事件本來好小事，因為佢有畀面食男友媽煮嘅食物，而且自己在家將食物過水亦唔會被父母非議，所以不解為何對方媽媽要如此大反應。而樓主男友則建議佢遲啲送小小禮物去氹返佢媽媽就會無事，但樓主就唔太想喇。
Photo from 香港愛情故事 TVB
大多網民認為港女樓主唔識人情世故
對此，有網民認同樓主，指男友媽說話太過分，但亦有不少人認為樓主行為等於落長輩面，唔識做人，過水動作亦被指為無家教。
Photo from 香港討論區
Photo from BB來了 TVB
Photo from 香港討論區
有人認為樓主可以有更好嘅做法，例如只吃幾件餸，再多吃菜，同時指自己較愛吃菜，亦可拖慢進食速度，「食到半飽不餓就停」；而男友媽亦唔清楚樓主飲食習慣，故不能將佢同自己父母比較，並指樓主對男友家欠缺尊重與體諒。
Photo from 香港討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
