余文樂自爆22歲已想退出娛樂圈！「我不是要賺很多錢，發明星夢的人」

娛樂新聞

By Jennifer on 22 Dec 2021

Digital Editor

與妻兒長居台灣嘅余文樂現年40歲，佢喺YouTube節目《Inside Out》中提到自己原來初出道就已經萌生解約、退出娛樂圈嘅想法，佢自言唔係發明星夢嘅人，幸好被當時老闆一番話點醒。

Photo from 余文樂 IG

余文樂與陳冠希因為爭阿嬌傳不和！

現年40歲嘅余文樂2000年拍香港電台青春偶像劇《青春@Y2K》正式出道，之後加入樂壇、又拍電影，成為歌影兩棲藝人。

Photo from 青春@Y2K

不過余文樂嘅星途亦非一帆風順，佢與Twins成員阿嬌鍾欣潼拍電影《一碌蔗》傳出緋聞，更有報道指佢阿嬌同另一緋聞男友陳冠希因此結冤！佢哋雖然一齊合作過《頭文字D》、《無間道》等多套電影，最終卻反目不和，令兩人形象都大受打擊。

Photo from 頭文字d

自爆出道第二年已想退出娛樂圈：「我不是發明星夢的人」

演藝事業發展咗超過20年，估唔到佢都曾經有放棄嘅念頭。余文樂回想起22歲嗰陣，佢出道僅第二年，已萌生退出娛樂圈嘅想法，更向佢當時老闆提出解約。

Photo from Inside Out

余文樂表示：「入行第二年，我已跟老闆說我不玩了，我想解約回去打工。」，佢指覺得自己唔適合呢份工，尤其係佢接受唔到做藝人成日都要面對傳媒，又要回應是非、負面問題。

Photo from Inside Out

佢稱：「我才22歲，我不是要賺很多錢，我不是發明星夢的人，我只是誤打誤撞進來。」，當年佢係全職模特兒，但後來得到導演同唱片公司嘅賞識，正式開始投入電影、歌唱演藝事業。

Photo from 余文樂 IG

兩度提出解約，余文樂被老闆鬧醒

余文樂曾兩度向老闆提出要解約離開，老闆一開始叫佢冷靜下先，到佢第二次提出真係想走：「可否讓我走，我真的不想做」，老闆一番話卻「鬧醒」佢。

Photo from 余文樂 IG

余文樂當時嘅老闆指佢隨時都可以走：「我不會為難你，可是我覺得作為男人，如果你今次碰到這個問題你投降，你就一輩子活在這陰影裏，你做任何事覺得困難你就投降，你認輸就一輩子會是這樣。」

Photo from Inside Out

老闆叫余文樂諗清楚係想成功之後再揀離開或留下，定係喺失敗嘅狀態下退出娛樂圈：「我們再繼續努力，到你克服一切，你還是覺得不想玩，你就走」，余文樂聽後就唔再鑽牛角尖。

Photo from Inside Out

創立服裝品牌非為賺錢

不過結婚後余文樂同妻兒都長駐台灣，佢亦甚少出演電影，主力經營佢創立嘅服裝品牌MADNESS。佢表示自己創立品牌係因為興趣，而非為賺錢。

Photo from 余文樂 IG

Photo from Inside Out

佢表示每一年都想放棄繼續經營呢個品牌，佢又提及早年品牌推出嘅一件服裝出過事，影響到佢身為藝人方面嘅工作：「差點就決定放棄，但公司是我的，我需要承擔及解決問題。」

Photo from 微博

Photo from 余文樂微博

相關文章：余文樂大曬囝囝摸青蛙相懶理其他小朋友樣貌曝光遭網民大罵

相關文章：余文樂準備定居台灣？傳賣出香港多架名車賺奶粉錢喺台灣投資做生意

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

余文樂台灣腔遭內地網民鬧爆拍片晒居台豪宅被批：「灣味太濃！」

29 Oct 2021

余文樂2017年與名模王棠云結婚後移居台灣。最近，佢更開通自家YouTube頻道，拍片公開其價值台幣2.8億嘅豪宅及工作室，雖然佢屋企佈置富有藝術感相當吸引，但佢嘅台灣腔卻更搶「耳」，更遭部分內地網名指摘佢「灣味超濃」！

Photo from 余文樂頻道《Inside Out 》

余文樂開設YouTube頻道分享生活品味

余文樂入行20年，近日開設自家影片頻道《Inside Out》，分享家庭、事業、生活及投資點滴。影片一開始，佢就表示20年嚟一直在演別人角色，所以呢家想呈現真實嘅自我。

Photo from 余文樂頻道《Inside Out 》

片段展示余文樂踩單車到其個人工作室，據悉，其單車絕非簡單，而係價值3萬多港元嘅SUPER73電動單車。

Photo from 余文樂頻道《Inside Out 》

余文樂工作室走柔和格調，富藝術潮味

攝影師隨後跟余文樂走進其個人辦公室，可見空間非常闊落，色調以柔和嘅灰色、啡色及綠色為主，裡面除了採用不少木系家具外，亦擺設了好多藝術品、潮物與畫作。

Photo from 余文樂頻道《Inside Out 》

余文樂又指自己有強迫症，別人碰過佢嘅物品佢絕對會知道。

Photo from 余文樂頻道《Inside Out 》

之後，余文樂向大家介紹其位於地庫嘅工作空間，入面放滿鞋、工作用嘅時裝樣本、同時亦放有床可供休息。

Photo from 余文樂頻道《Inside Out 》

除此，佢又向攝影團隊展示一張有破損嘅木椅，破損係在搬運過程中被撞到所致。余文樂對此表示超級痛心，更形容自己嘅強烈情感猶如「有病」。

Photo from 余文樂頻道《Inside Out 》

著重家庭空間，同老婆兒子溫馨玩樂

余文樂希望為小孩提供一個大嘅活動空間，所以都將家與工作空間分開，令兩者都有充裕空間。佢之後帶大家到屋企參觀，起居家環境採用嘅色調比工作室梗柔和，運用了更多木系佈置，更有一點日系感。

Photo from 余文樂頻道《Inside Out 》

隨後，太太王棠云現身，在旁處理家物。佢被余文樂戲稱為助理，又因素顏狀態而不斷避鏡頭，最後佢裝作要向狂開玩笑嘅丈夫「動武」。

Photo from 余文樂頻道《Inside Out 》

余文樂之後到房間陪兒子余初見（Cody）玩耍，父子場面溫馨非常~

Photo from 余文樂頻道《Inside Out 》

內地網民狠批余文樂一口「台灣腔」

余文樂除了在YouTube上載《Inside Out》首集影片外，亦將佢上載微博。可能因為佢已定居台灣4年，導致口音有變，不少內地網民都留言點評佢嘅「台灣腔」，直言：「你的普通話，灣味兒也太大了吧！」、「台灣住久了，台灣腔現在這麼重」、「你講話好作狀」、「聽得好難受」，更有網民問道：「這種人為什麼微博還不封禁？」