download HolidaySmart 假期日常 app
網民做冬收到「冰封盆菜」嬲爆!元朗食肆公開道歉+解釋:誤放入冰櫃

網民做冬收到「冰封盆菜」嬲爆!元朗食肆公開道歉+解釋:誤放入冰櫃

生活熱話
By Stephanie on 22 Dec 2021
Digital Content Writer

大時大節,唔少屋企都會預訂盆菜同家人慶祝佳節~最近,有網民就喺FB上投訴「永年士多」嘅外賣盆菜疑似誤擺入冰櫃裡面,導致成個盆菜都遭受冰封!而唔少網民亦表示遇到同樣嘅事情。

適逢冬至,唔少家庭都會選擇於餐廳預訂盤菜慶祝!Photo from TVB

# 網民分享購買外賣盆菜慘痛經歷?!

冬至啱啱過咗,而唔少家庭都會選擇更方便快捷嘅途徑喺店舖預訂盆菜,同家人一齊共聚慶祝!日前,有網民就喺元朗區一間食店「永年士多」嘅FB專頁上控訴佢哋嘅盆菜,認為食店疑似處理失當而導致盆菜被「冰封」?!

網民於FB投訴一間位於元朗嘅食店,表示佢哋嘅盆菜到貨時已經結冰?!Photo from TVB

# 打開時盆菜居然結冰!

該網民表示自己購買咗「永年車仔麵」嘅外賣盆菜,但喺收貨嘅時候卻竟然發現令佢嚇咗一跳嘅場面。從網民所提供嘅照片所見,盆菜嘅表面已經結霜,而裡面嘅食材亦因此而被染成白色,疑似被放入冰櫃而導致嚴重結冰!

網民控訴「永年士多」嘅外賣盆菜到貨時,已經被冰封!Photo from 「永年士多」FB

# 網民表示:雪咗幾耐先會冰封成咁?

網民見狀都表示非常結冰情況好誇張「結冰結成咁要放幾耐先做到?」、「冰皮盆菜, 好creative呀~」等留言,認為盆菜售價本身都已經偏貴,令唔少網民都覺得十分唔划算!

唔少網民睇到照片後,都覺得盆菜嘅冷凍情況好誇張!Photo from 「永年士多」FB

網民們都認為店家嘅盆菜根本就唔新鮮,而且價錢亦偏貴!Photo from 「永年士多」FB

# 元朗食店公開道歉!

其後,「永年士多」官方就事件作出回應,解釋係因為「同事錯誤運送雪藏盆菜」,而且誤將盆菜放咗入冷凍櫃,導致部份盆菜過份急凍影響客人們嘅食用體驗,向大家道歉並確保唔會再發生同類型事件!

「永年士多」就冰封盆菜事件作出解釋及道歉!Photo from 「永年士多」FB

# 網民似乎唔太滿意!

然而喺道歉post下面,有網民就表示自己都同樣遇到「冰封盆菜」嘅事件,仲話「道歉無用,要退錢,蘿蔔同腐竹都變壞咗!」等,似乎就唔太接受店家嘅書面道歉喇!

部份網民就表示自己遇到同樣情況,並要求店家退款!Photo from 「永年士多」FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港女約會後大呻港男好度縮 畀少過一半仍不滿 網民:老奉請你?

25 Nov , 2021

約會埋單嘅錢銀問題向來敏感,近日,一名女網民到討論區發文,指佢不滿交友APP認識嘅男生太度縮,當網民知道佢同男生採用AA制後,即直指女網民先係最計較嘅一方!

一名女網民與交友app認識嘅男生約會,內心多次不滿要AA制Photo from 《過街英雄》劇照

港女約會不滿男生埋單禮儀

最近,一名女網民(下稱樓主)到連登討論區以「點解啲港男咁度縮」為題發文,表示佢早前經交友APP認識了一名男生。二人首次相約吃飯,埋單時樓主未能看見金額,所以佢問對方應付幾錢,男生則回應讓樓主「畀返一百蚊我得喇~」樓主對此感到有點奇怪但不知原因,佢後來見到單據,二人用膳嘅總金額係四百多元。

雖然樓主只需付少過一半嘅餐飲費,但仍感對方做法奇怪Photo from 《過街英雄》劇照

樓主認為男生樣貌較遜色,但因為同佢都啱嘴型所以主動邀請佢一起「轉場」到一間Cafe繼續飲嘢。到場後,樓主先到收銀處點飲品,由於佢只拿了八達通,而店舖只收現金,所以返回座位拿錢。此時,佢與正前往落單嘅男生刷身而過,「完全無理我行緊返去,理都無理到我本身放喺張枱到嘅袋,直接自已去叫嘢飲。」

與男生到Cafe進行下場,樓主都有不少不滿Photo from 《SPY》劇照

樓主仍在觀察男生,聲稱對方到了收銀處,還等畢樓主畀完自己嗰份,才開始下單,此時樓主內心想:「我就諗呢個都冇乜機架喇,飲埋杯咖啡就完左呢次嚕。」

港女表面願意AA,但內心有不滿

約會後,男生仍保持聯絡樓主。由於男方要考IELTS(國際英語水平測試),於是二人為分數進行打賭,最後樓主賭輸,要請男生睇戲,然而樓主大呻:「阿姐比得起都無乜所謂, 咁咪由佢揀咗套佢自己想睇嘅,佢仲要細心到搵埋discount code畀我上網買飛,雖然都係阿姐我比。」

樓主要請對方睇戲,男生找來優惠碼Photo from 《太陽的後裔》劇照

睇戲當日,二人再去用膳,樓主形容男生快速食完自己嘅餐就好似「驚我jam佢啲嘢食咁」,而佢自己就無咁快,亦有問男生有無興趣試食,卻被男生笑言佢食唔曬要人幫手埋單。

樓主與男生睇戲當日再次一起吃飯Photo from TVB

樓主在帖文最後強調「餐飯仲要AA」,又提及二人睇戲前買樽裝飲品都係分開付錢,亦表示自己「已經好有耐性,好彩完得」。

樓主睇嚟幾介意AA制Photo from 連登討論區

網民大多認為港女樓主先係度縮一方

對此,不少網民都認為係樓主度縮在先「你由頭到尾都係度計緊數,你都好度縮」,亦有人指出:「第一次見你食飯400蚊,收返你100蚊都度縮?老奉請你?」此留言更獲過千正評。

有網民留意到樓主畀嘅金額,畀除開兩份便宜得多,故不明白佢有何不滿Photo from 連登討論區

網民認為樓主心態計較Photo from 連登討論區

之後樓主再回覆「其實直接講AA無咁樣衰」,再引嚟數百負評,網民們都表示,約會一早預計用AA制,只係樓主幻想太多。

網民認為約會本來就預咗AA制Photo from 連登討論區

網民相信樓主將埋單諗得太複雜,存在太多幻想Photo from 連登討論區

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel