張曦雯剪短髮新造型曝光!網友:長髮靚好多!盤點5位剪短髮落差超大女藝人

張曦雯剪短髮新造型曝光!網友:長髮靚好多!盤點5位剪短髮落差超大女藝人

娛樂新聞
By Jennifer on 24 Dec 2021
Digital Editor

「完美女神」張曦雯(Kelly)近年成TVB力捧花旦,佢入行9年初次挑戰短髮!以新造型示人嘅Kelly獲讚似梁詠琪,但亦有唔少fans表示佢長髮好睇好多。剪髮時佢都有不捨自己嘅秀髮而落淚!

「完美女神」張曦雯(Kelly)近年成TVB力捧花旦

張曦雯為拍新劇剪短頭髮

張曦雯(Kelly)2012年奪得《國際中華小姐》冠軍後入行至今已有9年,佢近年備受力捧,密密接拍新劇,又同混血男友Mark愛得甜蜜,喺北角半山豪宅共賦同居,簡直係愛情事業兩得意!

張曦雯(Kelly)2012年以港姐出身身份奪得《國際中華小姐》冠軍後入行至今已有9年

張曦雯同混血男友Mark愛得甜蜜,喺北角半山豪宅共賦同居

最近為咗拍攝新劇,張曦雯更剪去留咗多年嘅長頭髮,以新造型現身。由參選《國際中華小姐》開始佢都係以長曲髮示人,甚有女人味,更已成為佢嘅標誌之一。

張曦雯由參選《國際中華小姐》開始都係以長曲髮示人,甚有女人味,更已成為佢嘅標誌之一。

張曦雯喊住剪髮,短髮look公開

今次為工作忍痛剪短髮,佢都忍唔住留下淚水。張曦雯喺IG公開剪髮片段,唔少好友都安慰佢叫佢唔好喊!

張曦雯喺IG公開剪髮片段

為工作忍痛剪短髮,張曦雯忍唔住留下淚水。

佢之後終於公開最終短髮look!有網民稱:「第一眼好似梁詠琪」,但亦有唔少人指佢似戴假髮,更直言:「短髮唔好睇」長頭髮靚好多!

張曦雯公開最終短髮look

有網民稱:「第一眼好似梁詠琪」

網友直言:「短髮唔好睇」長頭髮靚好多!

短髮唔係個個女藝人carry到?江嘉敏被指唔適合

其實女藝人剪短髮都會引起熱議,江嘉敏早前亦為拍劇剪髮,但好評就唔多,大部分網民都指佢短髮「唔自然」、「Carry唔到」。

大部分網民都指江嘉敏短髮「唔自然」

江嘉敏早前亦為拍劇剪髮

劉佩玥剪髮轉風格獲讚

劉佩玥曾經以中性「耳上Bob頭」現身《萬千星輝賀台慶2020》,為配合新髮型,佢更一改舊日甜美溫柔風格,穿衣配搭都變得型格中性,走日系路線,佢嘅短髮look就獲網民讚有個性、好襯佢。

劉佩玥曾經以中性「耳上Bob頭」現身《萬千星輝賀台慶2020》

為配合新髮型,劉佩玥一改舊日甜美溫柔風格,穿衣配搭都變得型格中性

劉佩玥嘅短髮look就獲網民讚有個性、好襯佢。

高海寧清爽「男仔頭」

高海寧都剪過清爽嘅短髮,睇落十分「男仔頭」,但佢短髮並不突兀,同長頭髮嘅佢氣質亦有好大嘅差異。

高海寧都剪過清爽嘅短髮

高海寧短髮睇落十分「男仔頭」

短髮高海寧同長頭髮嘅佢氣質亦有好大嘅差異。

廣告
廣告

陳茵媺長期短髮示人

陳茵媺依家長期以短髮示人,但其實佢入行初期都係留一頭長髮,不過剪短髮後嘅陳茵媺比長髮時期嘅佢更易令人留下深刻印象,而佢都剪咗短髮多年,如今已經係佢嘅個人標誌之一!

陳茵媺依家長期以短髮示人

陳茵媺入行初期都係留長髮

唐寧長髮勁有氣質,短髮亦獲讚好

唐寧過往一貫以短髮示人,但佢之前拍TVB劇集都係留長頭髮,尤其係古裝劇,長髮嘅唐寧非常有仙氣,與短髮嘅佢各有不同風格。

唐寧過往一貫以短髮示人

古裝劇中長髮嘅唐寧非常有仙氣

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳凱琳 50 年代復古短髮 Look 床照散發女人味 網友讚:古典美人!

7 Jan 2021

陳凱琳不時都會喺 IG  上傳靚相同大家開心 share,而一直依長髮示人嘅佢,依日就晒咗一輯短髮造形嘅黑白相,大家除咗 大讚佢無論長髮定短髮造形都咁好睇之外,更有網友留言指第一眼睇時以為係韓國人氣女團 BLACK PINK 嘅成員 Lisa,而且仲講依個 look 有瑪麗蓮夢露 feel 添呀!

佢依日就喺 IG 上傳咗新一輯靚相,但原來係舊年佢曾經挑戰短髮造型時影嘅,佢留言:「去年影咗一輯相,當中有個造型一直都未出,就係呢個vintage 1950’s look! 👄 除咗可以感受下 old Hollywood Glamour 之外,仲可以體驗下剪咗短頭髮嘅 feel 添!大家又覺得如何呢?☺️ 」

vintage 1950’s look

有瑪麗蓮夢露 feel

都幾襯佢呀!

而佢仲搞笑咁喺最後  hashtag 「latergram」 幽自己一默添!相中嘅 Grace 以一頭 50 年代復古短髮配搭吊帶衫示人,更趴喺床上大擺 pose ,散發出性感女人味!

Grace 以一頭 50 年代復古短髮配搭吊帶衫示人

趴喺床上大擺 pose

唔知依位美人諗緊咩呢?!

而網民除咗留言大讚佢無論長髮定短髮都咁靚之外,更有唔少網友指佢呢身打扮驟眼睇韓國女團 BLACK PINK 成員嘅 Lisa 有啲似樣添!

唔知大家又覺得佢依個 look 靚唔靚呢!?

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel