download HolidaySmart 假期日常 app
港女被親戚直指「個樣風水差」連信教爸爸都附和 網民:風水差=顏值低?

港女被親戚直指「個樣風水差」連信教爸爸都附和 網民:風水差=顏值低?

生活熱話
By Cheryl on 24 Dec 2021
Digital Editor

話人面容差有好多方法。最近,一名女網民討論區發文,分享自己食冬至飯時被親情直指樣貌「風水差」嘅經歷,就連去爸爸都認同,令佢相當無奈,續問網民:「佢哋係咪話緊我樣衰?」

一名港女食冬至飯時被親戚直指「個樣風水唔好」!Photo from TVB

港女食冬至飯被姑姐評外表

近日,一名女網民(下稱樓主)到Dcard討論區發文,表示自己剛與家人吃畢冬至飯。起初,姑姐已評論樓主細妹嘅有箍牙嘅牙齒,並講解箍牙嘅問題,樓主認為姑姐想嚇佢妹妹,想佢覺得箍牙好麻煩。

箍牙嘅妹妹被姑姐講了幾句Photo from 《醜女無敵》截圖

牙齒、髮型「風水差」?!

之後,姑姐將焦點轉向樓主嘅牙齒,直指佢排牙唔太齊,又指佢虎牙突出。但樓主坦言,佢認為自己嘅虎牙幾可愛,所以無搵牙醫矯正嘅打算。但姑姐未有停止評論,佢續指,樓主排牙咁樣,會搵唔到好老公。樓主聽罷,只能無奈地點頭扮同意。

有虎牙嘅樓主並唔介意自己牙齒,但就被姑姐評論Photo from HANA菊梓喬 - 別再怕 MV

然後,姑姐仍「不放過」樓主,佢指樓主頭髮望落乾燥,再直言佢髮型風水唔好,樓主再次無奈點頭。

樓主不解為何頭髮都可以風水差Photo from Dcard

樓主連髮型都被姑姐講Photo from TVB

連爸爸都認同

唔單只姑姐,連身為基督徒嘅樓主爸爸都加入話題,並非常同意姑姐睇法,更開始針對女兒樣貌,「講點樣先係一個好嘅相,同風水嘅運作,又講堂眉唔好起角,皮膚要點,額頭要點先係風水學中嘅靚」,爸爸仲叫樓主考慮箍牙及轉髮型,又建議佢購買質素好嘅化妝品。樓主對爸爸嘅評論感到驚訝,「真係聽到呆曬,自問唔樣衰,唔特別鍾意化妝。」

信教嘅爸爸都突然大談風水,並同意姑姐意見Photo from 《行運超人》劇照

風水與顏值掛鉤?!

樓主直言事件令佢心情好複雜,並產生一個疑問:「佢地話我個樣風水唔好… 其實佢地係咪話緊我樣衰…?」

樓主心諗,其實想講我唔好睇?Photo from TVB

風水同樣貌有關嗎?Photo from Dcard

對此,有網民認為只要樓主滿意自己便行,風水與外表無直接關係,姑姐可能只為搵嘢講才瘋狂評論樓主外貌,又搞笑建議樓主,想勸退姑姐可以試下講:「同我傾偈會影響你風水!」

網民認為樓主不需理會姑姐睇法Photo from Dcard

網民不解風水與樣貌嘅關係Photo from TVB

亦有不少網民對風水同樣貌嘅關係感好奇,笑指,「以後係咪可以用風水講人個樣?」、「如何不失禮貌講人外表:風水唔好」、「以後話人靚,可以話,嗰條仔睇落風水幾好!」

風水係顏值嘅代詞?!Photo from Dcard

網民搞笑指,以後讚人靚可以用「風水好」嚟形容Photo from Dcard

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel