陳冠希浪子回頭做顧家男人？！港台兩地網民：對比王力宏，陳冠希起碼敢做敢認
近年中港台都有唔少男星被爆桃色新聞，王力宏離婚就被前妻李靚蕾踢爆私生活混亂，掀起城中熱話，有網友就指對比起多年前因私人照風波而退出娛樂圈嘅陳冠希，佢依家似乎已經浪子回頭，成日晒愛女Alaia，網民稱佢「父愛如山」。
陳冠希退出娛樂圈後專心經營個人潮牌
現年41歲嘅陳冠希（Edison）一出道即迷倒萬千少女，更接拍唔少電影。人氣極高嘅佢卻喺2008年因私人照曝光而引起軒然大波，佢更因此道歉並宣佈無限期退出娛樂圈。
離開香港娛樂圈多年嘅Edison近年主力打理潮牌生意，佢嘅個人品牌發展唔錯，有同其他國際大品牌合作推出商品，2019年，更喺K11 MUSEA開新分店，新店邀請咗澳洲藝術家Pauly Bonomelli特意訂製作品。
成為爸爸後陳冠希愛晒妻女家庭照
雖然退出香港娛樂圈多年，但定居美國洛杉磯嘅Edison生活十分寫意，唔止豪擲逾2000萬買入4千呎獨立屋，與家人出門度假仲坐私人飛機，生活質素絕對唔比當年差。
Edison 2017年同模特兒秦舒培結婚後育有一女Alaia，成為爸爸嘅陳冠希平時IG除咗品牌照外，就係晒妻女嘅日常照，佢不時公開同愛女玩耍嘅相片，令唔少網友感歎佢「父愛如山」。
近年多位男星被爆私生活混亂，包括王力宏等
依家嘅陳冠希的確同10幾年前嘅佢形象有好大嘅不同，與初出道嘅「壞男孩」形象，佢似乎「浪子回頭」決心做一個好爸爸。近年好多男星接連被爆出「真面目」，私生活混亂，有啲更已經結婚，令網民大為震驚，更不由自主諗起陳冠希13年前嘅桃色風波。
港台網友發文指陳冠希係「真男人」
香港討論區、台灣PTT都有網友開post指「戥陳冠希唔抵」、「陳冠希是不是很有種？！」，指對比起被爆私生活混亂後第一時間一再否認、直到證據確鑿先道歉嘅男星，陳冠希起碼「敢做敢認」。
網友指私人照並非由陳冠希流出，只係因為拎電腦去整而被有心人將相片公開，而且當時男未婚、女未嫁，佢都係苦主之一，出事後佢都有開記者會對相中嘅女星及其家人致歉，對香港社會影響亦表示歉意，佢更開記者會宣布將無限期退出香港娛樂圈，令網民封佢為「真男人」！
陳冠希浪子回頭變顧家好男人？
陳冠希當初同秦舒培拍拖都十分低調，秦舒培前夫趙磊曾表示佢哋仲未正式離婚，但秦舒培則喺微博指早就同趙磊簽署離婚協議書，Edison亦一改以往高調作風。
陳冠希同秦舒培未有舉辦大型婚禮，婚後陳冠希將大量時間放喺家庭上，Edison曾表示希望喺女兒心目中係一個真正嘅爸爸，花大量時間陪伴妻兒，又稱「Family first」。
有網民表示因為年代唔同咗：「唔知十幾年後仲有乜更爆既事發生跟住又覺得王生呢單又好少事呢」
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
陳冠希姐姐陳見飛近照曝光！44歲但保養得宜比細佬更顯年輕！
17 Jun 2021
40歲嘅陳冠希（Edison）初出道年僅20歲，憑混血靚仔樣成為好多女性心目中嘅「男神」，不過近年常被指走樣，帥臉不再。佢二家姐陳見飛（Tricia）反而保養得好好，依家望落仲後生過細佬！
Photo from 《新紮師兄》
Edison今年40歲，佢淡出娛樂圈後主力發展個人品牌，獲封為「潮人」。不過潮流呢啲嘢就唔係個個識欣賞，Edison唔少打扮都被網民笑。
Photo from 陳冠希IG
男神年歲漸大，不時會喺IG post相公開佢同妻子、女兒一家三口嘅合照，展露燦爛笑容嘅Edison就現晒魚尾紋、法令紋，但考慮到佢嘅年紀，有紋其實都好正常。
Photo from 陳冠希IG
佢之後又開直播同觀眾交流，佢大方公開素顏，但係近鏡下佢面上嘅斑點無所遁形，仲有超深眼袋，令人慨嘆昔日男神面目全非。
Photo from 陳冠希IG
不過陳冠希嘅二家姐陳見飛就keep得唔錯！陳見飛比陳冠希大3歲，今年8月就44歲，2002年曾出過唱片，亦有做模特兒工作，不過多年嚟一直星途平平。
Photo from 陳見飛IG
陳見飛現時居住於美國加洲，同細佬一家離得不遠，喺佢IG都會見到佢同侄女Alaia嘅合照，關係相當親近。
Photo from 陳見飛IG
Photo from 陳見飛IG
Photo from 陳見飛IG
陳見飛雖然比Edison年長，但明顯保養得宜，外貌身材都未有太大改變，就算喺近鏡都唔失禮，睇落仲後生過細佬！
Photo from 陳見飛IG
Photo from 陳見飛IG
Photo from 陳見飛IG
佢養咗隻兩隻可愛貴婦犬Kiki同Lala，仲幫佢哋開埋IG添！佢亦曾喺IG大晒三姐弟童年合照，相面非常溫馨～
Photo from 陳見飛IG
Photo from 陳見飛IG
Photo from 陳見飛IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
