網民發現1976年出版「追女秘笈」!內容超好笑 網民:睇完應該會一直單身!

網民發現1976年出版「追女秘笈」!內容超好笑 網民:睇完應該會一直單身!

生活熱話
By Stephanie on 31 Dec 2021
Digital Content Writer

每逢節日唔少單身嘅朋友都特別容易感到孤單,渴望搵個伴侶陪伴自己~最近,有位網民就喺執屋嘅時候發現咗一本45年前出版嘅「追女秘笈」,唔知書本內所嘅內容又能唔能夠幫到大家呢?!

網民喺屋企內搵到一本1976年出版嘅追女秘笈,並向大家分享裡面嘅搞笑內容!Photo from TVB

# 網民尋獲1976年出版追女秘笈!

唔少人都會趁聖誕節呢個咁浪漫嘅節日,向心意嘅對象表白,不過「追女仔」嘅秘訣大家又夠唔夠呢?!日前,有位台灣網民就分享喺屋企搵到一本名為《怎樣交女朋友》嘅書,作者叫蕭賓,而書本已經係45年前出版!

台灣網民喺屋企搵到一本出版咗45年嘅追女秘笈?!Photo from 「黑貓老師」FB

《怎樣交女朋友》係1976年由作者蕭賓所出版嘅書Photo from 「黑貓老師」FB

# 舅父年青時購買!

網民表示書本喺位於花蓮嘅老家搵到,據悉係舅父年青時購入嘅,而舅父似乎就非常用心咁閱讀書本,仲會利用螢光筆將重點劃出嚟!

據悉,書本係舅父多年前購買嘅,仲非常用心利用螢光筆mark低重點!Photo from TVB

# 內有50句搭訕開場白!

而書裡面仲有一個章節係修錄咗「50句搭訕開場白」,例如:「你有萬金油嗎?(用痛苦聲音講,令女生對你好奇)」、「你多久食一次荷包蛋?」等,仲會教導大家用咩語氣搭訕,非常搞笑~

《怎樣交女朋友》收錄咗50句搭訕嘅開場白!Photo from 「黑貓老師」FB

# 內容超搞笑

唔通唔同年代嘅搭訕開場白都真係有差別?!其中有幾句搭訕嘅話語惹人爆笑,「你每天洗頭嗎?」、「我幫你拿包包吧!因為我不想弄壞你可愛的嬌軀」、「你成日食紅蘿蔔嗎?(對眼睛亮晶晶嘅女士講)」等。

然而,搭訕嘅招數似乎就唔係咁適合而家用喇!Photo from 「黑貓老師」FB

無厘頭嘅對白內容,令唔少網民都覺得非常搞笑~Photo from 「黑貓老師」FB

# 網民:而家真係唔啱用!

不過網民睇完書中嘅幾頁內容後,都覺得套用返現時嘅年代已經唔適合,甚至可能會被心儀對象誤會係奇怪人;有網民就講笑話書名應該改做《讓人討厭你的50種方法》!

有網民仲講笑咁話本書應該叫做《讓人討厭你的50種方法》!Photo from 「黑貓老師」FB

有網民就認為書本收錄嘅搭訕開場白已經唔適合而家用!Photo from 「黑貓老師」FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

盤點網民分享6大追女NG行為! 太小器/訊息轟炸易惹女生反感?

21 Aug , 2021

男女有別,唔少男生喺追求女仔嘅時候,都可能採中地雷,但卻懵然不知!當中好多網民就曾經於討論區大方分享自己追女仔嘅尷尬事跡!而家就等我哋一齊睇下普遍男生喺愛情道路上會遇到啲咩挫折啦~

廣告
廣告

唔少男士都會主動出擊爭取愛情!Photo from TVB

轟炸式短訊攻擊

相信唔少男士喺追女仔嘅時候,主要都係用傳訊息去維繫彼此嘅關係。然而,當對方無意同你發展落去時,就會以非常慢嘅速度回覆你,甚至可能會選擇已讀不回!

 連登對話紀錄Photo from 連登討論區

最後已讀不回......Photo from 連登討論區

錯失時機

部份受歡迎嘅女仔可能同時間被幾位男士追求中,而呢個時候就非常考驗大家嘅「溝女」技巧喇!有網民就分享悲慘經歷,表示曾經喺追求女仔嘅過程中,被其他男生搶先一步,發現女仔已經名花有主,令佢感到非常可惜!

心儀女生被追走!Photo from 連登討論區

錯失良機!Photo from TVB

太遲鈍而錯過

有部份男士性格比較木訥,就算女仔俾晒Signal都未必能理解,反應較為遲鈍。有網民就分享自身經歷,話回想返同女仔出去約會時嘅狀況,先察覺到自己已經錯過咗令感情升溫嘅好機會,令佢哋後悔莫及!

接收唔到女生嘅signal....Photo from 連登討論區

錯過時機Photo from 連登討論區

超尷尬對話

同心儀對象交談時,唔少男士都會想利用講下笑話去哄對方開心,希望可以女方心目中留下深刻印象。有網民就分享自己嘗試追求女仔時嘅招式,但就令大家爆笑,相信一定會令對方留下好另類嘅印象~

超級冷嘅笑話......Photo from 連登討論區

搞爛gag?!Photo from 連登討論區

出街時出「意外」

同女仔約會一定係曖昧期間,能夠令感情迅速升溫嘅最好方法!然而,當男士們未能好好把握機會,就可能令呢段關係無疾而終。有網民就分享自己喺約會嘅時候大失策,竟然喺對方生日當日冇預備好,導致最終要女生請佢食飯!

太大意喇!Photo from 連登討論區

唔少男士約會前都會超緊張!Photo from TVB

追求手法太「進擊 」

雖然唔少女仔都鍾意男生主動出擊向佢哋表達愛意,但係當男生拿捏唔到分寸就會令女生感到非常負擔!網上就曾經流傳過一條非常經典嘅影片,片中男同學公然攞住花喺班房入面想女方示愛,並用mic大聲宣揚愛意,但就令女生非常尷尬!

網上流傳經典追女影片!Photo from 連登討論區

仲攞mic示愛!Photo from 連登討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel