與鄧麗欣分手半年!傳王子已搭上台灣女神郭雪芙 二人戲假情真!男方偏愛姐姐類型?

與鄧麗欣分手半年!傳王子已搭上台灣女神郭雪芙 二人戲假情真!男方偏愛姐姐類型?

娛樂新聞
By Stephanie on 29 Dec 2021
Digital Content Writer

鄧麗欣(Stephy)與台灣男星王子(邱勝翔)今年6月宣佈分手,令唔少網民覺得惋惜。不過,最近就有媒體大爆王子已經有新戀情,而對象就係台灣女神郭雪芙!

王子(邱勝翔)與Stephy分手半年後,疑似有新戀情?!Photo from 王子IG

# 鄧麗欣與王子今年6月尾宣佈分手!

鄧麗欣(Stephy)同台灣男星王子(邱勝翔)喺2018年嘅時候公開戀情,儘管兩人相差6年,而且經常分隔兩地,但一直都感情甜蜜,並不時喺IG上高調放閃。直到今年6月嘅時候,佢哋同時喺IG上宣佈分手消息,令唔少網民都感到非常驚訝!

鄧麗欣與王子今年6月宣佈分手結束3年姊弟情,令唔少網民覺得可惜!Photo from 鄧麗欣IG

# 王子被爆出有新戀情,對象為郭雪芙!

日前,王子就被爆疑似有新戀情,而女方就係台灣女演員郭雪芙!根據台灣媒體報導,王子被拍到多次進出女方屋企嘅停車場,而且表現得非常小心翼翼,令人不禁覺得有啲古怪。

王子被爆疑似與台灣女星郭雪芙戀愛中?!Photo from 王子IG

王子被台灣媒體拍到多次進出女方屋企。Photo from 郭雪芙IG

# 與女方認識10年!

據悉,王子同郭雪芙其實已經認識咗10年,兩人都係由團體組合出道,而佢哋亦周不時會喺IG有互動。而佢哋最近就因為合作拍攝電影《山中森林》變得越來越親近,仲被媒體拍到兩人拍吻戲嘅場景,疑似假戲真做!

王子亦曾經喺IG為郭雪芙宣傳電視劇。Photo from 王子IG Story

兩人因為合作拍攝《山中森林》,感情變得親密。Photo from 王子IG

# 二人否認戀情!

喺傳聞曝光之後,郭雪芙嘅經紀人就澄清兩人只係朋友關係;而王子所屬公司回應「一直都是好朋友,謝謝大家關心。」,一一否認戲假情真嘅傳聞!

不過兩人都隨即回應只係朋友關係。Photo from 王子IG

# 王子偏愛姐姐型?!

現年33歲嘅郭雪芙比王子大1年,被譽為係台灣女神,曾經係女子團隊Dream Girls嘅成員之一。近年,佢已經轉型成為演員,並有份參與最近爆紅嘅台劇《華燈初上》。回顧過往王子傳出嘅緋聞,佢曾先後與小薰、楊丞琳等傳出緋聞,當中唔少對象都年紀比佢大,睇嚟佢的確係偏愛姐姐類型嘅女仔呢~

郭雪芙以前亦係女團出身,並轉型成為演員。Photo from 郭雪芙IG

郭雪芙有份參與最近超紅嘅台劇《華燈初上》。Photo from 郭雪芙IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

鄧麗欣王子敵不過遠距離/王菲謝霆鋒世紀大復合! 盤點娛樂圈中8對姊弟戀

2 Jul , 2021

現今呢個年代,姐弟戀已經變得越來越普遍,而圈中亦有唔少姐弟戀嘅情侶,當中有啲可以修成正果,但亦有部份分手收場!而家就等我哋一齊睇下娛樂圈中有幾多對姐弟戀啦~

謝安琪IGPhoto from 謝安琪IG

鄧麗欣、王子

鄧麗欣(Stephy)同台灣昔日當紅組合棒棒堂嘅王子(邱勝翔)於2018年拍拖,兩人年紀相差6年,據悉兩人係因為應采兒嘅飯局而認識。縱使兩人長期分隔兩地,不過佢哋經常都會喺IG傳情,感情十分甜蜜,羨煞旁人!

鄧麗欣IGPhoto from 鄧麗欣IG

 鄧麗欣IGPhoto from 鄧麗欣IG

然而,兩人突然間係上星期日一齊宣佈分手,令網民非常震驚!事關王子4月生日嘅時候,Stephy仲好sweet咁買咗蛋糕隔空為佢慶生!

王子IGPhoto from 王子IG

廣告
廣告

鄧麗欣IGPhoto from 鄧麗欣IG

張繼聰、謝安琪

現年44歲嘅謝安琪同41歲嘅張繼聰相差3年,據悉兩人嘅緣分其實好早就開始,兩人就讀同一間中學,然而兩人當時並不認識對方!後來,兩人於2007年結婚,並誕下兒子張瞻同囡囡張靖 。

謝安琪IGPhoto from 謝安琪IG

張靖IGPhoto from 張靖IG

兩人結婚至今已經14年,不過兩人關係依然十分甜蜜,經常都喺IG大晒恩愛!而兩人打打鬧鬧嘅互動,亦令唔少網民覺得好笑~

謝安琪IGPhoto from 謝安琪IG

王浩信、陳自瑤

王浩信同陳自瑤呢對相差2年嘅夫婦於2011年結婚,婚後兩人育有一囡王靖喬。不過緋聞多多嘅王浩信婚後都不時傳出花邊新聞,據悉陳自瑤因此而感到不滿,兩人關係已經決裂,仲有傳聞話兩人已經離婚!儘管兩人婚變謠言傳得沸沸騰騰,但兩人都冇特別咗回應,令佢哋嘅關係睇落更加撲朔迷離。

陳自瑤IGPhoto from 陳自瑤IG

王浩信IGPhoto from 王浩信IG

楊茜堯(楊怡)、羅子溢(羅仲謙)

楊茜堯同羅子溢兩人相差5年,兩人因為拍攝《On Call 36小時》而結緣,並於2016年結婚!兩人再於2020年誕下女兒羅翊心「小珍珠」,一家三口非常幸福,而女兒嘅可愛樣貌仲俾網民大讚~

羅子溢IGPhoto from 羅子溢IG

楊怡IGPhoto from 楊怡IG

鍾欣潼、賴弘國

鍾欣潼(阿嬌)同台灣醫學美容醫生賴弘國於2018年結婚,兩人年齡差4年。據悉,阿嬌係因為拍攝電視劇《動物系戀人啊》而認識賴弘國,兩人只係拍拖半年就步入婚姻!然而,兩人於2020年宣佈離婚,結束呢段14個月嘅短暫婚姻!

鍾欣潼IGPhoto from 鍾欣潼IG

賴弘國IGPhoto from 賴弘國IG

王菲、謝霆鋒

現時51歲嘅王菲同40歲嘅謝霆鋒相差足足有11年,兩人因為梅艷芳介紹下於1999年認識,並於2000年公開戀愛。後來,兩人分手並且各自結婚生子離婚。直到2014年,兩人再一次擦出愛火花復合,網民當時將佢哋嘅戀情比喻為「世紀復合」,現時兩人愛得十分低調~

謝霆鋒IGPhoto from 謝霆鋒IG

王菲微博Photo from 王菲微博

奚夢瑤、何猷君

賭王四房兒子何猷君同大6年內地超模奚夢瑤2017年因為拍攝內地真人騷而認識,兩人只係交往好短時間就決定結婚,男方高調喺商場向女方求婚!兩人於2019年結婚,並於同年誕下兒子何廣燊(Ronaldo),成為賭王首位男孫!

何猷君IGPhoto from 何猷君IG

奚夢瑤微博Photo from 奚夢瑤微博

鍾麗緹、張倫碩

鐘麗緹同小12歲嘅內地演員張倫碩因拍攝《如果愛》而結緣,兩人拍拖一年後結婚!儘管外界一直都唔睇好佢哋嘅感情,不過兩人用心動證明對彼此嘅愛意,經常喺微博大晒恩愛,令唔少網民對佢對改觀~

鍾麗緹微博Photo from 鍾麗緹微博

鍾麗緹微博Photo from 鍾麗緹微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel