56歲邵美琪近照曝光被讚保養得宜!入行後經歷5段情 至今依然係單身?

56歲邵美琪近照曝光被讚保養得宜!入行後經歷5段情 至今依然係單身?

娛樂新聞
By Stephanie on 30 Dec 2021
Digital Content Writer

現年56歲嘅邵美琪(Maggie)近年已經淡出咗娛樂圈,甚少於幕前露面。最近,佢就同一班好姐妹一齊開聖誕派對,化咗淡妝嘅佢樣貌依然非常出眾,令唔少網民都忍唔住大讚佢保養得宜!

邵美琪近照曝光,獲網民大讚保養得宜!Photo from TVB

# 邵美琪近年淡出幕前?!

邵美琪(Maggie)喺1984年加入無綫電視藝人訓練班而入行,曾經係TVB嘅當紅花旦,有份參與多部電視劇。直到2018年,佢喺拍攝完電視劇《街坊財爺》後就離開TVB,並且淡出幕前工作。不過有傳佢將會重返幕前,同任達華、張兆輝等人合作拍攝懸疑片,預計於明年上映。

邵美琪曾參與多部TVB經典電視劇。Photo from TVB

《街坊財爺》係邵美琪喺離開TVB前出演嘅最後一部電視劇。Photo from TVB

# 聖誕節近照公開,獲讚保養得宜!

日前,邵美琪就同一班好姐妹開聖誕派對,仲互相交換禮物,非常有儀式感。從照片中所見,佢當日化咗淡妝,以一身黑嘅打扮現身,同周邊嘅朋友相比佢就顯得十分密實喇!不過,唔少網民就將重點放喺佢嘅樣貌上,大讚佢保養得好好,同以前分別唔大!

邵美琪同好姐妹們一齊慶祝聖誕節。Photo from 小紅書

化咗淡妝嘅佢依然容光煥發~Photo from 小紅書

# 非常注重健康,加入發哥行山團!

邵美琪一向都非常重視健康問題,仲加入咗周潤發(發哥)嘅明星行山團,早前佢仲同發哥、黃日華、吳岱融等團友一齊行山影大合照。只見相中嘅佢素顏上陣,但都依然容光煥發非常上鏡,凍齡美貌瞬間就成為唔少網民熱議嘅話題!

邵美琪仲加入咗周潤發嘅行山團,就算素顏上鏡都唔驚~Photo from 吳岱融微博

# 原來當年邵美琪係並非想做演員?!

至今邵美琪已經入行37年,然而當年佢居然係誤打誤撞咁入娛樂圈?!據悉,入行之前佢喺醫務所裡面任職護士,並陪伴朋友報名藝人訓練班,但卻獲導師賞識,最終成為一名演員。

邵美琪當年係誤打誤撞入咗娛樂圈?!Photo from TVB

# 入行後傳出5段情,與鄭伊健戀情最為人熟悉!

邵美琪咁多年來,曾經傳出過5段戀情,不過最終都無疾而終,其中最為轟動嘅就一定係同鄭伊健嘅戀情喇!1992年,兩人就開始戀愛,不過當時因為邵美琪嘅事業已經一帆風順,導致兩人嘅戀情不被外界看好。而鄭伊健當時曾承諾照顧對方一輩子,可惜佢哋交往7年時卻傳出分手消息。當年盛傳鄭伊健因為同梁詠琪合作音樂劇而傳緋聞,三角戀「奪麵雙琪」一度成為熱話!

邵美琪同鄭伊健曾一齊合作拍攝《九反威龍》,並於1992年開始戀愛!Photo from TVB

不過兩人嘅戀情只係維持咗7年就結束!Photo from TVB

# 至今依然係單身貴族?!

之後,邵美琪亦曾經同比佢細10年嘅施祖男拍拖,但戀情維持咗6年就結束。據悉,佢現時依然係單身貴族,不過佢就話自己一個人都可以過得好好,並且唔會埋怨過往所遇過嘅事,學懂感恩;孝順嘅佢仲經常被媒體拍到陪伴年紀老邁嘅媽媽外出,完全體現到「愛情並非所有」嘅道理啊~

2008年,邵美琪同細10年嘅施祖男拍拖,戀情維繫咗6年。Photo from 施祖男微博

現時邵美琪依然單身,不過佢非常滿足現時嘅生活~Photo from 邵美琪微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

細數10個年過五十嘅凍齡美魔女 第一名實至名歸!

31 Jul , 2018

你有無諗過五十歲嗰陣係咩樣?好多皺紋?成個啊婆咁嘅樣?小編就發掘到啲凍齡美魔女,佢地真係Keep得好好!

1.吳婉芳【51歲】

TVBPhoto from TVB

GooglePhoto from Google

吳婉芳(May Ng, 1967年10月20日),今年51歲。曾經喺梁式芝書院就讀,畢業之後曾經做過旅遊機構文員。1986年參加香港小姐競選,贏得亞軍、最上鏡小姐及才華小姐三個獎。隨後就簽約無綫電視成為藝員,不過參與演出嘅電視劇集唔多,曾經因為推演《誓不低頭》岑凱欣一角而被無綫雪藏。

吳婉芳老公係商人胡家驊;另外原來佢亦係張學友嘅契妹。不過佢只係有5年(1986-1991年)活躍喺娛樂圈,時間非常短,但因為年過50,個樣依然青春,皺紋都唔多條,身材苗條,同一班少女真係無乜分別,所以啲人仲好記得佢!

2.邱淑貞【50歲】

 《賭神》Photo from 《賭神》

GooglePhoto from Google

邱淑貞(Chingmy Yau,1968年5月16日),啱啱過咗嘅50歲生日。佢喺1987年參選過香港小姐,嗰時被視奪冠熱門人選。但係佢被另一位參賽者話佢曾經整過下巴,解釋不果之後,就喺大會勸喻下退選。退選之後,就同無線簽約,加入娛樂圈,參與《新紮師兄1988》嘅演出。1992年,佢一概以往清純形象,喺《赤裸羔羊》入面作性感大膽演出,奠定咗「性感女神」嘅地位。

邱淑貞同楊寶玲、李美鳳加埋林穎嫻嗰時被稱為香港無線電視台嘅「無綫四美」。

廣告
廣告

3.周海媚【52歲】

GooglePhoto from Google

Photo from 周海媚微博

周海媚Kathy Chow1966年12月6日),佢有個花名叫「海味」,或者依家有人會叫佢做「凍齡女神」。佢喺1985年香港小姐選美出道,亦係無綫電視八十年代尾至九十年代尾嘅當紅花旦。

佢曾經同呂良偉結婚,但一年後離婚。直到依家,佢有個建築師男朋友,但一直未有同佢結婚嘅考慮。

4.周慧敏【51歲】

GooglePhoto from Google

周慧敏 instagramPhoto from 周慧敏 instagram

周慧敏(Vivian Chow,1967年11月10日),90年代喺東南亞地區走紅,係少數曾經同時擔任「歌、影、視、播」嘅女藝人。近年,樂於做 part-time藝人。小編最記得佢做《大時代》,真係好Pure, 好True!

5.夏文汐【53歲】

GooglePhoto from Google

夏文汐微博Photo from 夏文汐微博

夏文汐(Patricia Ha,1965年11月21日)原名鄧麗群,今年53歲。第一部電影係喺1982年同湯鎮業、張國榮,仲有葉童合作嘅《烈火青春》,憑呢套戲入圍第二屆香港電影金像獎最佳新演員獎。夏文汐喺1984年同萬梓良合作嘅《唐朝豪放女》轟動一時,仲因為咁迅速走紅。佢仲有「性感女神」之稱。

最近拍《逆緣》同黎諾懿嘅忘年戀,再次惹起全城熱話。原來現實中,亦都有小鮮肉追佢,但都比佢一一拒絕咗!

6.溫碧霞【52歲】

GooglePhoto from Google

《封神榜》Photo from 《封神榜》

GooglePhoto from Google

溫碧霞(Irene Wan,1966年7月30日),原名溫碧玉。溫碧霞早年以「性感美女」著稱。婚後溫碧霞淡出娛樂圈,間中參與演出劇集,現時主要在中國大陸發展。佢做《封神榜》嘅坦己好經典,真係好靚女!!

7.劉嘉玲【53歲】

劉嘉玲微博Photo from 劉嘉玲微博

劉嘉玲微博Photo from 劉嘉玲微博

劉嘉玲(Carina Lau,1965年12月8日)1983年加入無線電視藝員訓練班,著名嘅同期同學有劉青雲、吳君如、商天娥等。畢業之後,喺幾部劇集做茄呢啡,好快就獲得重用。1984年,她喺《新紮師兄》一劇擔任女主角而走紅。1988年,因為同梁朝偉合演舞台劇《花心大丈夫》而擦出愛火花。1990年嗰時,劉嘉玲曾經被4個不知名嘅大隻佬捉走,被逼拍裸照!

8.邵美琪【53歲】

GooglePhoto from Google

邵美琪微博Photo from 邵美琪微博

邵美琪(Maggie Shiu,1965年2月27日)她本是醫務所裏的一位護士,因為陪朋友考無綫電視藝員訓練班而獲得當時嘅導師賞識,仲叫佢一齊交申請表格。結果她放棄咗做護士嘅機會,成為咗一名演員。

佢曾經同過TVB製作人戚其義、鄭伊健拍過拖!

9.曾華倩【53歲】

GooglePhoto from Google

曾華倩微博

曾華倩(Margie Tsang ,1965年8月6日),曾連續6年獲臺灣同馬來西亞最受歡迎港星冠軍。佢主持過兒童節目《430穿梭機》,被稱為擁有翁美玲嘅真,陳玉蓮嘅冷,張曼玉嘅俏。

爸爸係位西醫,喺大埔開診所,媽咪就是係家庭主婦,兩個哥哥曾華德同曾華廣,分別係著名嘅呼吸系統科醫生同皮膚科醫生。佢考試成績一直好理想,所以佢爸爸希望佢可以繼承事業,做醫生,但係佢對學醫興趣唔大。1982年,曾華倩原本計劃去日本讀時裝設計,但係中學畢業之後,陪好朋友去報名第12期無綫電視藝員訓練班,最後得人賞識而入行。

GooglePhoto from Google

1982年,曾華倩同梁朝偉喺無線藝員訓練班認識兼拍拖,一齊咗六年,三分三合,最終喺1988年年中分手。

10.蘇玉華【50歲】

GooglePhoto from Google

蘇玉華FacebookPhoto from 蘇玉華Facebook

蘇玉華(Louisa So ,1968年1月16日),花名叫啊蘇或者啊SA(同蔡卓妍撞名?)預科畢業之後,曾經喺國泰航空做過空姐,之後入過香港演藝學院,再加入香港話劇團。蘇玉華個樣無變過咁濟!!

一次比你睇晒年過50歲嘅美魔女,第一名真係無得輸啦!!小編都好想50歲嘅時候有佢地咁靚!

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel