港男返工首日即遇全公司Last day！人工吸引但要獨自面對老細：留定Quit？

網上不時流傳網民返工奇遇記，近日，一名男網民到討論區發文，指自己加入了一間蚊型公司，豈料第一日返工便撞正所有員工嘅Last day！並遺下樓主同老細二人守住公司，事主倍感無奈，並詢問網民自己應否辭職。

Photo from TVB

樓主加入蚊型公司，同事友善

最近，一名網民（下稱樓主），到連登討論區以「今日返工第一日，全間公司last day得返得我同老細」為題發文，表示全公司本來有五人（包括樓主），當中有兩個同級同事，一名直屬上司、及一名老細。樓主第一日返工感覺正常，直屬上司更聯同兩位同事與樓主一起吃Welcome lunch。

Photo from TVB

點知自己 First day = 全公司 Last day!

樓主稱，午膳時大家有講有笑，之後直屬上司亦向樓主交代工作安排，以及對佢嘅期望等。但到下午四時許，直屬上司突然向樓主表示，當日係佢同另外兩位同事嘅Last day，仲叫樓主加油。

Photo from 《大姜的愛》

樓主被消息震呆，續問眾人公司係咪存在問題，但同事們都指公司財務及一切正常，佢哋係因個人理由離職，仲坦言老細係好人一名，希望樓主可以好好珍惜呢份工作。

Photo from TVB

樓主大感不解，並出現「應否辭職」嘅疑問，佢又稱，呢份新工令佢薪金由每月2萬升至2萬8，「但係又驚都唔會做得長，嗱嗱臨搵過份仲好？」

Photo from TVB

網民笑指係好機會，另對同事離職存疑

對此，網民都有不少搞笑留言，認為樓主可從此獲得不少好處，例如：「返左一日就升做經理」、「第一日返工變老屎忽」、「你應該唔好走 聽日老闆走 公司就係你既。」

Photo from 連登討論區

Photo from TVB

亦有人對樓主同事們離職存疑心，直言：「咁你都信呀個人原因？」有網民則認為即使老細幾好都無用，剩下樓主一人頂曬所有工作會苦不堪言。雖然另有網民認為樓主同事們表現友善，故相信佢哋講嘅嘢，但有其他人回覆，指：「就係想樓主乖乖地留係到接爛攤子先對佢咁好。」到截稿前，樓主都未有更新最新狀況，所以公司有伏與否，相信要佢自己先知。

Photo from 連登討論區

Photo from 連登討論區

相關文章：55歲新同事返工5分鐘就辭職：份工唔啱我！公司請人求其vs份工太辛苦

相關文章：港男打工10年僅1萬月薪憤而辭職！last day無買散水餅竟被同事串：西餅都買唔起呀？！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）