欣宜3000萬半山豪宅公開!設計時尚/超大衣帽間 明年可繼承6千萬遺產

欣宜3000萬半山豪宅公開!設計時尚/超大衣帽間 明年可繼承6千萬遺產

娛樂新聞
By Stephanie on 30 Dec 2021
Digital Content Writer

鄭欣宜(Joyce)喺早前嘅《新城勁爆頒獎典禮2021》中蟬聯「勁爆女歌手」,仲憑著歌曲《先哭為敬》獲得「勁爆歌曲」獎項。事業心爆棚嘅佢仲經營緊自己嘅YouTube頻道,當中唔少影片都喺屋企內拍攝,無意中公開咗豪宅嘅內部!

鄭欣宜公開西半山豪宅內部!Photo from 鄭欣宜IG

# 出道初期被網民指靠父母,近年靠作品獲得平反!

現年34歲嘅鄭欣宜(Joyce)自細就非常鍾意表演,但由於佢嘅父母都係知名藝人,令唔少網民一直都認為佢係「靠父母」,喺剛剛出道嘅時候獲得唔少負評。然而,佢並冇因此而放棄自己嘅歌唱事業,成功用歌曲獲得網民們嘅肯定,180度扭轉大家過往對佢嘅評價!

鄭欣宜剛剛出道嘅時候,飽受網民批評。Photo from 《康熙來了》

現時欣宜已經成功向大家證明佢嘅實力,獲唔少網民力撐!Photo from 鄭欣宜IG

# 做Youtuber拍攝日常影片,公開豪宅!

除咗專注歌手事業之外,欣宜仲開設咗個YouTube頻道,同網民分享自己嘅日常生活,非常親民~當中唔少影片都喺佢嘅屋企內拍攝,亦無意中公開咗豪宅嘅內部!據悉,呢個位於西半山嘅單位係2009年利用$980萬購入嘅,大約係1,300呎,一共有3房,現時已經升值至3千萬!

現時豪宅單位係欣宜同2隻狗狗一齊居住~Photo from 鄭欣宜IG

# 豪宅設計簡約!

現時單位就係欣宜同佢嘅2隻愛犬一齊居住緊,豪宅內嘅設計都係以白色簡約為主。客廳擺放咗一張超大嘅L字型沙發,後面就有個儲物櫃,上面擺滿咗佢入行以來所獲得過嘅獎項以及粉絲送嘅禮物;熱愛音樂嘅佢仲喺窗邊擺咗一部電子琴,有時候佢仲會喺客廳做運動,空間都幾大㗎~

鄭欣宜嘅客廳以白色為主色,擺放咗一個L字型嘅沙發。Photo from Joyce 鄭欣宜 YouTube

而客廳空間亦好大,欣宜平時都會喺客廳做運動~Photo from Joyce 鄭欣宜 YouTube

# 經常邀請朋友上屋企作客!

平時欣宜都好鍾意邀請朋友去佢屋企玩,所以飯廳就放置咗一張可以容納7個人嘅飯枱啦!而佢仲成日都同朋友坐喺飯枱玩遊戲,而好友許廷鏗就係佢屋企嘅常客喇~

飯廳就擺放咗一張可以餓容納最多7個人嘅飯枱!Photo from Joyce 鄭欣宜 YouTube

而欣宜亦好鍾意邀請朋友上佢屋企玩。Photo from Joyce 鄭欣宜 YouTube

# 房間內仲有超大衣帽間!

而睡房嘅面積亦非常大,可以容納到一張超大嘅床,十分舒服,而床嘅兩側就擺放咗書本同埋蠟炬等~另外房間內仲有個衣帽間,就算有海量嘅衫都可以擺得晒啦~

欣宜亦經常以佢嘅房作為拍攝嘅背景~Photo from Joyce 鄭欣宜 YouTube

房間內就設有一個衣帽間,擺放咗佢所有嘅衣物~Photo from 鄭欣宜IG

# 浴室設計時尚!

浴室嘅設計簡約時尚,擺放咗盆栽作點綴,而且採光度亦非常高,又難怪佢會經常喺裡面化妝嘅~廚房用具亦應有盡有,相信平時佢都經常會喺屋企下廚!

浴室內就擺放咗一個盆栽,設計豪華時尚~Photo from Joyce 鄭欣宜 YouTube

而欣宜都經常喺浴室內拍攝化妝教學嘅影片~Photo from Joyce 鄭欣宜 YouTube

廚房就以木製設計為主,睇得出佢成日都會煮嘢食~Photo from Joyce 鄭欣宜 YouTube

# 明年就可以領取媽媽生前留下嘅遺產!

其實肥姐(沈殿霞)為咗令愛女將來嘅生活可以衣食無憂,生前就已經預留咗6千萬嘅遺產俾欣宜,但就規定要等佢年紀滿35歲先能夠領取!下年即將35歲嘅佢到時就能夠領取到金錢,成為一位小富婆,而現時佢嘅事業又如此順利,相信一定可以再創事業高峰喇~

肥姐生前預留咗6千萬嘅遺產俾囡囡。Photo from 鄭欣宜IG

不過就規定咗要等欣宜35歲後先可以領取遺產,驚當時年紀太少嘅佢會亂花錢!Photo from 鄭欣宜IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

欣宜出道被嘲靠肥姐終獲平反!網民輪住道歉:被鬧咁多年都唔反擊

廣告
廣告

9 Dec , 2021

現年34歲嘅鄭欣宜(Joyce)因為父母都係香港知名藝人而備受關注,佢出道時曾被網民指係「靠父蔭」、「靠母蔭」,但多年嚟佢憑作品得到認可,喺討論區有網友為佢平反,更向佢道歉,力撐欣宜攞女歌手金獎!

現年34歲嘅鄭欣宜(Joyce)因為父母都係香港知名藝人而備受關注Photo from 欣宜IG

欣宜出道被指靠父母關係

母親係著名主持肥姐沈殿霞、父親係電視劇演員鄭少秋,欣宜自細已經常出演電視節目。喺加拿大完成學業後,欣宜回港並多次喺幕前出演,引起關注。

母親係著名主持肥姐沈殿霞、父親係電視劇演員鄭少秋,欣宜自細已經常出演電視節目。Photo from 康熙來了

但成年後嘅欣宜星途唔算好順利,雖然因為爸爸媽媽而得到唔少機會,但外界普遍認為佢係靠父母喺娛樂圈嘅人脈「贏在起跑線」上,因此對佢嘅觀感一般。

外界普遍認為欣宜係靠父母喺娛樂圈嘅人脈「贏在起跑線」上Photo from ViuTV

欣宜扮公主向吳卓羲獻吻被網友鬧爆

2005年欣宜於《兒歌金曲頒獎典禮》飾演公主,向王子吳卓羲獻吻,隨即掀起熱議,網民對吳卓羲表示同情,指場面令人不安,更將其封為「世紀之吻」。

2005年欣宜於《兒歌金曲頒獎典禮》飾演公主,向王子吳卓羲獻吻Photo from TVB

同年香港迪士尼樂園開幕,欣宜扮白雪公主惹觀眾不滿,超過360人去信廣播事務管理局指有關場面會「嚇親小朋友」等,成為當年熱話。

香港迪士尼樂園開幕,欣宜扮白雪公主惹觀眾不滿Photo from TVB

兩首作品成五台冠軍歌,欣宜《歌手‧門》剖白心聲

欣宜喺演藝圈發展唔容易,出道初期飽受網民冷嘲熱諷,但佢堅持歌手夢想,近年陸續推出多首代表作品:《女神》、《小夜燈》、《@princejoyce》等。

欣宜堅持歌手夢想,近年陸續推出多首代表作品Photo from 《@princejoyce》

2021年欣宜兩首作品《@princejoyce》、《先哭為敬》都係五台冠軍歌,成績驕人,入圍「我最喜愛女歌手」5強,更有望喺叱咤頒獎典禮奪「女歌手金獎」!喺ViuTV節目《歌手‧門》中欣宜提到自己出道初期經歷:「選擇咗香港做我嘅家,但呢度嘅人全部都唔要我,我唔可以放棄。」

2021年欣宜兩首作品《@princejoyce》、《先哭為敬》都係五台冠軍歌Photo from 《先哭為敬》

喺ViuTV節目《歌手‧門》中欣宜就提到自己出道初期經歷Photo from ViuTV

網友力撐欣宜攞叱咤「女歌手金獎」、「最喜愛女歌手」

喺連登討論區亦有網友為欣宜開post「有冇人想幫欣宜平反?」,指當初人云亦云有份笑佢,但多年嚟見到對方嘅努力同實力,對欣宜改觀,力讚佢係實力唱將:「依家要同你講返一聲對唔住」,帖文有超過4,700個正評。

連登討論區亦有網友為欣宜開post「有冇人想幫欣宜平反?」Photo from lihkg

網民對欣宜改觀,力讚佢係實力唱將Photo from ViuTV

有網民表示欣宜入到行可能係靠關係:「但做到今日咁嘅成積係靠佢自己」,唔少網友都有向欣宜say sorry,指佢性格率真可愛,就算畀人笑咁耐都仲係好有正能量。

網民表示欣宜入到行可能係靠關係:「但做到今日咁嘅成積係靠佢自己」Photo from lihkg

唔少網友都有向欣宜say sorry,指佢性格率真可愛Photo from 欣宜IG

網友指欣宜就算畀人笑咁耐都仲係好有正能量Photo from lihkg

有人大讚佢一直默默耕耘,推出唔少好歌,力撐佢今年攞女歌手金獎同最喜愛女歌手。亦有網民表示曾經同過欣宜合作,為人nice又有禮貌:「未見過咁有教養嘅星」,欣宜知道自己入圍叱咤「我最喜愛的女歌手」最後五強亦有感動落淚:「我曾經係最唔喜愛女歌手,依家變到大家會投我一票,所以我覺得自己已經贏咗!」

唔少人力撐欣宜今年攞女歌手金獎同最喜愛女歌手。Photo from 欣宜IG

有網民表示曾經同過欣宜合作,為人nice又有禮貌Photo from lihkg

欣宜知道自己入圍叱咤「我最喜愛的女歌手」最後五強亦有感動落淚Photo from ViuTV

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel