download HolidaySmart 假期日常 app
張景淳即將暫別《愛回家》劇組?!因遲到引起高層不滿?龔水戀出現危機

張景淳即將暫別《愛回家》劇組?!因遲到引起高層不滿?龔水戀出現危機

娛樂新聞
By Stephanie on 31 Dec 2021
Digital Content Writer

TVB處境喜劇《愛·回家之開心速遞》裡面嘅「龔水戀」一直都非常受歡迎。不過,張景淳最近開IG直播時大爆「龔燁」將會暫時離開劇組,令唔少網民都表示非常震驚,有網民就推測可能係因為張景淳經常遲到而引起高層不滿?!

張景淳日前自爆即將暫別《愛回家》?!Photo from TVB

# 「龔水戀」修成正果!

喺《愛·回家之開心速遞》裡面,由呂慧儀同張景淳所飾演嘅熊若水、龔燁人氣非常高,二人喺劇中經歷咗唔少感情波折,但「龔水戀」最終都修成正果,劇組仲專登邀請咗喔60位粉絲現場見證佢哋嘅婚禮!

《愛·回家之開心速遞》中嘅「龔水戀」最近終於成婚喇!Photo from TVB

唔少粉絲都對於兩人結婚嘅場面而感到興奮~Photo from 呂慧儀IG

# 「龔水黨」花費50至60萬進行應援!

而粉絲們(「龔水黨」)為咗慶祝「龔水」大婚以及喺《萬千星輝頒獎典禮》中角逐「最受歡迎電視拍檔」而進行拉票,舉辦一連串嘅應援活動,包括有戶外大型廣告、巴士燈箱、車身廣告等,花費約50至60萬元!而呂慧儀同張景淳都有到場打卡答謝粉絲嘅支持。

而「龔水黨」仲為兩人預備唔同嘅大型廣告以表示祝賀!Photo from 呂慧儀IG

粉絲們花費約50至60萬元落廣告!Photo from 呂慧儀IG

# 張景淳大爆將會暫時離開劇組?!

現時劇情已剛剛播出咗「龔水」結婚嘅情節,令唔少「龔水黨」都非常期待接下來嘅劇情。日前,張景淳喺IG直播時就被粉絲問到「故事會唔會發展到生BB」時,佢就沈默咗幾秒後回應「Probably not (應該唔會)。龔燁遲啲會休息一陣」,並表示3月嘅時候應該唔會出現喺《愛回家》!

張景淳早前開IG直播時,大爆自己將會暫時休息,唔會喺《愛回家》出現?!Photo from 張景淳IG

# 安慰粉絲會盡快解決問題,重返劇組!

唔少粉絲聽到後都表達傷感之情,而張景淳亦立刻以安慰粉絲「希望事情可以得到解決,快啲返嚟同大家見面」,但就冇表明暫時離開嘅原因,亦回答唔到大概幾時會返到劇組,顯得非常無奈!

張景淳當時就安慰粉絲,話希望可以盡快解決事情,並回到劇組!Photo from TVB

# 網民猜測可能同遲到有關?

有網民就推測張景淳突然被暫時「停工」嘅原因,好大機會同之前嘅傳聞有關!據悉,高層曾勵珍一直都唔滿意演員們經常遲到,而佢親自巡查期間就咁啱斷正「龔燁」遲到向對方訓話。

之前傳出張景淳因為遲到,而被高層曾勵珍訓話!Photo from 張景淳IG

# 張景淳解釋係誤會!

不過,張景淳後來就有向媒體表示只係一場誤會,表示自己並唔係離開劇組!由於佢現時只係收到2月份嘅劇本,未知道之後嘅主線劇情發展,所以先會話要休息一陣。

張景淳隨後向媒體解釋只係一場誤會,暫時都只係收到2月份嘅劇本!Photo from 張景淳IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【開心速遞】傳曾勵珍巡視《愛回家》劇組不滿2大遲到王!「龔燁」張景淳被訓話?

14 Dec , 2021

TVB處境喜劇《愛回家之開心速遞》近日將播出劇中兩大CP「大小姐送水輝」、「熊若水龔燁」嘅結婚場面,有報道指高層曾勵珍不滿劇組演員經常遲到,更親自巡視,張景淳更被斷正遭珍姐訓話!

TVB處境喜劇《愛回家之開心速遞》近日將播出劇中兩大CP「大小姐送水輝」、「熊若水龔燁」嘅結婚場面

《愛回家之開心速遞》成全港最長處境劇

《愛回家之開心速遞》於成為全港最長嘅處境劇,曾經一度屢破30點收視,更超越同日播出嘅兩套電視劇,成為TVB嘅皇牌電視劇。

《愛回家之開心速遞》於成為全港最長嘅處境劇

《愛回家之開心速遞》播出超過1,300集

《開心速遞》播出至今已近5年,依家仲係每日播映,劇中嘅角色都非常「入屋」,唔少情侶檔組合都好受觀眾歡迎,包括熊若水(呂慧儀飾)與龔燁(張景淳飾)嘅「龔水戀」、龍力蓮(林淑敏飾)同宋瑞輝(許家傑飾)嘅「蓮輝戀」等。

《開心速遞》嘅角色都非常「入屋」,唔少情侶檔組合都好受觀眾歡迎,包括熊若水(呂慧儀飾)與龔燁(張景淳飾)嘅「龔水戀」

龍力蓮(林淑敏飾)同宋瑞輝(許家傑飾)嘅「蓮輝戀」都好受歡迎

「龔水戀」、「蓮輝戀」終成眷屬

熊若水龔燁、大小姐送水輝兩pair情侶嘅感情線都發展咗一段時間,劇情更安排兩對情侶齊齊結婚,絕對係一大高潮!

熊若水龔燁、大小姐送水輝兩pair情侶嘅感情線都發展咗一段時間

劇情更安排兩對情侶齊齊結婚,絕對係一大高潮!

有指劇組趕拍結婚戲份,務求喺12月27日一連3集播出熊若水龔燁、大小姐送水輝大婚嘅盛大場面。呢兩pair couple咁受歡迎,更有觀眾特意為「龔水」安排咗應援活動。

有指劇組趕拍結婚戲份,務求喺12月27日一連3集播出熊若水龔燁、大小姐送水輝大婚嘅盛大場面。

大小姐婚禮

飾演熊若水嘅「長腳蟹」呂慧儀就喺社交網站上傳咗「龔水」超大型廣告牌嘅打卡照感謝fans嘅支持:「每天看到大家的打卡,真的很心甜!海報好大張!設計也很美!深深的感受到了,你們的熱愛」

飾演熊若水嘅「長腳蟹」呂慧儀就喺社交網站上傳咗「龔水」超大型廣告牌嘅打卡照感謝fans嘅支持

有傳TVB高層曾勵珍不滿劇組2大遲到王

不過有報道指任職TVB助理總經理(戲劇製作)嘅「珍姐」曾勵珍亦十分重視呢幾集重頭戲,並「收到風」經常有人遲到同掛住食唔認真工作,珍姐仲親自落廠巡視。

有報道指任職TVB助理總經理(戲劇製作)嘅「珍姐」曾勵珍「收到風」經常有人遲到同掛住食唔認真工作,珍姐仲親自落廠巡視。

報道指疑為劇組2大遲到王正正係大婚嘅主角「龔燁」張景淳同「大小姐」林淑敏,而珍姐微服出巡當日更撞正「熊若水」呂慧儀飾與「龔燁」張景淳,兩人即時被珍姐訓斥!

報道指疑為劇組2大遲到王正正係大婚嘅主角「龔燁」張景淳同「大小姐」林淑敏

珍姐微服出巡當日更撞正「熊若水」呂慧儀飾與「龔燁」張景淳

其後兩人都無正面回應呢件事,只係話感謝fans支持,而因拍劇暫別《開心速遞》嘅「金城安」周嘉洛就坦言有聽聞過阿姐落廠,仲話:「珍姐冇話唔好食嘢,但準時就真係好緊要。」

「熊若水」呂慧儀飾與「龔燁」張景淳無正面回應呢件事,只係話感謝fans支持

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel