聲夢元旦演唱會黃牛飛炒唔起？！超「親民」價錢散飛！最平門票僅售150元
TVB旗下一眾聲夢學員、星夢歌手將於元旦日舉辦維港演唱會，不過有網友發現越近演唱會舉行日子，黃牛飛嘅價格就越低！另外有林子祥、李克勤、周慧敏、草蜢表演嘅「2021美麗的夜香港跨年演唱會」黃牛飛亦炒唔起！，門票以極「親民」價錢出售。
TVB聲夢學員、星夢歌手元旦開維港演唱會
TVB早前宣佈將於2022年1月1號元旦日，喺香港中環海濱活動空間舉辦「聲夢維港Party Together演唱會2022」，一眾聲夢學員、星夢歌手會表演。
當時記者會上成班TVB旗下歌手都表示十分期待。隨住演唱會日子越嚟越近，聲夢學員、星夢歌手都密鑼緊鼓咁準備表演，但最近有消息指演唱會黃牛飛炒唔起，仲要減價出售！
消息指演唱會黃牛飛炒唔起，最平減90%出售！
演唱會喺中環海濱活動空間舉辦，屆時將可容納1萬6千人，門票分為5大價格：$380、$580、$780、$980、以及$8,800（豪華VIP 6座位） 。但有網友發現多個價位嘅門票都平售超多。
原價$8,800嘅VIP飛減至$600，平咗超過90%！原價$980減至$300；原價$780減至$200；原價$580則減到僅$150，比原本最平嘅$380飛再平一半以上！
當日宣佈票價被網民指「太離地」
其實喺TVB開記者會宣佈價格當日已有唔少網民指票價十分離地，更質疑究竟有無人會買近萬元嘅VIP飛，估唔到黃牛竟會出售平咗9成嘅VIP飛，有網友笑言現時嘅門票售價非常「親民」。
有關嘅黃牛post更列名有多張連位，有網友直言：「減到咁都冇人要」、「送你都唔會去啦」、「畀$500包車費飯盒即去捧場」、「黃牛都減咁多」
林子祥、李克勤參與「2021美麗的夜香港跨年演唱會」亦出現黃牛大減價情況
除咗聲夢演唱會外，仲有「2021美麗的夜香港跨年演唱會」都被指黃牛飛大減價！「美麗的夜」有林子祥、李克勤、周慧敏、草蜢、Supper Moment等表演，都喺樂壇打滾多年，地位更不容置疑。但網上黃牛飛則由原價$1280減至$450；原價為$980嘅門票亦大減至$350。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
聲夢+星夢28位歌手開維港演唱會！海報揭露地位！門票價格被指超級離地！
29 Nov 2021
Photo from NEW TV
TVB旗下聲夢學員、星夢歌手各有發展
TVB節目《聲夢傳奇》嘅捧出唔少學員炎明熹、姚焯菲、鍾柔美等，其中炎明熹、姚焯菲都已經推出個人單曲，更連同鍾柔美、詹天文組成「After Class」，搶飲「頭啖湯」成最年輕女團！
Photo from 炎明熹IG
Photo from TVB
而星夢方面，「星夢一哥」胡鴻鈞亦喺九展連開兩場個人演唱會，而曾呻不被重用嘅谷婭溦推出嘅首張專輯《哭牆》，奪得金唱片（1.5萬張銷量）好成績。
Photo from 星夢娛樂IG
Photo from 星夢娛樂IG
28位聲夢學員、星夢歌手將於中環海濱活動空間舉辦維港演唱會
TVB乘勝追擊，宣佈將於2022年1月1號元旦日，喺香港中環海濱活動空間舉辦「聲夢維港Party Together演唱會2022」，屆時將會有一眾聲夢學員、星夢歌手表演。
Photo from TVB
而喺演唱會記者會當日，樂易玲同一班歌手，包括菊梓喬、鄭俊弘、谷婭溦、炎明熹、姚焯菲等，而演唱會嘅宣傳海報亦引起熱議。
Photo from NEW TV
聲夢學員炎明熹（Gigi）、姚焯菲（Chantel）穩企中間位
以往TVB台慶大合照嘅企位通常都代表咗其地位，而今次聲夢+星夢演唱會，基本上係聲夢學員、星夢歌手各佔一邊。
Photo from 詹天文 IG
喺聲夢學員方面，位於第一排中間位置嘅毫無疑問係《聲夢傳奇》3料冠軍炎明熹（Gigi），佢隔離就係人氣王「國民初戀」姚焯菲（Chantel），至於第三位則係鍾柔美（Yumi）。第二行中心位置則為潘靜文、詹天文；第三排中間就係林智樂、林君蓮。
Photo from 姚焯菲IG
菊梓喬重回「星夢一姐」寶座，胡鴻鈞「一哥」之位穩如泰山
至於位於海報右手邊嘅星夢歌手排位亦十分講究。首先第一排中間嘅係3奪「最受歡迎女歌星」嘅「星夢一姐」菊梓喬，雖然佢係星夢前CEO何哲圖愛將，喺何哲圖離開星夢後，菊梓喬一度被指失勢，但喺海報上佢重回「一姐寶座」，地位穩如泰山！
Photo from NEW TV
Photo from NEW TV
喺一姐菊梓喬隔離嘅係開咗個人演唱會嘅胡鴻鈞，胡鴻鈞唔止唱歌，近日更於《十月初五的月光》飾演「初哥哥」一角，地位亦係毋庸置疑。
Photo from TVB
吳若希跌落第二排？！
第一排仲有JW王灝兒、吳業坤，而曾經被指同菊梓喬爭「一姐」嘅吳若希，雖然都係第一排，但就被安排喺邊邊位，似乎與菊梓喬地位有差距，而喺「四排版」嘅海報中，吳若希更係第二排，不過就喺中心位。
Photo from 星夢娛樂IG
Photo from NEW TV
橫版海報嘅第二排「center」位置係鄭俊弘，佢旁邊係被指備受力捧嘅「星夢唱將No.1」（吳若希親封）谷婭溦，之後仲有謝東閔、譚嘉儀、林穎彤；第三排則係戴祖儀、涂毓麟、施匡翹、伍富橋。
Photo from NEW TV
Photo from 星夢娛樂IG
聲夢維港演唱會門票售價被指極離地
除咗海報排位之外，演唱會嘅門票售價亦都掀起網民討論。原來今次維港演唱會座位可容納16,000人，門票亦分為5大價格：$380、$580、我$780、$980、以及豪華VIP 6座位。
Photo from TVB
而「豪華VIP 6座位」售價更高達$8,800！唔少網民直言呢個票價相當離地，更質疑究竟有無人會買近萬元嘅飛。
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
