打工仔回巢被舊同事笑「無出息」一個原因難引網民同情：梗係俾人笑啦！
Photo from TVB
打工仔裸辭後搵工無門，最終回巢
最近，一名網民（下稱樓主）到香港討論區發文，表示自己本來在一個零售品牌擔任管理層，但與前上司有不和，所以大半年前裸辭。但樓主估唔到搵工之路會一波三折，不少僱主嫌佢本身個職位及薪金太高，到佢終於搵到新公司，又因私人原因要退出。
Photo from TVB
之後，舊公司因為需要人手處理新項目而邀請樓主回巢，但人工同職級大不如前，「老細問我有冇興趣返去幫幾個月手，不過只可以開part time position同埋人工俾我。」
Photo from 《大叔的愛》 ViuTV
被有牙齒印舊同事恥笑「無出息！」
由於再無工開就會影響日常開支，又自認為唔會見到舊同事，所以樓主考慮數天後決定回巢。樓主回到舊公司嘅門市工作了一排後，終著手處理新project，此時，佢與曾經被自己責罵嘅part time同事碰頭，點知打完招呼，舊同事就直言：「乜咁冇出息呀？嗰陣走得咁瀟灑，而家冇嘢撈又走返嚟~」
Photo from TVB
樓主：為錢都要頂硬上
樓主聽罷感到愕然，估唔到舊同事對自己咁有意見，佢亦發現，原來早前在門市幫忙時，已有幾個在場嘅舊同事將樓主回巢消息傳開去，呢班同事以前經常被樓主責罵，而樓主現時被降級，同舊人職級相同之餘，更可被其他人指點工作。最後，樓主無奈表示：「你估我真係想為五倒米折腰咩，揾唔到工就要馬死落地行㗎啦...」
Photo from TVB
對此，有網民認為為了生活，吃回頭草唔係問題，為錢都要忍耐，到有機會就轉工，同時批評樓主舊同事口不擇言。
Photo from 香港討論區
網民：在職時避免得罪人
但有不少網民認為樓主需作檢討，「所以話，凡事留一線，當初走時得罪成村人，而家咁無出息返去梗係俾人笑㗎喇」、「凡事留一線，日後好相見，咁都唔識本來就唔適合做管理」，樓主回應指，離職時根本唔知原來咁多人不滿自己，如果知道就唔會回巢，佢亦堅稱自己斥責同事時只對事不對人。
Photo from TVB
Photo from 香港討論區
另有網民指：「好馬不吃回頭草，好草不怕回頭吃」 ，如果回巢可以升幾級和加薪就好，但樓主反而要降級，難免會被人笑。
Photo from 香港討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
