download HolidaySmart 假期日常 app
馬拉西亞網紅大晒現金厚禮!丈夫準備3份重量級禮物:就算冇錢都嫁俾你!

馬拉西亞網紅大晒現金厚禮!丈夫準備3份重量級禮物:就算冇錢都嫁俾你!

生活熱話
By Stephanie on 03 Jan 2022
Digital Content Writer

現時唔少人都鍾意喺社交平台上分享自己嘅生活,不過過份炫富就反而會引起反感喇!最近,有位人妻就喺FB上大晒丈夫送嘅「厚禮」,包括:鑽戒、一大束花以及大約37萬港幣,大晒恩愛,卻引起網民熱議。

馬來西亞人妻大晒丈夫送俾佢嘅聖誕節「厚禮」!Photo from FB @Nguyễn Thị Quỳnh Mai

# 人妻大晒丈夫送嘅聖誕禮物!

相信唔少人都經常會喺社交平台分享日常生活,順便開心share埋俾身邊嘅家人或者朋友睇~日前,一位馬來西亞人妻就喺聖誕前夕收到丈夫悉心準備嘅「大禮」,仲拍攝影片同照片大晒恩愛,但卻引起網民反感?!

人妻因為過份炫富而引起網民反感?!Photo from FB @Nguyễn Thị Quỳnh Mai

# 人妻收到3份禮物,其中一份係37萬現金?!

從照片中可見,人妻坐喺開篷車內並手持一大束藍白色嘅玫瑰花、左手無名指上有鑽戒。最後,佢丈夫仲預備咗一份「實用」嘅禮物俾佢,將一疊疊嘅現金交到人妻手上,大約係20萬元令吉(約37萬港幣)!

人妻一共收到3份禮物:鑽戒、藍白色玫瑰花、現金!Photo from FB @Nguyễn Thị Quỳnh Mai

丈夫將一疊疊嘅現金交到人妻手上,大約係37萬港幣!Photo from FB @Nguyễn Thị Quỳnh Mai

# 感動表示:冇錢都會同丈夫一齊!

人妻收到禮物後感到十分感動,並感謝丈夫一直以來嘅支持,仲揚言「雖然而家有好多錢,但希望丈夫可以繼續愛我。就算你冇錢都依然會同你結婚!」

人妻感動表示就算丈夫冇錢,都依然願意同對方一齊!Photo from FB @Nguyễn Thị Quỳnh Mai

# 資助女方開網店!

根據外媒報導,人妻喺去年新年嘅時候就俾20萬元令吉(約37萬港元)丈夫,等佢任意使用。估唔到,聖誕節嘅時候丈夫卻竟然俾回禮佢,以同樣嘅金額支持佢創業開網店。

人妻表示上年新年時候送咗37萬港幣俾丈夫,對於現時收到回禮而感到驚訝!Photo from FB @Nguyễn Thị Quỳnh Mai

# 網民反應兩極!

不過呢段晒恩愛以及「炫富」嘅影片就令網民有兩極嘅反應喇!有網民就認為兩人嘅感情非常甜蜜,羨煞旁人;但亦有網民覺得兩夫婦嘅行為非常假,並且提醒佢「財不可露眼」,免得以後因此而惹禍上身!

有網民就羨慕兩夫婦嘅感情甜蜜~Photo from FB @Nguyễn Thị Quỳnh Mai

有網民認為人妻拍攝影片嘅原意係為炫富?!Photo from FB @Nguyễn Thị Quỳnh Mai

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地推出「禁止炫富」新政策!大晒名牌收據/購物戰利品 一律都唔俾?!

29 Dec , 2021

近來,內地為咗整頓社會風氣,唔單止開始嚴格管理娛樂圈藝人嘅品行,仲實行咗唔少政策嘗試糾正大眾嘅行為。最近,內地又再公佈新政策「禁止網絡炫富」,一旦喺社交媒體見到有炫富嘅post或者圖片都會被刪除!

內地正積極打擊「網絡炫富」文化!Photo from 羅志祥IG

# 內地積極打擊「網絡炫富」!

近年,內地嘗試整頓社會風氣,先係管理娛樂圈藝人嘅品行,然後再推出唔同嘅措施俾大眾,分別有:「限制未成年青少年打機時間」、「禁止娘砲文化」等,花盡心思!日前,有傳內地將會再推出新政策「禁止網絡炫富」!

早前,內地已經開始實施嚴格管理未成年少年打遊戲機嘅時間。Photo from TVB

內地最近推出禁止網絡炫富,大力打擊呢個風氣!Photo from 黃子韜微博

# 抖音已刪除大量有關「炫富」嘅影品及帳號!

其實內地一直都致力改善緊「貧富懸殊」嘅問題, 希望達到社會和諧。早於今年3月,內地知名社交平台「抖音」就已經率先「清除」有關炫富嘅帖文,認為佢哋有損社會公序良俗,部份帳號仲因此而被永久封禁!當時,抖音就已經一共刪除接近3,000條影片以及封禁咗約4,000個帳號。

今年3月,抖音就已經率先開始禁止網絡炫富!Photo from 黃子韜微博

當時唔少抖音就已經刪除約3,000條影片以及封咗約4,000個帳號。Photo from 黃子韜微博

# 將長期管理用戶上載內容!

根據內地媒體報導,抖音未來都將會全面打擊平台上嘅所有違規行為,而管理嘅內容包括有宣揚拜金主義、幻想暴富等嘅生活方式都被佢哋視為不良行為。有用戶就曾經因為上載喺屋企大量拋撒現金,而被禁止使用!

有用戶因為上載喺屋企晒現金嘅影片,而被禁止使用!Photo from 微博

# 「網絡炫富」定義含糊?!

其實內地尚為對「網絡炫富」一詞立下標準嘅定義,但就暫時列舉咗幾個例子,例如「展現購買收據」、「點過多嘅餸菜」、「刻意展現名牌」等,亦即係話大家買完戰利品想喺網上開心share;或者一大班人食大餐都分分鐘被喻為違規行為喇!

展示買名牌等嘅收據都可能會成為違規行為!Photo from 小紅書(非當事人)

網民以後想開心share購物戰利品之前,可能都要小心啲先得喇!Photo from 黃子韜微博

唔少網民都好奇喺呢個政策下,將會影響咗一批為名牌宣傳嘅網紅或者藝人。其實一直以來唔少藝人都會喺社交平台都大晒名牌收藏品,其中黃子韜、周揚青本身就已經係富二代嘅藝人們,就經常都會喺網上share佢哋嘅富貴生活,睇嚟呢班藝人以後都要小心啲先得喇!

吳啟華熱愛名錶就大家都知道,而佢仲經常拍片大晒Rolex收藏!Photo from 吳啟華抖音

周揚青不時都會大晒名牌袋以及波鞋收藏。Photo from 周揚青IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel