男友豪送2.5萬巴黎世家禮物！女友驚見熒光綠leggings連高跟鞋！瘋狂嫌棄嬲到喊

男女朋友逢節日互送禮物都好平常，日前有網友分享佢收到男友所送嘅禮物，佢一見包裝係「巴黎世家Balenciaga」即大感驚喜，點知一打開其獨特嘅時尚設計令女友勁嫌棄，雖然收到「潮物」仍嬲到喊！

Photo from bilibili

女友收男友送Balenciaga做禮物超興奮

節日收到男友所送嘅禮物一般都會好甜蜜，但早前有網友就分享佢收到男友所送嘅禮物，忍唔住爆喊流淚，直言：「我太難過了！」

Photo from bilibili

其實男友送嘅絕對係精品，嚟自歐洲名牌巴黎世家Balenciaga嘅潮物，一啲都唔失禮，而女網友收到禮物當時一見包裝係巴黎世家亦感到十分驚喜，並急不及待咁拆禮。

Photo from Balenciaga

發現係熒光綠色leggings連高踭鞋，崩潰大哭勁嫌棄

點知打開份禮物有驚但無喜！原來男友送嘅係一條連高踭鞋嘅leggings，呢條leggings仲係極搶眼嘅熒光綠色，即使身處喺10米之外都會一眼被人睇到，著咗佢就會成為人群中最亮眼嘅存在！

Photo from bilibili

Photo from Balenciaga

女友收到都大吃一驚，指條leggings真係太難睇，更崩潰爆喊稱呢件嘢唔應該喺地球上存在。不過畢竟係男友一番心意，而且價格亦唔平，女子仍試著leggings。佢又自我安慰稱其實都唔係好難睇：「畢竟是巴黎世家的呀，就是相高端的品牌。」

Photo from bilibili

Photo from bilibili

Photo from bilibili

售逾2萬人民幣，官網賣到缺貨

呢件leggings連高踭鞋「Pantaleggings 打底褲」來頭絕不簡單，意大利製造，喺Balenciaga內地官網標明售價為20,250人民幣（近$25,000港元），而且只有綠色一種顏色。

Photo from Balenciaga

官網model著住呢條leggings極具自信，睇落真係唔差，亦可能係因為呢個原因，官網顯示存貨已售罄，其他褲子都仲有貨，唯獨呢件「「Pantaleggings 打底褲」缺貨，睇嚟相當受歡迎。

Photo from Balenciaga

Photo from Balenciaga

Balenciaga聯名CROCS推獵奇鞋款

Balenciaga向來走在潮流尖端，有唔少奇特設計都掀起熱議，例如同CROCS聯名推出一款高踭鞋就因為從未見過嘅造型成為話題，令網民直言：「fashions呢家嘢.......」

Photo from Balenciaga

Photo from Balenciaga

相關文章：「點解港女咁鍾意著瑜伽褲出街」引網民熱議！直言：「正常唔會著出街」

相關文章：港女指男人著公仔T裇好唔成熟：無啲男人氣慨！不滿男友覺得無問題

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

譚仔姐姐化身模特行catwalk！自信步伐+新潮服裝！網友：搵食艱難

28 Oct 2021

連鎖米線舖譚仔近日搵咗HKDI嘅學生參與「2046未來版制服設計比賽Fashion Show」，藝人、model連同譚仔姐姐一齊著上型格服裝上天橋行catwalk，令網民大開眼界！

Photo from 譚仔雲南米線

譚仔舉辦制服設計比賽

為迎接譚仔25週年，譚仔舉辦制服設計比賽，並邀請咗超過30位HKDI學生參與，未來版比賽勝出嘅組別將會為譚仔設計2021年全新制服，不過最吸引嘅係登上天橋行catwalk嘅一眾model！

Photo from 譚仔雲南米線

馬詩慧、沈殷怡做譚仔model

首先有名模馬詩慧Janet Ma，佢兩邊手臂嘅綠紗十分搶眼，靈感嚟自兩塊新鮮生菜，佢行得好有霸氣，相信對佢嚟講行catwalk當食生菜！

Photo from 譚仔雲南米線

Photo from 譚仔雲南米線

第二位出場嘅係沈殷怡，佢身上嘅衫靈感來源係「正宗譚仔話」，件衫主要由譚仔代表顏色「黃色」、「綠色」組成，左臂藍色部分就寫上「之耳（豬耳）」等正宗譚仔話～

Photo from 譚仔雲南米線

Photo from 譚仔雲南米線

之後出場嘅劉沛蘅、Jessica C嘅衫都十分有特色，一個係宮廷版，個就係旗袍。

Photo from 譚仔雲南米線

Photo from 譚仔雲南米線

譚仔姐姐版媚姨、紅梅姐等自信行catwalk

人氣爆燈嘅媚姨，佢件衫嘅靈感來源係「譚仔素食主義」，除咗生菜之外仲有芽菜，紗狀公主裙好有層次感，令媚姨睇落十分高貴。

Photo from 譚仔雲南米線

Photo from 譚仔雲南米線

Photo from 譚仔雲南米線

「譚仔拍攝御用KOL」紅梅姐一身「白韻琹」造型現身，果然係御用KOL，紅梅姐勁有台型，最搶眼莫過於螢光黃色眼影，絕對係全場焦點！

Photo from 譚仔雲南米線

進姐一身造型極具太空科技感，色彩夠晒繽紛，透明裙擺加上雙腳仲裝上「飛輪」，好似兒童節目主持人。送餐快速遞員珍姐全身黃色，踩住roller行catwalk，戴埋頭盔型到！

Photo from 譚仔雲南米線

Photo from 譚仔雲南米線

Photo from 譚仔雲南米線

Photo from 譚仔雲南米線

七師傅上司菊姐就同之前嘅五顏六色服裝完全唔同，一身黑白飄逸長袍，造型激似道長！鈴姐服飾重回譚仔「黃綠」色，但最為霸氣嘅一定係佢肩上「譚、仔」二字，一望就知佢係譚仔姐姐。

Photo from 譚仔雲南米線

Photo from 譚仔雲南米線

Photo from 譚仔雲南米線

Photo from 譚仔雲南米線

相關文章：港男食譚仔被隔離枱家長要求唔好講粗話「個仔聽到晒」！教壞細路vs怪獸家長

相關文章：七師傅講「譚仔話」零違和 口音+跳舞 變譚仔姐姐大放笑彈!

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）