download HolidaySmart 假期日常 app
《古惑仔》陳浩南最初選角人選公開!首選並非鄭伊健?導演曾力邀2位男神

《古惑仔》陳浩南最初選角人選公開!首選並非鄭伊健?導演曾力邀2位男神

娛樂新聞
By Stephanie on 05 Jan 2022
Digital Content Writer

鄭伊健當年憑著《古惑仔》系列嘅電影,成功火速爆紅,直到而家依然係唔少人心目中嘅經典角色!但原來當初導演王晶其實力邀過2位心水嘅演員人選,但都遭到拒絕,亦意外令鄭伊健抓到機會,一舉成名!

原來當年王晶當初並非搵鄭伊健飾演「陳浩南」一角?!Photo from 《古惑仔3:之只手遮天》

# 鄭伊健憑「陳浩南」一角人氣飆升!

現年54歲嘅鄭伊健1986年參加TVB新秀歌唱大賽落選,及後加入無綫電視藝員訓練班正式入行,事業發展一直都未有太大起色。直到1996年,佢出演《古惑仔》系列電影後立刻被爆紅,唔少網民都認為冇人能夠代替佢飾演到「陳浩南」呢個角色!

鄭伊健喺1986年加入TVB。Photo from TVB

直到1996年,鄭伊健出演《古惑仔》系列,令佢人氣飆升!Photo from TVB

# 過往出演嘅電影,票房成績一般!

而事實上,導演王晶喺《古惑仔》開拍之前,並非想搵鄭伊健飾演「陳浩南」,由於當時鄭伊健亦有出演過江湖類型嘅電影,但票房成績都未如理想,所以並非佢心目中嘅第一人選。王晶曾經搵過2位天王級男星,但都遭到拒絕!

由於鄭伊健過往飾演嘅江湖電影成績唔算出色,所以王晶當時並未有立刻搵鄭伊健出演《古惑仔》!Photo from 《古惑仔3:之只手遮天》

# 劉德華因為粉絲而決定唔接拍電影?!

據悉,王晶當時嘅第一人選就係劉德華!由於劉德華過去亦有飾演「古惑仔」嘅經驗,而且當時人氣都非常高;但有傳劉德華當時片酬太高,而且佢唔希望被定型成為「古惑仔」,害怕會為年輕嘅粉絲帶來唔好嘅影響,最終婉拒角色邀請。

當時王晶嘅第一人選係曾經飾演過古惑仔嘅劉德華!Photo from 《龍在江湖》

有傳當時劉德華怕令年輕粉絲帶來唔好嘅影響,而婉拒陳浩南一角!Photo from 《魯豫有約一日行》

# 第二人選係何家勁!

而第二人選就係何家勁,當時佢已經因為拍攝漫畫改編武打電影《中華英雄》而爆紅。但由於當時何家勁正喺內地拍戲,未能配合檔期,所以最終都係傾唔成!

第二位人選就係出演《中華英雄》而爆紅嘅何家勁!Photo from TVB

但由於何家勁當時於內地有工作,而未能出演。Photo from 何家勁微博

# 鄭伊健本身都唔想接拍《古惑仔》?

「陳浩南」嘅角色就兜兜轉轉去到鄭伊健嘅手中。然而,鄭伊健近年受訪嘅時候就表示當初並唔想接拍《古惑仔》,當時佢選擇咗另一個劇本,但王晶話「仲欠我兩部戲」,所以誤打誤撞之下就成為咗「陳浩南」!

而鄭伊健亦曾喺訪問中表示當年唔想接拍《古惑仔》!Photo from 《古惑仔3:之只手遮天》

全因王晶一句話令鄭伊健決定出演?!Photo from 《古惑仔3:之只手遮天》

# 最鍾意嘅《古惑仔》角色!

鄭伊健非常慶幸自己有接拍《古惑仔》系列,仲話最大嘅得著就係認識到劉偉強導演以及「風火海」(陳小春、謝天華及朱永棠),並最鍾意由黃秋生所飾演嘅「大飛」!

鄭伊健表示拍《古惑仔》最高興嘅係能夠認識一班好朋友!Photo from 《古惑仔3:之只手遮天》

鄭伊健最鍾意由黃秋生所扮演嘅「大飛」!Photo from 《古惑仔》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《古惑仔》陳浩南竟然係警察臥底!?另一版本大公開變《新警察故事》

10 May , 2021

經典港產片《古惑仔》原來有另一個版本!鄭伊健飾演嘅「洪興」陳浩南原來係警察臥底?!喺新加坡馬來西亞上映嘅版本中甚至仲改埋名做《新警察故事》!

經典港產片《古惑仔》原來有另一個版本!Photo from 《古惑仔》

當年紅遍中、港、台嘅《古惑仔》,捧紅埋各位主演,包括鄭伊健、陳小春、謝天華、林曉峰、黎姿等。電影改編自香港漫畫家牛佬同名作品,故事圍繞香港三合會社團,更掀起一股黑幫電影熱潮。

當年紅遍中、港、台嘅《古惑仔》,捧紅埋各位主演,包括鄭伊健、陳小春、謝天華、林曉峰、黎姿等Photo from 《古惑仔之人在江湖》

不過呢套電影原來仲有另一版本,《古惑仔》新加坡、馬來西亞版本故事設定大有不同,「浩南哥」竟然係警察臥底!

《古惑仔》新加坡、馬來西亞版本故事設定大有不同Photo from 《古惑仔之人在江湖》

YouTuber HEBE近日就搜集咗觀眾提供嘅資料,搵到馬來西亞粵語版本嘅《古惑仔》。其實幾年前已有網民搵到新加坡同馬來西亞電檢尺度嚴厲,《古惑仔》前3集改名為《新警察故事之人在江湖》、《新警察故事2之猛龍過江》、《新警察故事3之隻手遮天》。

YouTuber HEBE近日就搜集咗觀眾提供嘅資料,搵到馬來西亞粵語版本嘅《古惑仔》Photo from HEBEFACE

因為電影有美化古惑仔、意識不良之嫌,故事改為主角陳浩南其實係香港皇家警察,本為督察,後來被外籍警司委派潛伏於洪興社做臥底,電影更有陳浩南督察喺警局內與外籍警司匯報洪興證據、陳浩南回歸警隊,山雞、大天二等被捕入獄嘅鏡頭。

故事改為主角陳浩南其實係香港皇家警察Photo from HEBEFACE

電影更有陳浩南督察喺警局內與外籍警司匯報洪興證據鏡頭Photo from HEBEFACE

HEBEFACEPhoto from HEBEFACE

《古惑仔》前3集故事線大改唔算係新鮮事,不過第四集《97古惑仔:戰無不勝》同第五集《98古惑仔:龍爭虎鬥》都因為尺度問題被新加坡禁止上映,但原來第四集仍然有出碟賣埠至當地,不過劇情都係要修改。

第四集《97古惑仔:戰無不勝》同第五集《98古惑仔:龍爭虎鬥》都因為尺度問題被新加坡禁止上映Photo from HEBEFACE

未喺新加坡、馬來西亞公開上映嘅《古惑仔》第四集中,浩南哥繼續做臥底,所以有香港版本無嘅一啲刪減片段,例如同警察上司對話嘅片段、最後拘捕嘅場面等。

未喺新加坡、馬來西亞公開上映嘅《古惑仔》第四集中,浩南哥繼續做臥底Photo from HEBEFACE

新加坡、馬來西亞版《古惑仔》第四集有香港版本無嘅一啲刪減片段Photo from HEBEFACE

原來「山雞」一角原本都唔係搵陳小春飾演,早年陳小春接受訪問時表示當年拍《古惑仔》本身無預佢,「山雞」原係金城武出演,結果陳小春經理人極力推薦下先由佢出演。

原來「山雞」一角原本都唔係搵陳小春飾演Photo from 《古惑仔之人在江湖》

有唔少網友都表示曾聽過呢個「都市傳說」。

HEBEFACEPhoto from HEBEFACE

HEBEFACEPhoto from HEBEFACE

HEBEFACEPhoto from HEBEFACE

HEBEFACEPhoto from HEBEFACE

即睇HEBE嘅影片:

感謝HEBEFACE授權使用。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel