Ash前夫突襲MC直播留言後道歉!自爆同女方簽保密協議+收6萬台幣封口？
ViuTV節目《全民造星4》參賽者Ash（鍾卓穎）日前證實離婚消息，又被網民大爆同MC張天賦於平安夜當晚兩人逛超市，引起網民熱議！而Ash前夫昨日（5日）就入MC嘅IG Live裡面留言「真的喜歡就好好對她」，再一次引起網民關注！
Photo from IG @taiwan.fatboy
# Ash與台灣籍老公和平離婚！
ViuTV《全民造星4》參賽者Ash（鍾卓穎）早前喺IG證實與台灣籍老公龍龍離婚嘅消息，表示兩人係和平分手；而Ash前夫亦喺IG話會繼續支持Ash，並且為佢澄清所有網民嘅傳言。
Photo from IG @taiwan.fatboy
Photo from IG @taiwan.fatboy
# 網民大爆撞破Ash與MC張天賦平安夜出街！
隨後，網民就大爆撞破Ash同歌手張天賦（MC）於平安夜當日喺黃埔逛超市，而昨日（5日）MC喺出席活動時受訪，承認當日的確係同Ash兩人一齊出街，但就解釋只係普通朋友關係「唔係私底下約出嚟，咁啱平安夜當晚冇嘢做，去超市係兩個人，但之後就好多人一齊party」！
Photo from lihkg
Photo from Ash IG
# MC首次正面回應事件！
而MC亦堅稱自己現時係單身，仲話同Ash唔太熟，所以並未有問及對方離婚嘅事情！對於被問到兩人將來會否有機會發展，佢就話冇諗咁多。
Photo from 華納
有網民隨即翻查返MC聖誕節當天凌晨兩三點曾經喺IG上載過嘅照片，睇落似喺屋企，網民就講笑話睇嚟嗰party喺午夜前就已經完結咗！
Photo from 張天賦IG
# Ash前夫龍龍喺MC直播留言！
昨晚，MC喺IG開Live同粉絲傾計時，Ash嘅前夫（龍龍）就留言「如果你真的喜歡ash就要好好對她」，又再一次引起網民熱議，令大家對於MC同Ash嘅關係更加好奇！
Photo from MC 張天賦IG
# 龍龍向MC道歉，並表達對Ash嘅不滿！
但Ash嘅前夫龍龍好快就喺IG上表示自己最近精神壓力好大，係一時控制唔到情緒先會作出如此行動「對不起是我太衝動了！對不起張天賦先生！」；但就表達對Ash嘅不滿「鍾卓穎我恨你！就連最後也不來送機！一個短訊都沒有！真的很絕」，態度幾日之間180度大轉！
Photo from IG @taiwan.fatboy
# 龍龍開直播講述同Ash離婚嘅經過！
而龍龍好快就喺IG開Live大概講述咗同Ash離婚嘅經過，兩人11月頭分居，而佢就被要求要簽保密協議書：內容大致上係要求佢唔可以聯絡女方，以免對女方生命造成危險等。由於佢喺香港所賺嘅錢都全部由Ash保管，所以現時身無分文！
Photo from IG @taiwan.fatboy
# Ash俾1萬7港幣要前夫回台灣！
當時龍龍亦有請求Ash俾佢留喺香港賺多幾個月錢，並逗留到VISA到期嘅期限，但遭到女方及其家人嘅拒絕。而Ash就要佢12月尾會台灣，俾咗6萬台幣（約1萬7港幣）當作回台費用，但好有可能未來要還返俾對方！
Photo from IG @taiwan.fatboy
# 有奇怪網民不停喺龍龍IG留言！
期間，有位網民就不停喺Live留言「千萬不要相信呢個男人」、「我叫公司俾多啲你啦」等。雖然未知道呢位網民係咪係講笑定認真，但都已經成功令唔少網網民對佢嘅身分感到好奇！現時龍龍原先正在使用嘅IG帳號亦被突然刪除，而佢亦重開新帳號！
Photo from IG @taiwan.fatboy
Photo from IG @taiwan.fatboy
Photo from 連登討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
張天賦承認平安夜同Ash出街！強調目前單身：唔清楚佢同老公嘅事！
5 Jan , 2022
Photo from IG @taiwan.fatboy
# 網民大爆見到Ash 同MC一齊！
喺Ash嘅離婚消息曝光後，有網民就於連登討論區大爆喺平安夜當日見到Ash同歌手MC（張天賦）喺黃埔超市逛街嘅場面，令唔少網民猜測佢哋可能係因為拍攝《時間不早》嘅MV而擦出愛火！同時，Ash前夫亦表示Ash當天係出席慶功宴，令大家都更加確定相中人好大機會就係佢哋兩個！
Photo from lihkg
Photo from Ash IG
# MC只係回應兩人係朋友！
事件發展多日，張天賦就只係透過自己嘅所屬公司作出回應，表示「兩人只係工作關係」，否認熱戀傳聞！另一方面，Ash亦疑似因為傳聞而受到影響，本身喺IG嘅戒指廣告post都已經刪除！
Photo from 華納
# MC出席活動時，承認平安夜當晚同Ash一齊！
今日（5日），張天賦就出席TVB同港台合辦嘅樂壇頒獎禮記者會。喺接受傳媒訪問時，佢就首次正面回應事件，表示平安夜當日的確係同Ash一齊，「唔係私底下約出嚟，咁啱平安夜當晚冇嘢做，去超市係兩個人，但之後就好多人一齊party」，解釋兩人只係普通朋友關係！
Photo from 華納
# 強調自己依然係單身！
當傳媒問到是否知道Ash離婚一事時，MC就話「我哋未熟到咁，所以冇問過！」對於被問到未來同Ash會否有機會發展，佢就話冇諗太多「拍MV時會請教工作上嘅嘢」，但強調自己現時依然係單身！
Photo from 張天賦 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
