謝嘉怡拍片公開豪華住所！與家人同住超溫馨！超大客廳/舒適小露台

2020年港姐冠軍謝嘉怡都會透過社交平台分享日常生活，經常同網民有互動。最近，佢就喺小紅書向大家展示屋企嘅內部，以及公開自己兒時嘅照片，而唔少網民就大讚佢非常貼地！

Photo from 謝嘉怡IG

# 前港姐冠軍謝嘉怡性格直率，獲得唔少網民支持！

2020年港姐冠軍謝嘉怡（Lisa）係中英混血兒，外貌甜美性格豪爽，深得唔少網民歡心。而過往佢就曾經大方喺IG上載自己嘅素顏照，令唔少網民大讚佢唔單止靚，仲非常貼地親民！

Photo from 謝嘉怡IG

Photo from 謝嘉怡IG

# 向網民公開屋企內部！

日前，佢就喺小紅書上載咗一段以「突襲港姐的家」為題嘅影片，並公開自己嘅屋企嘅內部。從影片中所見，佢一開始就先介紹大廳，並放置咗2張超級大嘅啡色沙發；而沙發後面就擺咗一棵聖誕樹，佢仲搞笑咁話「一定要擺呢度，如果唔係就會俾兩隻狗咬」！

Photo from 謝嘉怡IG

Photo from 謝嘉怡小紅書

# 大晒可愛童年照片！

而沙發前面就擺咗張透明玻璃茶几，謝嘉怡就立刻喺茶几翻找到童年照，令小時候嘅可愛樣貌曝光，仲話「我細個其實都幾似男仔」。其中，佢仲大晒一家三口以前嘅全家福，唔少網民都大讚謝媽媽好靚！

Photo from 謝嘉怡小紅書

Photo from 謝嘉怡小紅書

# 開放式廚房空間超大！

喺影片嘅尾聲，謝嘉怡就同家人一齊喺飯枱打邊爐，場面非常溫馨～而桌子旁邊都放置咗盆栽作為點綴，令成個感覺都好舒適！開放式嘅廚房嘅設備應有盡有，亦都空間感睇落更加大，仲有一張好大嘅枱，等佢哋一家人可以坐喺側邊好chill咁食飯～

Photo from 謝嘉怡小紅書

Photo from 謝嘉怡IG

# 仲有個小露台！

屋內亦有一個小露台，仲擺咗個墨灰色嘅沙發，等佢哋可以坐喺度欣賞牆外嘅景色！而且又可以多個空間俾屋企嘅兩隻狗狗活動下～

Photo from 謝嘉怡IG

Photo from 謝嘉怡IG

相關文章：港姐冠軍謝嘉怡成廣告商新寵！當選半個月已有Job接 性格率真受歡迎

相關文章：港姐冠軍謝嘉怡與父齊上肥媽直播節目！公開童顏爸爸真實年齡

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

謝嘉怡素顏拍片 自認唔似港姐「唔夠高瘦」連爸爸都嫌佢男仔頭！

12 Nov , 2021

前港姐冠軍謝嘉怡現在不時現身TVB節目，更有份參演劇集《愛回家之開心速遞》。日前，佢素顏拍片用廣東話分享4個令佢開心嘅秘訣，以及回港一年後嘅生活嘅差異，又直認自己唔似傳統港姐！

Photo from 謝嘉怡 IG

謝嘉怡素顏拍片曬廣東話

26歲謝嘉怡回港一年，為了出演TVB節目及演戲而下了不少苦功學廣東話。近期佢開通了YouTube頻道及小紅書帳戶同粉絲拉近距離，當中數條影片主要以英語溝通。但最新一條影片，嘉怡大部分時間都用廣東話分享了4個保持開心嘅秘訣。

Photo from TVB

謝嘉怡分享4大快樂秘訣

自認樂天派性格嘅謝嘉怡表示能令佢開心嘅首要秘訣係keep住學習新技能，不斷嘅學習會讓人快速成長，尤其呢家網上有好多免費資源，佢認為大家可以好好把握呢個機會學新事物。

Photo from Lisa-marie tse 謝嘉怡 YouTube

第二個秘訣，嘉怡稱要付諸行動，身體力行嘗試事物，試咗先會了解自己嘅喜好。佢續指，如果你嘗試學烘焙，咁下次同人交談時就可以分享自身經驗，從而在過程中建立自信。有自信光彩，人自然會開心。

Photo from Lisa-marie tse 謝嘉怡 YouTube

感到自在最緊要

第三個秘訣，嘉怡認為要令自己舒服才能快樂。佢指自己由小到大都被人稱為「男仔頭」，連爸爸都經常問佢：「點解你唔著裙？點解你唔著靚啲？」但嘉怡都唔會太在意呢啲評論，佢亦覺得著運動服先係最舒服，而感到舒適先會開心。

Photo from Lisa-marie tse 謝嘉怡 YouTube

謝嘉怡自認唔高唔瘦，唔係標準港姐

嘉怡又指，自己嘅形象唔符合標準港姐，佢唔高亦唔係最瘦：「高度我冇辦法改變，我天生係咁矮；但肥、瘦就有辦法解決，雖然有人話唔食嘢就可以瘦，但我自己好鐘意食甜品，所以我會有平衡，一個星期一定要食一次甜品，否則會唔開心，我食完甜品會去做運動，亦唔會戒口，呢個對我嚟講係一個最簡單又開心嘅減肥方式。」

Photo from Lisa-marie tse 謝嘉怡 YouTube

Photo from Lisa-marie tse 謝嘉怡 YouTube

到最後，嘉怡表示回饋社會係第四個秘訣，佢在乎環保、弱勢社群、流浪貓狗等，而幫助人過程中會收穫到其他人嘅故事和經歷，再從中學習，咁樣都可以令自己感到快樂。

Photo from Lisa-marie tse 謝嘉怡 YouTube

謝嘉怡分享香港生活差異

除咗分享開心秘訣嘅影片外，嘉怡亦喺另一條影片同爸爸一齊出鏡，大談蘇格蘭和香港嘅生活差異。嘉怡透露佢鐘意香港節奏快、環境方便，例如佢以前住嘅英國郊區，最近嘅麥當勞都要揸車25分鐘先到，巴士亦要一個鐘先有一架，較為不便。

Photo from Lisa-marie tse 謝嘉怡 YouTube

不過，回港一年、現時住村屋嘅嘉怡表示佢仍未習慣住大廈，因為太逼狹：「唔可以有花園、又唔可以有陽台，覺得辛苦。」佢又坦言，初抵港時唔識交電費，因為英國銀行會自動扣電費，「但呢度真係要畀，我唔識自己做，所以好多嘢要我表姐教我做。」

Photo from Lisa-marie tse 謝嘉怡 YouTube

Photo from Lisa-marie tse 謝嘉怡 YouTube

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）