download HolidaySmart 假期日常 app
西環最強坤記煲仔飯 值得排1個鐘!米芝蓮名店:招牌白鱔煲仔飯

西環最強坤記煲仔飯 值得排1個鐘!米芝蓮名店:招牌白鱔煲仔飯

餐廳小店 美食推介
By Monie Lau on 12 Nov 2022
Reporter/ Anchor

每逢冬天就會想食一碗熱辣辣的煲仔飯西環名物坤記煲仔飯更榮獲米芝蓮推介,以招牌白鱔煲仔飯打出名堂,想知坤記有甚麼美食推介,立即睇內文!

西環坤記煲仔小菜

西環「坤記煲仔小菜」可說是大名鼎鼎,經常被推介為全香港最佳煲仔飯,更曾榮獲多年米芝蓮推介!不過想一嚐煲仔飯,必須要有排長龍的心理準備,每晚6時正開門已經座無虛席,門外排隊等位的食客多得誇張,有相熟食客指曾等候逾1.5小時,究竟坤記的煲仔飯有甚麼魔力?

西環坤記煲小菜可說是大名鼎鼎,經常被推介為全香港最佳煲仔飯!Photo from PressLogic

不過想食必須要有排長龍的心理準備!Photo from PressLogic

招牌白鱔煲仔飯

坤記煲仔飯由老闆一人親自操刀,老闆特意選用瓷煲和火山石炮製煲仔飯,前者成本較高但比傳統瓦煲更耐用;以火山石代替炭火,熱力更平均及耐火;老闆用猛火煲飯,飯粒乾透後再加入配料,煮熟後再轉慢火焗熟,煮出來的飯粒粒粒分明!

坤記煲仔飯都歸由老闆一人親自操刀。Photo from PressLogic

不少客人極力推介白鱔煲仔飯,白鱔相當新鮮,毫無腥味,入口油脂滿瀉而且口感嫩滑。白鱔以豆豉作簡單醃製,非常入味。食之前倒上秘製醬油拌飯同吃,相當惹味。

不少食客都極力推介白鱔煲仔飯。Photo from PressLogic

記者則推介窩蛋牛肉飯,牛肉份量十足而且醃得夠入味,口感嫩滑無比,食飯前拌勻生蛋同吃,飯粒充滿陣陣蛋香!

記者則推介窩蛋牛肉飯!Photo from PressLogic

煲仔飯的靈魂當然是飯焦,飯底夠焦香而不燶,食落脆卜卜,而且米香味極重!

煲仔飯的靈魂當然是飯焦。Photo from PressLogic

坤記小炒

除了煲仔飯,坤記的小炒相當出色,必食推介有椒鹽鮮魷,炸皮夠薄又能保持香脆,鮮魷新鮮爽口;豉椒炒蜆熱辣辣夠鑊氣,略嫌蜆肉帶沙及不夠飽滿,醬汁亦充滿鹹香,伴飯一流。

坤記的小炒都相當出色,必食推介有椒鹽鮮魷。Photo from PressLogic

豉椒炒蜆熱辣辣夠鑊氣!Photo from PressLogic

暫時只做外賣

由於近日疫情反覆,坤記煲仔小菜暫時不做晚市堂食,但仍然繼續營業並外賣煲仔飯及小菜,想一嚐西環名物的你要留意坤記最新消息!

 由於近日疫情反覆,坤記煲小菜暫時不做晚市堂食。Photo from PressLogic

坤記煲仔小菜
地址:西環西營盤皇后大道西263號和益大廈地下1號舖
電話:28037209
營業時間:星期一至六 11:00 - 14:30及18:00 - 22:30;星期日 18:00 - 22:30

更多【美食推介】請按此

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel