download HolidaySmart 假期日常 app
【東張西望】油塘公屋驚現「活菩薩」?!婆婆自稱打噴嚏就4神上身!2個原因導致惹人懷疑

【東張西望】油塘公屋驚現「活菩薩」?!婆婆自稱打噴嚏就4神上身!2個原因導致惹人懷疑

時事熱話 生活熱話
By Stephanie on 10 Jan 2022
Digital Content Writer

TVB節目《東張西望》近日就報導咗一位居住於油塘嘅婆婆,佢經常都會於自己嘅公屋單位內幫街坊們祈福,仲被稱為「再世觀音」!而婆婆仲表示自己只要打噴嚏就可以令觀音上身,令唔少網民感到震驚。

油塘公屋單位內居然有婆婆自稱會菩薩上身?!Photo from 《東張西望》

# 女網民向節目組會見「活菩薩」經過!

《東張西望》最新一集就訪問咗一位佛教徒女觀眾Cathy,佢表示自己喺網上認識咗一位男佛教徒。兩人相約見面後,男士就話認識一位「活菩薩」,能夠幫助在世嘅人。而Cathy亦喺好奇心驅使之下,同男士一齊會見「活菩薩」,但卻懷疑對方利用呢個特點去騙善信?!

女事主Cathy喺網上認識咗一位信奉佛教嘅男士。Photo from 《東張西望》

而該男子就話自己認識一位法力無邊嘅婆婆?!Photo from 《東張西望》

# 簡略講述見面經過!

Cathy喺一個單位內會見該名擁有神奇力量嘅婆婆,而屋內就擺放咗唔少嘅佛像。一開始,婆婆就會先詢問姓名、地址等,之後婆婆就會連續打2-3個噴嚏,然後就可以開始問問題。

Cathy表示問問題前,婆婆都會先打噴嚏。Photo from 《東張西望》

婆婆打噴嚏後就好似變咗另一個人咁!Photo from 《東張西望》

# 節目組成功尋找「佛經男」!

節目組為咗追查事件,就嘗試喺網上相約呢位男子見面,希望有機會目睹「活菩薩」嘅威力~呢位男子外表斯文,睇落好似好專業咁。見面後,就立刻攞出佛經講經,仲話可以帶佢哋去一個地方「就算去咗都只係需要俾100蚊」,相信就係引薦佢哋去見傳說中嘅婆婆喇!

節目組就成功喺網上約呢位男子出來見面。Photo from 《東張西望》

男子身穿西裝,外表斯文,俾人嘅感覺好似好專業咁!Photo from 《東張西望》

其後,男子就開始引導節目組去會見呢位傳說中嘅婆婆,仲話最多都只係要俾100蚊!Photo from 《東張西望》

# 「活菩薩」就居住喺油塘公屋!

原來呢位「活菩薩」非常貼地,就居住喺油塘嘅公屋內。而單位內嘅面積大約係100多呎,擺滿咗唔同嘅神像,包括有觀音菩薩、濟公等。呢位婆婆就解釋「上咗香之後,我哋講嘢菩薩聽,但係佢唔會講嘢」,強調菩薩係透過佢把口同大家溝通。

原來呢位活菩薩就居住於油塘嘅公屋內!Photo from 《東張西望》

單位內放滿唔同嘅神像。Photo from 《東張西望》

而婆婆就話菩薩會透過佢去同大家溝通。Photo from 《東張西望》

# 見證婆婆「變身」經過!

喺儀式開始咗後,婆婆喺打噴嚏後就開始「變身」,閉上眼睛雙手合十,並再次強調「係為4種菩薩做嘢㗎:觀音、濟公、地藏王、彌撒」,話一上身就係4位菩薩一次過晒嚟!

節目組直擊婆婆變身嘅經過。Photo from 《東張西望》

而婆婆就解釋係邊4位菩薩會上佢身。Photo from 《東張西望》

而4位菩薩係一次過上佢身,而並非輪流上身!Photo from 《東張西望》

# 節目組發現婆婆有破綻?!

而婆婆仲非常細心㗎,驚大家未能一次聽明佢嘅講解,為客人提供說明書。不過節目組就發現婆婆有個口頭禪「你撞到污糟嘢啊!」,無論問咩都會出現呢句話,但就唔會再講任何細節。

而婆婆仲會提供說明書等客人可以慢慢睇~Photo from 《東張西望》

無論問咩婆婆都會以「撞到污糟嘢」作回應。Photo from 《東張西望》

Cathy亦因為婆婆呢個行為而認為被對方騙?!Photo from 《東張西望》

# 女事主Cathy亦對婆婆產生懷疑?!

Cathy當日見完婆婆後,就收到花生、大米、香以及化寶等,仲要求佢去某個地方做特別儀式作為化解,並打算封20蚊利是作為香油錢。然而,婆婆卻竟然話「菩薩話唔可以包咁少」,令佢更加認定婆婆嘅所作所為非常有可疑!

Cathy當日見完婆婆後,收到大米、花生等,並要去做化解嘅儀式。Photo from 《東張西望》

Cathy本身打算包20蚊利是,但係婆婆卻話菩薩認為太少!Photo from 《東張西望》

# 婆婆解釋變成「活菩薩」起源!

婆婆就向節目組自爆變成「活菩薩」嘅經歷,原來係源於30年前去朋友屋企,而朋友本身就有十幾尊絲綢做嘅像,第一次感受到上身「我都唔知我咁犀利」!因此,現時70幾歲嘅婆婆退休後就冇再開麵包店,反而開始為大家求神問卜,並累積唔少善信,不時都會入佢單位上香。

婆婆之所以會變成「活菩薩」,係因為30年前去咗朋友屋企?!Photo from 《東張西望》

朋友屋企本身都已經有好多神像,上香後就開始上佢身!Photo from 《東張西望》

婆婆重演當時嘅情境。Photo from 《東張西望》

# 婆婆幕後團隊強勁?!

呢位婆婆亦好有經營頭腦,有足足有幾位「隊長」幫佢搵客人,包括節目組喺網上搵到嘅男士。後來,節目組直接上婆婆單位訪問佢,而佢就笑而不語話「呢啲嘢係冇得解釋㗎」!

婆婆原來有唔少人幫佢搵客人?!Photo from 《東張西望》

婆婆正在介紹其中一位隊長。Photo from 《東張西望》

節目組後來再一次拜訪,但婆婆就拒絕再透露更多!Photo from 《東張西望》

而婆婆就強調自己問心無愧。Photo from 《東張西望》

曾經喺定慧寺董事嘅翁靜晶睇完影片後,就認為婆婆有好大嘅破綻「其實佛教係禁止神通,被菩薩上身就更加無可能!」,覺得婆婆只係靠呢個做賣點吸引大家花錢!

佛教徒翁靜晶就認為婆婆嘅做法有好多破綻位!Photo from 《東張西望》

佢認為婆婆只係靠呢個作為賣點,吸引佛教徒注意!Photo from 《東張西望》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《東張西望》陳彥行被騙簽3千萬保險!爆喊指3年內過千萬積蓄蒸發!

28 Dec , 2021

TVB《東張西望》經常會報道騙案等市民提高警覺,最近陳彥行以「苦主」身份受訪,哭訴佢同75歲媽媽被銀行理財主管呃簽保單,結果過千萬積蓄盡失!佢更忍唔住爆喊稱有生之年一定要討回公道。

TVB《東張西望》經常會報道騙案等市民提高警覺,最近陳彥行以「苦主」身份受訪,哭訴佢同75歲媽媽被銀行理財主管呃簽保單

陳彥行上《東張西望》哭訴受騙

現年45歲嘅陳彥行曾為TVB藝人,出演經典喜劇《皆大歡喜》「金日」一角而為人熟悉。佢近日現身節目《東張西望》哭訴受騙令積蓄無晒!

現年45歲嘅陳彥行曾為TVB藝人,出演經典喜劇《皆大歡喜》「金日」一角而為人熟悉

銀行理財主管佘先生安排計劃,陳彥行與媽媽開聯名戶口

陳彥行指佢75歲嘅媽媽喺2018年結識咗一位銀行理財主管佘先生,之後更十分熟絡,一星期有3、4日上佢媽媽屋企食飯,有時更會帶埋老婆去。而陳彥行媽媽亦非常信任對方:「我聽我媽媽對佢係有讚無彈,係百分之二百嘅信任。」

陳彥行指佢75歲嘅媽媽喺2018年結識咗一位銀行理財主管佘先生

陳彥行媽媽亦非常信任對方:「我聽我媽媽對佢係有讚無彈,係百分之二百嘅信任。」

陳彥行媽媽亦開始將銀行戶口交畀佘先生管理,之後佘先生更主動提議幫陳媽媽搞一個「計劃」,但陳媽媽年齡不允許,佘先生又提議陳媽媽搵屋企人開聯名戶口投資,令到佢可以做到呢個「計劃」。

陳彥行媽媽亦開始將銀行戶口交畀佘先生管理,之後佘先生更主動提議幫陳媽媽搞一個「計劃」

陳彥行以為佘先生已同媽媽商量好,未了解清楚條款即簽文件

於是陳彥行就同媽媽開戶口,但同時佢並不清楚所謂嘅「計劃」到底係咩,佘先生亦從未解釋過。陳彥行表示同媽媽去銀行辦手續時簽咗好多份文件,但當時不以為意,無睇清楚條款細項:「我認為佢已經同我媽媽傾好晒、解釋清楚,我嘅角色只係落去簽個名。」

陳彥行表示同媽媽去銀行辦手續時簽咗好多份文件,但當時不以為意,無睇清楚條款細項

陳彥行稱佢一向同媽媽財政獨立,所以聯名戶口都只係掛名,佢從未過問戶口入咗幾多錢,但佘先生有時都會發訊息叫佢落分行簽名、做手續,每次佘生先都未有提及要簽咩文件,反而就指「陳太(陳彥行媽媽)同你提過啦可?」,令陳彥行誤以為佢已經同媽媽講過。

佘先生有時都會發訊息叫陳彥行落分行簽名、做手續

而且落到分行簽名時,佘先生及同事辦事十分有「效率」,只會揭到要簽名嗰頁,有部分文件要簽落電子器財,更無畀佢睇清楚到底係咩文件就要佢簽名。結果到2021年5月27日,佘先生就同陳彥行及佢媽媽表示會離職,令佢哋大為驚訝。

落到分行簽名時,佘先生及同事辦事十分有「效率」,只會揭到要簽名嗰頁

有部分文件要簽落電子器財,更無畀佢睇清楚到底係咩文件就要佢簽名。

2年後陳媽媽發現戶口過千萬資金幾乎全蒸發

點知陳媽媽翌日去查看銀行戶口狀況發現出事!陳彥行:「我媽媽差啲暈咗喺銀行,見度入邊啲資金差唔多都蒸發晒。」,陳彥行亦即刻WhatsApp佘先生,希望佢交待事實。

陳彥行:「我媽媽差啲暈咗喺銀行,見度入邊啲資金差唔多都蒸發晒。」

陳彥行亦即刻WhatsApp佘先生,希望佢交待事實。

佘先生之後唔知係咪「良心發現」,有上到陳媽媽屋企道歉,錄音中佘先生透露戶口千幾萬資金只剩返保險,親友問佢份保險供晒未,佘先生指未供完,只係一半多啲,親友表示:「即係仲要畀錢啦!」親友又稱:「我阿姨(陳媽媽)仲要攞多1,500萬出嚟?每張一百萬,有五張(保單),仲要供三年,咁係咪仲要1,500萬?」

佘先生之後唔知係咪「良心發現」,有上到陳媽媽屋企道歉

錄音中佘先生透露戶口千幾萬資金只剩返保險

親友又稱:「我阿姨(陳媽媽)仲要攞多1,500萬出嚟?每張一百萬,有五張(保單),仲要供三年,咁係咪仲要1,500萬?」

佘先生道歉,陳彥行稱計劃總共要供3,000萬!

佘先生:「我知道陳太其實對我好好,我都想用任何方法幫你哋完成申索,但都係同大家講多次對唔住,我都知呢樣嘢好煩,真係對唔住。」後來陳彥行指佢向銀行追查先了解個「計劃」係咩回事,有6份保單,佢總共要供3,000萬,依家6份保單有5份已經失效。

佘先生:「我知道陳太其實對我好好,我都想用任何方法幫你哋完成申索,但都係同大家講多次對唔住,我都知呢樣嘢好煩,真係對唔住。」

後來陳彥行指佢向銀行追查先了解個「計劃」係咩回事,有6份保單,佢總共要供3,000萬

6份保單有5份已經失效。

陳彥行指佢睇返啲啲財務分析表終於知發生咩事:「原來佢想製造個假象,畀人覺得我係一個千萬富翁。」,佢更忍唔住爆喊:「喺我有生之年,都會討返呢個公道。」

陳彥行指佢睇返啲啲財務分析表終於知發生咩事:「原來佢想製造個假象,畀人覺得我係一個千萬富翁。」

陳彥行忍唔住爆喊:「喺我有生之年,都會討返呢個公道。」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel