download HolidaySmart 假期日常 app
李國麟成「最慘帶貨明星」坦言想返香港！直播退貨超過8成：我鍾意演戲多啲

李國麟成「最慘帶貨明星」坦言想返香港！直播退貨超過8成：我鍾意演戲多啲

娛樂新聞
By Jennifer on 10 Jan 2022
Digital Editor

TVB「老戲骨」李國麟早前北上「直播帶貨」，但被指直播8個鐘帶貨仍然賣唔出，更獲封為「最慘帶貨明星」。佢近日接受港台《舊日的足跡》訪問時就大爆會暫停帶貨，又表示北上工作10個月，依家好想返香港。

TVB「老戲骨」李國麟早前北上「直播帶貨」Photo from 微博

TVB綠葉李國麟北上直播被封「最慘帶貨明星」

北上工作嘅香港藝人越嚟越多，其中有唔少人都會參與「直播帶貨」，現年67歲嘅TVB「綠葉王」李國麟都唔例外，不過佢帶貨情況就似乎唔係好理想。

現年67歲嘅TVB「綠葉王」李國麟帶貨情況似乎唔係好理想Photo from TVB

微博有網民就指佢一次帶貨直播8小時但都無人問津，唔止啲貨賣唔出，長時間嘅直播仲令佢顯得十分疲倦，網友又稱李國麟辛苦8個鐘估計都賺唔到200蚊人民幣，封佢為「最慘帶貨明星」。

網友稱李國麟辛苦8個鐘估計都賺唔到200蚊人民幣，封佢為「最慘帶貨明星」。Photo from 微博

接受港台訪問稱直播退貨超過8成

事件一度成為話題，最近身處內地工作嘅李國麟就接受香港電台《舊日的足跡》主持車淑梅訪問，對於被封「最慘帶貨明星」，佢澄清指自己一共做咗四場直播，都未曾直播過8個鐘咁長時間。

身處內地工作嘅李國麟就接受香港電台《舊日的足跡》主持車淑梅訪問，對於被封「最慘帶貨明星」，佢澄清指自己未曾直播過8個鐘咁長時間。Photo from 李國麟微博

李國麟表示第一場直播係7月尾，營業額有8萬幾人民幣，第二場營業額則超過38萬人民幣。然而佢仍被內地平台評為「劣跡帶貨藝人」，李國麟無奈指同團隊售後服務未如理想有關。

李國麟表示第一場直播係7月尾，營業額有8萬幾人民幣，第二場營業額則超過38萬人民幣Photo from 李國麟微博

佢稱頭兩場直播畀fans嘅禮物遲遲都未送到，導致即使第二場直播成功賣貨38萬，結果退貨竟有31萬，超過8成退貨，令佢帶貨評價極低，李國麟亦直言對有關直播團隊十分失望，稱唔會再合作。

李國麟表示第二場直播成功賣貨38萬，結果退貨竟有31萬，超過8成退貨，令佢被帶貨評價極低Photo from TVB

李國麟表示會暫停帶貨：「鍾意演戲多啲！」

之後另外兩場直播李國麟都係同經理人公司合作：一次直播唔夠兩個鐘、一次直播四個鐘。佢稱呢兩次做得好好多，但帶貨口碑已不能挽回，因為被評為「劣跡帶貨藝人」，營業額跌到得7萬蚊，到2021年11月做完最後一場直播，李國麟決定暫時停一停。

2021年11月做完最後一場直播，李國麟決定暫時停一停。Photo from 李國麟微博

李國麟又表示自己鍾意演戲多過帶貨，做直播帶貨只係想試下喺陌生環境工作嘅能力，佢指未來會繼續登台、拍劇：「頭兩場（直播）佢哋都諗唔到會有好成績！我贏咗㗎喇！好開心啊！」

李國麟又表示自己鍾意演戲多過帶貨，做直播帶貨只係想試下喺陌生環境工作嘅能力，佢指未來會繼續登台、拍劇Photo from TVB

希望北上工作賺多啲錢，李國麟坦承想返香港

對於網友封佢為「最慘帶貨明星」，佢直言唔明點解會有啲咁嘅報道，又表示：「我冇嬲，只係好多同事關心我叫我小心啲，唔好咁辛苦！我屋企人都覺得好笑，因為我每次都同佢哋分享我嘅帶貨成績。」，但因為被指帶貨收入慘淡，反而有唔少老闆以為係佢嘅宣傳策略，邀請佢合作。

對於網友封佢為「最慘帶貨明星」，李國麟直言唔明點解會有啲咁嘅報道Photo from 李國麟微博

李國麟坦言因為已經喺內地工作咗10個月，依家最想返香港屋企：「好掛住屋企人，個女啱啱飛咗去英國讀Drama。」佢同TVB嘅合約係每年拍一套劇，想趁自己仲「行得走得」嘅時侯盡量去大啲嘅市場發展，賺多啲收入令家人生活得更舒服。

李國麟坦言因為已經喺內地工作咗10個月，依家最想返香港屋企：「好掛住屋企人，個女啱啱飛咗去英國讀Drama。」Photo from 李國麟微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

67歲李國麟直播8小時帶貨賣唔出！無人落單料賺唔到錢，忍唔住眼紅紅

13 Dec 2021

「直播帶貨」近年吸引唔少明星加入，好似「細細粒」陳嘉佳咁就長駐內地喺抖音開直播「帶貨」。TVB「老戲骨」李國麟最近都加入直播行列，不過佢帶貨就好似唔太成功，直播咗8個鐘啲貨都係無人問津！

TVB「老戲骨」李國麟最近都加入直播行列Photo from TVB

「TVB綠葉」李國麟因《天龍八部》國師一角為內地網民熟悉

現年67歲嘅李國麟70年代已加入TVB，演過非常多經典角色，好似《天龍八部》嘅吐蕃國師、《宮心計》嘅馬元贄等，佢出演過多套電視劇更令佢喺內地都有啲知名度，內地網友都稱呼佢做「國師」。

現年67歲嘅李國麟70年代已加入TVB，演過非常多經典角色，好似《天龍八部》嘅吐蕃國師Photo from 李國麟微博

近年越嚟越多香港藝人選擇北上發展，好似視帝黎耀祥已喺內地工作咗一段時間，而「細細粒」陳嘉佳更長駐內地喺抖音開直播「帶貨」。

近年越嚟越多香港藝人選擇北上發展，李國麟都唔例外Photo from 李國麟微博

李國麟直播帶貨8小時無人落單

李國麟最近都有開直播，更一口氣開足8個鐘！期間佢曾上架過10次貨品，當中包括手錶、佛珠等，雖然直播室有大約1,000人收睇直播，但無人落單買貨。

李國麟最近都有開直播，更一口氣開足8個鐘Photo from 微博

李國麟曾上架過10次貨品，當中包括手錶、佛珠等Photo from 微博

佢上架咗新貨品，指原價人民幣999元，依家只售人民幣599元，女助手笑言：「李哥，便宜400元，你賠錢了！」，李國麟都好配合：「我和老總打過電話了，我和廠家各補貼200元，大家下單吧！」

李國麟上架咗新貨品，指原價人民幣999元，依家只售人民幣599元Photo from 李國麟微博

67歲李國麟長時間直播顯疲倦

李國麟同女助手一唱一和落力推銷，但貨品都仲係無人問津，當時佢已經直播咗5個鐘，有網友直言：「半天也沒賣出去啊？」，更有網民指自己已經瞓完覺再起身，估唔到李國麟仲直播緊。

李國麟同女助手一唱一和落力推銷，但貨品都仲係無人問津Photo from 微博

有網民指自己已經瞓完覺再起身，估唔到李國麟仲直播緊。Photo from 微博

長時間直播嘅李國麟個人顯得十分疲倦，好多網友都睇得出，更叫佢休息一陣。李國麟可能係太攰，或者啲貨賣唔出，佢忍唔住眼紅紅，網民留言：「眼睛都紅了。」

長時間直播嘅李國麟個人顯得十分疲倦，好多網友都睇得出，更叫佢休息一陣Photo from 微博

李國麟可能係太攰，或者啲貨賣唔出，佢忍唔住眼紅紅Photo from 微博

李國麟不滿TVB要綠葉演員6折出糧

李國麟喺TVB工作超過40年，曾經因為公司提出要綠葉演員6折出糧而大感不滿，更直言「一年六騷」嘅政策唔合理：「騷錢又唔係多！」，又指TVB唔畀機會配角發揮，多數投閒置散。不過佢之後有澄清原意唔係想批評公司。

李國麟喺TVB工作超過40年，曾經因為公司提出要綠葉演員6折出糧而大感不滿Photo from TVB

李國麟之後澄清原意唔係想批評公司。Photo from TVB

但今次李國麟直播營業額好慘淡，就算辛苦8個鐘，有網民估計都賺唔到200蚊人民幣，仲指佢係「最慘帶貨明星」，直言：「李國麟直播，這也太尷尬了吧？」

今次李國麟直播營業額好慘淡，就算辛苦8個鐘，有網民估計都賺唔到200蚊人民幣Photo from 李國麟微博

內地網民指李國麟係「最慘帶貨明星」Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

李國麟直播娛樂新聞帶貨