18歲男對58歲直播主一見鍾情!2個招式成功贏取歡心!網戀持續11個月

18歲男對58歲直播主一見鍾情!2個招式成功贏取歡心!網戀持續11個月

生活熱話
By Stephanie on 11 Jan 2022
Digital Content Writer

現時唔少人都非常依賴網絡,其中網絡交友亦成為咗好普遍嘅事。最近,有位18歲嘅青年因為睇抖音直播而愛上58歲嘅直播主,仲因此而展開熱烈追求,並成功獲得對方歡心,呢段忘年戀令唔少網民震驚!

18歲青年透過社交平台認識58歲大媽,並展開網上情緣~Photo from 「wave6」@ TikTok

# 18歲少年與58歲大媽譜出「直播」情緣!

而家網絡上經常都有唔同嘅直播主開Live去吸引網民觀看,以賺取金錢。日前,有位18歲嘅泰國青少年「瓦浮」(Wave)就因為睇抖音而愛上58歲嘅大媽「阿蓬」,兩人嘅呢段相差40年嘅戀情瞬間成為當地熱話!

泰國18歲少年同58歲直播主嘅戀情,備受網民關注!Photo from 「wave6」@TikTok

# 男方暗地觀看對方直播3個月!

根據當地傳媒報導,18歲嘅Wave無意中喺抖音平台上見到阿蓬嘅直播而感到心動。自此之後,佢就連續3個月日日都觀睇直播,發現真係愛上對方先開始利用訊息對女方展開熱烈追求!

18歲嘅Wave就無意中喺抖音睇到阿蓬嘅直播,而對佢產生愛慕之情!Photo from 「wave6」@TikTok

# 成功獲得女方注意!

另一方面,阿蓬其實一早就發現呢位「忠實」粉絲,因為對方每日都好準時睇佢直播,之後仲會私下傳訊息搵佢,佢就話Wave係第一個會透過抖音搭訕嘅男士!阿蓬表示自己非常認真對待呢段感情,「由於我哋相差40年,所以經常都會出現代溝。但只要互相包容、心連心就可以將所有問題迎刃而解!」睇嚟愛情嘅威力真係好強大~

阿蓬亦發現呢位「專一」嘅小粉絲。Photo from 「wave6」@TikTok

阿蓬話Wave係第一位喺網上主動搭訕嘅男士。Photo from 「wave6」@TikTok

# 兩人「網戀」11個月,直到最近先見面!

之後,兩人就經常都喺網上聯絡,並因此而日久生情,網戀咗足足11個月咁耐!直到最近佢哋兩個先正式見面,但Wave 見到「真身」後反而令感情變得更加穩定,佢哋現時共同經營一個情侶抖音帳號,向大家分享兩人嘅甜蜜日常生活~

兩人足足維持網戀11個月,直到最近先見面!Photo from 「wave6」@TikTok

兩人仲開設咗個情侶Tiktok帳號,分享情侶日常生活~Photo from 「wave6」@TikTok

# 有網民對二人嘅戀情表示祝福!

兩人熱戀嘅消息瞬間引起網民熱話!有網民就認為佢哋兩個嘅行徑都非常可愛,就好似一對小情侶一樣,並祝福兩人長長久久!

有網民就表示支持兩人嘅戀情,覺得佢哋嘅互動非常甜蜜~Photo from 「wave6」@TikTok

# 部份網民質疑二人感情真偽?!

不過亦有網民覺得阿蓬作為比較年長嘅女性,應該好好控制自己嘅感情,認為佢嘅年紀已經可以做Wave嘅嫲嫲;另外都有網民覺得兩人只係想利用40年差異嘅戀情作為炒作,並質疑男方係想因此而爆紅?!

但有網民就覺得兩人只係逢場作戲,只係為咗點擊率而公開戀情!Photo from 「wave6」@TikTok

Text: HolidaySmart Editorial

廣告
廣告

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

泰國女富豪Leena Jungjanya 2年換14任老公 曾上電視台曬恩愛 消失2年自爆悲涼現況

7 Jan , 2022

62歲泰國女富豪 Leena Jungjanya 擁多段婚姻,亦曾公開徵婚,更在2年間換了14任丈夫!佢自前年便鮮有公開露面,直至近日,佢接受採訪時表示自己出現財務危機,雪上加霜嘅係,佢枕邊人都因此離佢而去,令佢大感失望。

泰國女富豪Leena Jungjanya經歷十多段婚姻,但近期因財力大減導致婚姻破裂Photo from Tin Học Ngô Quyền YouTube

泰國富婆2年換14任丈夫

泰國一名62歲富婆 Leena Jungjanya 婚姻記錄相當壯觀,曾在2年內換過14個丈夫,更試過上電視台徵求第9任丈夫,條件係「25歲以下、身高 180 cm、體重70公斤以下,要有6塊腹肌,每天至少『睡』28次。」雖然好嚴苛,但仍吸引了5萬人報名。

Leena Jungjanya多次結婚,當中不少係年輕帥氣男生,有指圖中係佢第8任丈夫Photo from 微博

曾上電視台徵婚

當年佢選擇了25歲 Rangsee 作第9任丈夫,二人更在電視節目上大曬恩愛,當 Leena 流下幸福淚水時,男方都溫柔地幫佢抹眼淚和整理妝容,不少人都以為 Leena 會幸福下去。

Leena曾與第9任丈夫上電視台大曬恩愛Photo from Tin Học Ngô Quyền YouTube

男方為Leena細心抹淚Photo from Tin Học Ngô Quyền YouTube

Leena與第9任丈夫嘅婚姻非常短暫Photo from 微博

可是,婚姻並無維持多久,Leena 在一個月已極速宣佈同對方分手,其後更換到第12任丈夫,呢名「12號」係25歲嘅 Dom,身高 175 cm,體重 70公斤,據聞碩士畢業,身材即體力非常好,令 Leenna 非常滿足!

據聞第12任丈夫好識得「滿足」Leena!Photo from 微博

投資失利,從政燒錢,財力大不如前

到2019年,Leena 已換到第14任丈夫,有指對象係一名年輕歌手,但之後Leena已甚少公開露面,直至最近佢亮相電視訪問,竟透露自己財力大不如前。其實佢本業係一名律師及企業家,設有自家化妝品牌,同時對參政好有興趣,曾三度參選曼谷市長但都失敗收場。

Leena久未露面,最近上電視台卻自爆財力與愛情都失勢Photo from 微博

身邊男人只愛財富,女富豪心淡

Leena 自爆以前黃金時期一天可賺百萬泰銖(約 23萬港元),佢仲有投資房地產、電視台等,資產破億。富有嘅 Leena 更願意在小鮮肉身上豪花 1億泰銖(約 2千多萬港元)。但由於自己投資嘅電視台在2014年倒閉,為參選議員及市長嘅開支又大,加上近年疫情,令佢嘅生意及投資都受挫。更令佢心灰嘅係,身邊男人都只愛其金錢,所以佢哋都離 Leena 而去,令 Leena 非常心寒。

Leena嘅投資生意均失利,再加上疫情令情況雪上加霜Photo from 微博

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel