楊千嬅內地鄉村獻唱為春晚錄影咪嘴假唱？網民反應兩極：畀錢佢嚟播碟 VS 行走的CD！

為在內地發展，去年舉家北上嘅楊千嬅近日現身內地一個疑似鄉村地點獻唱，畫風同佢平時在大型舞台表演好唔同，影片在網上廣傳後引起網民嘅兩極反應，有人質疑佢咪嘴，「返鄉下唱歌好等錢洗？」，但亦有網民大讚佢係「行走的CD」！

Photo from 楊千嬅 IG

楊千嬅到四川錄製春晚節目

楊千嬅日前為央視錄製春晚節目，前往四川嘅閬中古城錄影。影片截圖可見，可能係為了配合新春錄製，現場環境富有鄉村氣息，亦掛滿紅燈籠，連一眾村民都一起戴上紅色口罩。

Photo from 抖音

向村民獻唱《可惜我是水瓶座》

而楊千嬅亦以全身紅色造型亮相，佢站在廣場中央執咪演唱《可惜我是水瓶座》，雖然佢用廣東話唱歌，但包圍著楊千嬅嘅一班鄉民都聽得如癡如醉，跟著音樂揮動雙手，反應熱烈。

Photo from 抖音

Photo from 抖音

Photo from 抖音

不少內地網民大讚同CD無分別

楊千嬅在閬中古城嘅現唱片段在網上瘋傳，尤其在抖音平台更獲得非常正面嘅評價，不少內地網民紛紛留言大讚佢歌喉「現唱都這麼好聽」、「怎麼跟CD一樣喔」、「頂級現場」、「好羨慕能聽現場的人」、「專業的就是不一樣」。

Photo from 抖音

Photo from 抖音

Photo from 微博

本地網民質疑「真係播CD」

不過，本地網民就唔係咁諗，在本地論壇中出現了唔少質疑楊千嬅假唱嘅聲音，「畀錢佢播碟？」、「明顯咪嘴，同CD一樣，呢啲現場收音無可能係咁。」

Photo from 連登討論區

Photo from 連登討論區

Photo from 抖音

除了批評佢疑似假唱，亦有活躍於微博嘅內地網民為楊千嬅今次嘅演出感到奇怪，「楊千嬅有那麼缺錢嗎？要接這種活動了？還唱對嘴的，還唱粵語.. 我一個廣東人都看不下去了。」

Photo from 微博

楊千嬅近期多次登上內地大型舞台

Photo from 江蘇跨年演唱會 2022

雖然以上截圖所見，現場環境充滿古早味，但有網民再次強調呢個係央視春晚嘅錄製行程，並非如部分網民所講嘅「香港歌后要上鄉村表演好折疊」。其實，楊千嬅近年到內地積極參加了不少綜藝節目，早前亦有登上央視2021國慶晚會《中國夢 祖國頌》唱《國家2021》；除此亦亮相江蘇衛視跨年演唱會，唱出《可惜我是水瓶座》、《小城大事》、《勇》、《野孩子》嘅連串經典歌曲，睇嚟楊千嬅在內地發展順利，演出陸續有來。

相關文章：楊千嬅傳已舉家移居上海 Torres讀國際學校一年要35萬 兼同Jasper做同學？！

相關文章：港星北上工作人氣更加旺？！ 楊千嬅唱功獲大讚/大灣區哥哥被讚貼地

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）