download HolidaySmart 假期日常 app
41歲莊思敏突然宣佈改名,新名想轉運催旺4大運勢!網友:個名參考咗元素週期表?

41歲莊思敏突然宣佈改名,新名想轉運催旺4大運勢!網友:個名參考咗元素週期表?

娛樂新聞
By Jennifer on 11 Jan 2022
Digital Editor

藝人改名都係好常見嘅事,之前陳小春應采兒夫婦、羅子溢楊茜堯夫婦都改過名。近日莊思敏都喺網上宣佈佢已經改名,又指改名係想催旺4大運勢,不過佢新名就被部分網民指:「係咪參考咗元素週期表?」

近日莊思敏都喺網上宣佈佢已經改名,又指改名係想催旺4大運勢

莊思敏突然宣佈改名

現年41歲嘅莊思敏2020年與圈外男友Brian(楊秉逸)結婚,近日佢就喺YouTube拍片宣佈已經改名,仲叫大家日後要以新名稱呼佢。

現年41歲嘅莊思敏2020年與圈外男友Brian(楊秉逸)結婚

莊思敏表示最近唔少朋友都問佢點解IG、Facebook、抖音等社交網站個名都唔同咗,以為佢嘅ac畀人入侵咗,莊思敏解釋其實係因為佢改咗新名。

莊思敏表示最近唔少朋友都問佢點解IG、Facebook、抖音等社交網站個名都唔同咗

「莊思敏」變成「莊鍶敏」為催旺4大運勢

佢指將個名原本個「思」字改成「鍶」字:「我希望呢個新名,會為我帶嚟一啲轉變同突破,記得以後寫嘢畀我,用加咗『金』字部首嘅『鍶』字。」,新名讀音無變,只係加多咗「金」字部首。

莊思敏指將個名原本個「思」字改成「鍶」字

莊鍶敏:「我希望呢個新名,會為我帶嚟一啲轉變同突破」

莊鍶敏之後接受傳媒訪問時透露佢改名係想儲到錢、事業同健康好啲,婚姻都好啲。有網友第一時間諗起「元素週期表」,指「鍶」(英語:Strontium)係一種化學元素,其化學符號为「Sr」。

莊鍶敏之後接受傳媒訪問時透露佢改名係想儲到錢、事業同健康好啲,婚姻都好啲

有網友第一時間諗起「元素週期表」

網民指「鍶」(英語:Strontium)係一種化學元素,其化學符號为「Sr」。

陳小春應采兒、羅子溢楊茜堯夫婦都豪花巨款改名

其實娛樂圈中藝人改名並唔罕見,好似陳小春應采兒夫婦、羅子溢楊茜堯夫婦都改過名。羅子溢楊茜堯(前名:羅仲謙、楊怡)夫婦喺大女「小珍珠」羅翊心半歲生日時宣佈為咗家人更好,決定改名為羅子溢、楊茜堯。當時有傳羅子溢楊茜堯搵嚟高人為佢哋改名,共花費$40萬!

羅子溢楊茜堯夫婦喺大女「小珍珠」羅翊心半歲生日時宣佈為咗家人更好,決定改名為羅子溢、楊茜堯。

有傳羅子溢楊茜堯搵嚟高人為佢哋改名,共花費$40萬!

有指佢哋夫婦一齊改名係為咁追仔,但羅子溢否認,佢表示生仔呢啲隨緣,不過承認希望改名可以帶旺事業。早前亦有報道指陳小春夫妻有見羅子溢(原名:羅仲謙)、楊茜堯(原名:楊怡)夫婦改名後事業、家庭都變得更好,亦打算效法。

羅子溢承認希望改名可以帶旺事業。

有報道指陳小春夫妻有見羅子溢(原名:羅仲謙)、楊茜堯(原名:楊怡)夫婦改名後事業、家庭都變得更好,亦打算效法。

報道稱兩人豪花過百萬,搵咗為羅子溢、楊茜堯改名嘅堪輿學家陳咢魁出手:陳小春(原名:陳小臻)改名做「陳泰銓」;原名丁文嘅應采兒則改名做「陳丁冉兒」,更指已辦理好身份證等手續。

報道稱陳小春(原名:陳小臻)改名做「陳泰銓」;原名丁文嘅應采兒則改名做「陳丁冉兒」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

Cammi謝芷蕙改名做謝熙婷!晒新相疑P圖失手驚現一粗一幼鴛鴦腿!

22 Nov 2021

謝芷蕙(Cammi)近年淡出娛樂圈,但仍有唔少人關心佢嘅近況。Cammi喺IG宣佈佢改咗新名做「謝熙婷」,又話師傅指舊名一直都唔適合佢。佢更公開新相,不過就疑似P圖出事,竟變鴛鴦腿!

謝芷蕙(Cammi)近年淡出娛樂圈,但仍有唔少人關心佢嘅近況。Photo from Cammi IG

Cammi謝芷蕙宣佈改名做「謝熙婷」

Cammi謝芷蕙雖然唔再參與演藝工作,但佢嘅一舉一動依然引起網友嘅關注。最近Cammi就喺IG公開指佢改咗新名:「改名了,今天起叫謝熙婷..?謝謝」

最近Cammi就喺IG公開指佢改咗新名:「改名了,今天起叫謝熙婷..?謝謝」Photo from Cammi IG

有網民留言問佢:「身份證都改埋名定係藝名」,Cammi就回:「全改了」,佢之後喺IG Story「你問我答」度回應點解要改新名,原因係師傅話舊名一直都唔適合佢。

有網民留言問佢:「身份證都改埋名定係藝名」,Cammi就回:「全改了」Photo from Cammi IG

Cammi生活越嚟越富貴,晒名牌袋、餐餐米芝蓮

雖然為佢改名嘅高人就指舊名唔啱Cammi,但Cammi一直以嚟都似乎好享受人生,生活又越嚟越富貴。

Cammi一直以嚟都似乎好享受人生,生活又越嚟越富貴。Photo from Cammi IG

平時出入大晒名牌、屋企更處處顯露奢華,家中有展櫃暗晒Hermès等名牌手袋,睡房更係望到海景,Cammi亦有聘請外傭姐姐。

Cammi家中有展櫃暗晒Hermès等名牌手袋Photo from Cammi IG

Cammi屋企望到海景Photo from Cammi IG

Cammi亦有聘請外傭姐姐。Photo from Cammi IG

而且Cammi經常到訪高級餐廳,不時分享食評,之前情人節佢就同男友去五星級酒店慶祝,唔止大晒巨鑽戒指,同男友又豪飲$7萬紅酒。閒時Cammi亦會同朋友去酒店聚會、歎Tea,生活相當寫意。

Cammi經常到訪高級餐廳,不時分享食評Photo from Cammi小紅書

情人節Cammi同男友去五星級酒店慶祝,唔止大晒巨鑽戒指,同男友又豪飲$7萬紅酒Photo from Cammi IG

閒時Cammi亦會同朋友去酒店聚會Photo from Cammi IG

Cammi平時會歎下teaPhoto from Cammi IG

Cammi自爆真實職業,稱有好多工作

唔少網友都對Cammi過富貴生活感到好奇,有人就直接問佢究竟係做咩職業,Cammi就表示:「Freelance」,不過佢並未指出係做邊類型嘅freelance,亦有人想知佢一個月收入有幾多,但Cammi稱不便透露。

唔少網友都對Cammi過富貴生活感到好奇,有人就直接問佢究竟係做咩職業,Cammi就表示:「Freelance」Photo from Cammi IG

有人想知佢一個月收入有幾多,但Cammi稱不便透露。Photo from Cammi IG

佢都曾經公開表示佢有好多工作,只係工作量唔大先令人誤會佢無做嘢。

Cammi 曾經公開表示佢有好多工作,只係工作量唔大Photo from Cammi 小紅書

Cammi熱愛P圖,新相疑再P圖過籠現鴛鴦腿

除咗富貴生活引人關注外,好多網友都好關心佢「變樣」,Cammi向來唔介意公開自己自拍P圖嘅事實,更曾直言:「我中意P咗圖嘅自己」,又建議唔中意佢P圖嘅朋友可以睇佢拍嘅影片,P圖會無咁勁。

Cammi向來唔介意公開自己自拍P圖嘅事實,更曾直言:「我中意P咗圖嘅自己」Photo from Cammi IG

但幾乎張張相都P嘅P圖高手Cammi都有失手嘅時候,近日佢帶愛寵出門,心情大靚嘅Cammi亦有喺IG Story公開自拍,不過即被揭疑似「P圖過籠」!

幾乎張張相都P嘅P圖高手Cammi都有失手嘅時候Photo from Cammi IG

雖然Cammi自拍嘅手機遮住咗佢個樣,但佢亦不忘為一雙長腿「後期加工」,但疑P圖太重手出事,令長腳比例非常唔合理,而且對腳直到見唔到膝蓋嘅位置。另外Cammi左腳明顯比右腳幼勁多,驚現「鴛鴦腿」!畫面望落好怪異。

Cammi 疑P圖太重手出事,令長腳比例非常唔合理,而且對腳直到見唔到膝蓋嘅位置。另外Cammi左腳明顯比右腳幼勁多,驚現「鴛鴦腿」!Photo from Cammi IG

Cammi以往多次P圖失手

其實Cammi之前都有P圖穿崩嘅情況:好似係為P出長腿搞到地板扭曲變形;著泳衣騷身材但泳池邊完全錯位;正方形階磚全部歪晒等。

Cammi 為P出長腿搞到地板扭曲變形Photo from Cammi IG

Cammi 著泳衣騷身材但泳池邊完全錯位Photo from Cammi IG

Cammi 身後嘅正方形階磚全部歪晒Photo from Cammi IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel