download HolidaySmart 假期日常 app
黎姿27年前食壽司片段再度成為熱話!上載近期護膚教學 睫毛搶晒鏡

黎姿27年前食壽司片段再度成為熱話!上載近期護膚教學 睫毛搶晒鏡

娛樂新聞
By Stephanie on 12 Jan 2022
Digital Content Writer

黎姿(Gigi)一直以來都非常注重養生以及護膚,經常都會喺社交平台分享自己嘅美容心得。日前,TVB就重新上載咗黎姿1995年出演《超級無敵獎門人》嘅食壽司片段,令唔少網民都大讚當時嘅Gigi真係好有氣質!

黎姿1995年喺《超級無敵獎門人》中食壽司嘅片段再次爆紅?!Photo from 黎姿IG

# 黎姿非常注重保養樣貌及身材!

現年50歲嘅黎姿(現叫:馬黎珈而)一向都非常注重保養自己樣貌同身材,獲唔少網民大讚「凍齡美女」。雖然佢喺結婚後就淡出幕前,將重心投放喺家庭上。近年,佢就積極發展自己嘅事業,仲做埋老闆娘開設醫學美容中心!有傳佢嘅美容院生意嘅身價已經高達$15億,非常厲害~

現年50歲嘅黎姿一直都著重樣貌以及身材管理。Photo from 黎姿IG

黎姿現時就成為咗醫學美容院嘅老闆娘!Photo from 黎姿IG

# TVB突然上載27年前《獎門人》片段!

日前,TVB嘅抖音帳號就突然上載黎姿1995年出演《超級無敵獎門人》時嘅片段,仲因此而再度爆紅!只見片段中,Gigi正在玩「辣辣壽司邊個食」環節,然而佢嘅一舉一動都非常斯文,即使食咗充滿芥末嘅壽司都依然保持優雅~

TVB抖音帳號最近就上載咗黎姿1995年上《獎門人》嘅片段。Photo from 抖音

即使黎姿正在食充滿芥末嘅壽司都依然保持優雅!Photo from 抖音

# 網民大讚黎姿好清純!

片段中嘅Gigi只係得24歲,應該就係正值拍攝完電影《古惑仔之人在江湖》後,而佢亦因為參與該電影而人氣飆升。有唔少網民就留言話覺得當時嘅Gigi已經到達咗顏值巔峰,令唔少網民直呼「好似搵返心動嘅感覺」!

當時應該就係黎姿拍攝完《古惑仔之人在江湖》嘅時期,當時人氣非常高!Photo from 《古惑仔之人在江湖》

唔少網民都認為當年24歲嘅Gigi正值顏值巔峰!Photo from 抖音

# 黎姿近日上載護膚片段

現時,Gigi都會經常喺社交平台上大方咁向網民分享自己嘅美容護膚心得。最近,佢喺小紅書上載護膚片段,並以一身舒適家居浴袍look登場,幾乎素顏上陣嘅佢皮膚狀態非常好,完全唔似50歲!

黎姿日前就上載咗自己日常護膚嘅片段。Photo from 黎姿小紅書

幾乎素顏上陣嘅黎姿皮膚保養得非常好!Photo from 黎姿小紅書

# 網民卻覺得眼睛睇落有啲奇怪?!

但就有網民認為Gigi嘅假眼睫毛太過濃密,反而睇落有啲嚇人「接的睫毛有點不自然」、「眼睛有點嚇人」等留言。大部分網民都覺得佢本身嘅眼睛已經好靚,唔加任何嘢可能會更加好睇!

但就有網民認為黎姿嘅假眼睫毛似乎太濃密,同佢似乎唔太合襯!Photo from 黎姿小紅書

網民認為本身已經天生麗質嘅黎姿唔加假睫毛已經好靚!Photo from 黎姿小紅書

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

50歲黎姿筋骨仍超柔軟!大晒飄逸舞姿!11億豪宅鏡房舞蹈室曝光?!

18 Oct , 2021

黎姿(現名馬黎珈而)喺2008年宣佈全面退出娛樂圈後成商界女強人,但曝光率仍然好高,佢喺IG分享拉筋、跳舞嘅相片,現年50歲嘅佢筋骨依然勁柔軟,更疑公開咗11億豪宅嘅鏡房舞蹈室!

黎姿(現名馬黎珈而)喺2008年宣佈全面退出娛樂圈後成商界女強人Photo from 黎姿IG

黎姿平日熱愛行山、做運動

黎姿喺息影之前獲封為「愛美神」,係唔少人心目中嘅女神。佢退出娛樂圈後仲有不時喺IG公開佢嘅近況,中意運動、行山嘅黎姿平日十分注重飲食,所以佢身材多年嚟仍keep到勁fit。

平時中意運動、行山嘅黎姿平日十分注重飲食,所以佢身材多年嚟仍keep到勁fit。Photo from 黎姿IG

熱愛運動嘅佢最近就公開咗拉筋嘅相片,黎姿留言表示自已習慣做完運動會做返啲伸展動作,促進運動過嘅肌肉血氧供應更好,令肌肉恢復得更快,消除疲勞更有效。

熱愛運動嘅黎姿最近就公開咗拉筋嘅相片Photo from 黎姿IG

佢又分享指拉筋有助將肌肉拉長,經常做拉伸動作,唔只對身體健康好,仲可以令線條優美:「想健康想靚,就要經常拉筋!」

黎姿指拉筋有助將肌肉拉長,經常做拉伸動作,唔只對身體健康好,仲可以令線條優美Photo from 黎姿IG

50歲黎姿姿筋骨仍超柔軟,疑公開老公名下豪宅鏡房舞蹈室

黎姿雖然已步入50歲,但筋骨依然柔軟,更展現到佢一雙修長美腿。另外有網民關注佢拉筋嘅地方,雖然空間唔算好大,但就有有多面落地鏡子同扶把,有網友認為呢間鏡房舞蹈室應該都係位於佢所住嘅11億西半山豪宅內。

黎姿雖然已步入50歲,但筋骨依然柔軟,更展現到佢一雙修長美腿。Photo from 黎姿IG

黎姿價值11億嘅西半山豪宅面積極大,廚房同浴室都十分寬敞,喺屋內設鏡房舞蹈室亦唔出奇,因為黎姿本人都非常熱愛運動,間房可以畀佢做瑜伽、拉筋。

黎姿價值11億嘅西半山豪宅面積極大,廚房同浴室都十分寬敞Photo from 黎姿IG

因為黎姿本人都非常熱愛運動,間房可以畀佢做瑜伽、拉筋。Photo from 黎姿IG

黎姿大晒飄逸舞姿,網友讚勁有仙氣

繼拉筋後,黎姿又喺IG公開咗佢著紗質長裙大展舞姿嘅相片,佢迎風跳起、轉圈,姿態十分飄逸:「轉眼踏入了10月中,天氣比较凉爽,感覺很舒服。就趁著微微涼風,盡情投入大自然中。」

繼拉筋後,黎姿又喺IG公開咗佢著紗質長裙大展舞姿嘅相片Photo from 黎姿IG

黎姿迎風跳起,姿態十分飄逸Photo from 黎姿IG

唔少網友大讚佢造型仙氣十足,舞姿靈動,又指黎姿靚足咁多年,好友佘詩曼亦有留言:「Always pretty ?」

唔少網友大讚佢造型仙氣十足,舞姿靈動,又指黎姿靚足咁多年Photo from 黎姿IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel