【鐵拳英雄】陳展鵬復古造型惹網民爆笑！大晒譚仔姐姐口音！網民：亞視味濃
TVB劇集《鐵拳英雄》（原名《唐人街》）最近終於開播，呢套劇仲係唔少人一直都非常期待嘅電視劇之一。當中陳展鵬所飾演嘅「步天下」喺劇中就以非常復古嘅造型亮相，加上獨有嘅「譚仔姐姐」口音，成功引發網民爆笑！
Photo from 《鐵拳英雄》
# 《鐵拳英雄》2019年拍攝完畢，近日終於開播！
由陳展鵬、唐詩詠、陳山聰、姚子羚領銜主演嘅TVB劇集《鐵拳英雄》（原名《唐人街》）今個星期開播，據悉呢套劇早於2019年就已經拍攝完畢，但礙於內地審批以及疫情問題而變成咗「倉底貨」，拖到而家先播！
Photo from 《鐵拳英雄》
# 劇情加入唔少武打元素！
劇情嘅背景係三四十年代，大致講述陳展鵬、陳山聰、翟威廉三人帶同家人一齊移居泰國「唐仁街」後嘅生活。劇中加入唔少武打元素，仲邀請咗元秋、伍允龍等人出演，同之前嘅《城寨英雄》有幾分相似，仲因此而成為唔少網民非常期待嘅電視劇！
Photo from 《鐵拳英雄》
Photo from 《鐵拳英雄》
# 陳展鵬第一集以「譚仔姐姐」口音出場！
由陳展鵬所飾演嘅「步天下」亦成為咗網民嘅焦點之一，由於角色本身係一位潮洲人，所以喺講廣東話嘅時候滿口鄉音，同「譚仔姐姐」一樣有幾分熟悉感，令唔少觀眾忍唔住爆笑～可惜「譚仔姐姐」口音只係出現喺第一集！
Photo from 《鐵拳英雄》
# 造型極復古？！
除此之外，陳展鵬喺第一集嘅造型亦非常復古，一頭蓬鬆嘅短頭髮，的確好有年代感，令唔少網民都話「呢種feel真係得佢carry到」、「果然係亞視出身！」等留言。
Photo from 《鐵拳英雄》
Photo from 《鐵拳英雄》
# 武打戲表情肉緊！
另外，陳展鵬今次都有自己嘅一套招式「立地通天炮」，雖然名字聽落非常尷尬，不過卻係真實記載喺《八極拳圖解》當中嘅拳術！而佢肉緊嘅表情以及拳術都成為咗亮點～
Photo from 《鐵拳英雄》
Photo from 《鐵拳英雄》
Photo from 《鐵拳英雄》
而第一集仲疑似出現MARVEL電影《尚氣與十環幫傳奇》嘅同門兄弟？！
Photo from 《鐵拳英雄》
# 演員直播講趣事：李嘉叫人踢佢私人部位！
喺劇集開播之後，陳山聰、唐詩詠、姚子羚等就一齊開IG直播大談當時拍攝嘅趣事，然而佢哋都不約而同咁話因為拍完好耐，所以劇中嘅細節都唔係好記得喇。而姚子羚就透露曾經李嘉嘅身材真係練得非常結實，「佢不停喺片場叫人踢佢私人部位，我試過好大力咁踢，好似真係冇嘢咁！」；而伍允龍其後亦話自己都有試過踢！
Photo from 唐詩穎IG
Photo from 《鐵拳英雄》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
陳展鵬手執香氛宣傳新歌！衣著再成焦點！網友：顛覆時裝界之人！重溫10大出位打扮
29 Oct , 2021
Photo from TVB
陳展鵬重返樂壇，推新歌《真愛配方》
陳展鵬再圓歌手夢，身為TVB旗下藝人嘅佢卻未有加盟星夢娛樂，反而簽約天盟娛樂。佢自信表示自己係唱片公司嘅「一哥」。簽約後佢推出咗兩首歌：《零歲》、《真愛配方》。
Photo from TVB
雖然陳展鵬無簽到星夢，但佢嘅新歌《真愛配方》就成功登上TVB《勁歌金曲》冠軍歌，成績唔錯。佢近日晒出新相繼續宣傳歌曲：「希望我調校嘅獨特香味會令你地諗起嗰我首歌《真愛配方》。亦希望你哋能夠搵到屬於自己嘅愛情配方！」
Photo from TVB
陳展鵬晒相宣傳新歌被指有亞視味？
比起新歌，佢嘅衣著似乎更加引人注目。陳展鵬上身著上花紋裇衫，下身係寬鬆直紋長褲，仔細睇佢眼鏡鏡片係橙色，加埋手執蠟燭嘅pose同埋相片背景，唔少網友都指有啲老土！
Photo from 陳展鵬 IG
其實陳展鵬出道以嚟衣著向來風格獨特，從不「隨波逐流」，有網友更封佢為「顛覆時裝界嘅人」，即刻重溫陳展鵬昔日10大經典打扮！
Photo from ATV
Photo from LIHKG
Photo from LIHKG
1. 白背心 X HipHop方巾 X 太陽眼鏡
呢張相唔係最新影嘅，成個造型好有「佬味」，完美展現男人嘅粗曠！
Photo from 陳展鵬 IG
2. 花紋領帶 X 西裝
喺裇衫衣領、西裝、領帶上都有唔同嘅花紋，3重花紋相撞極有視覺衝擊。
Photo from 陳展鵬 IG
3. 花花西裝
喺呢套深藍嘅西裝上印有點點花嘅圖案，突顯出陳展鵬柔情似水嘅一面，再加上佢以「真空」狀態晒出肌肉又增添男人氣息。
Photo from 陳展鵬 IG
4. 閃石T裇 X 橙色長褲 X 珠片皮帶
去打高爾夫球陳展鵬衣扮得閃令令，務求令人喺遠處一眼就望到佢，唔止有反光嘅珠片、閃石，仲著止十分搶眼嘅橙色褲。
Photo from 陳展鵬 IG
5. 絨毛外套 X 九分褲 X 白色波鞋
陳展鵬似乎對花紋情有獨鍾，天氣轉涼佢著咗絨毛暗紋外套，但吊腳九分褲就露出腳踝，配上波鞋可能係透露佢平時有做運動，所以唔怕凍。
Photo from 陳展鵬 IG
6. 黑色裇衫 X 土黃色闊腳褲 X 厚底波鞋
裇衫仍走花紋路線，陳展鵬仲喺心口掛咗副眼鏡，加埋條長到落心口嘅頸鏈，十分搶眼。下身著泥黃色嘅闊腳褲，長度足以掂地，相信佢特登著返對厚底波鞋，以免整污糟褲腳。
Photo from 單文柔 IG
7. 橙色polo裇 X 黑長褲 X 斑馬紋鞋
又去打高爾夫球，陳展鵬秉行令人喺遠處都睇到佢嘅原則，繼續著上亮眼嘅橙色polo裇，今次佢仲「攝衫」，斑馬鞋為佢淨色嘅衫褲增添亮點。
Photo from 陳展鵬 IG
8. 墨綠色衫褲 X 杏色大衣
上衣有凌亂美，外搭斯文嘅杏色大衣。
Photo from 陳展鵬 IG
9. 寶藍色絨布西裝 X 鎖鏈頸鍊
寶藍色絨布西裝展現其高貴氣質，展鵬不忘著上九分吊腳褲，「著鞋唔著襪，大方兼老實」，配上鎖鏈型頸鍊，大晒man爆男人味。
Photo from TVB
Photo from TVB
10. 絨毛皮褸 X 領帶 X 九分褲
又係佢最愛嘅絨毛外套，今次入面嗰層係絨毛，外面係皮，九分褲配休閒鞋，行緊紅地氈，陳展鵬再配埋白裇衫加領帶以示隆重。
Photo from TVB
陳展鵬嘅造型由亞視時期去到依家都堅持自己嘅風格，相信已成為咗佢嘅個人特色～
Photo from LIHKG
Photo from 陳展鵬 IG
Photo from ATV
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
