download HolidaySmart 假期日常 app
謝霆鋒代言品牌20年躍升做股東!發表「國貨崛起」言論獲讚!入股後已經賺到1億?

謝霆鋒代言品牌20年躍升做股東!發表「國貨崛起」言論獲讚!入股後已經賺到1億?

娛樂新聞
By Stephanie on 13 Jan 2022
Digital Content Writer

謝霆鋒近年將事業重心放咗喺內地,仲揚言已經申請退加拿大國籍,以表達愛國之情。本身已經身兼藝人同大廚嘅佢,最近就被爆多咗一個新身分就係榮升做品牌「特步」嘅股東,仲有傳佢已經勁賺過億!

謝霆鋒繼廚師之後,又再多咗一個新身份?!Photo from 謝霆鋒微博

# 謝霆鋒內地工作多!

現年41歲嘅謝霆鋒喺內地嘅知名度都算係唔錯,參與唔少內地綜藝節目,包括:由佢主持嘅美食節目《十二道鋒味》1至3季、《最強大腦》等,曝光率非常高!

謝霆鋒近年參與多個內地綜藝節目!Photo from 謝霆鋒微博

謝霆鋒一向都鍾意大晒廚藝,而《十二道鋒味》就係由佢主持嘅美食節目!Photo from 《十二道鋒味》

# 成為「特步」20年代言人!

而謝霆鋒亦有成為過唔少品牌嘅代言人,仲為內地運動用品品牌「特步」做咗20年嘅代言人!早前,佢就出席「2021十大經濟年度人物」盛宴,仲發表咗支持「國貨崛起」嘅言論:「用我們的時間、金錢、堅持去證明」,獲得大批內地網民大讚。

謝霆鋒亦係內地運動品牌嘅長青代言人!Photo from 特步微博

謝霆鋒參加「2021十大經濟年度人物」盛典時,發表國貨崛起言論,獲內地網民力讚!Photo from 微博

# 原來謝霆鋒已經成為「特步」股東!

而當日「特步」集團CEO丁水波就爆料,原來謝霆鋒而家唔單止係代言人,仲成為埋股東!為品牌代言20年咁多,謝霆鋒就話已經同CEO變成朋友關係,大讚品牌嘅過人之處「不炒作,不浮誇,細水長流地合作20年」,睇嚟真係對品牌情有獨鍾~

謝霆鋒已經同特步品牌合作20年,當日仲大晒兩人20年前後嘅對比照!Photo from 微博

「特步」CEO丁水波仲大爆謝霆鋒已經成為股東之一!Photo from 微博

# 2020年以逾1,200萬購入,已經賺咗接近1億?!

據內地傳媒報導,謝霆鋒喺2020年花費大約1000萬人民幣(約港幣逾1,200萬)入股認講「特步」500萬股股份,當時嘅認購價為2.48港幣,總額係1240萬港元,而佢亦承諾一年唔會變賣!當主持人詢問佢賺咗幾多時,佢就笑而不語,收益似乎非常可觀,外界有傳佢購入唔夠1年就已經賺咗接近1億!

據傳媒報導,謝霆鋒喺2020年以逾1,200萬購入500萬股股份。Photo from 微博

# 特步喺內地好出名?!

其實「特步」喺內地非常受歡迎,而且近年都邀請唔同嘅明星做代言人,包括:TWINS、蔡依林等,品牌影響力大,喺全球開設多達逾6,000間分店,被稱為內地運動品牌新巨頭!

特步品牌一直都邀請唔少名人宣傳,並喺全球開咗逾6千間門市!Photo from 特步微博

范冰冰細佬范丞丞亦係眾多代言人之一!Photo from 特步微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

41歲謝霆鋒挑戰凌空轉呼拉圈!超強腰力震驚網民!重溫6大騎呢行為

12 Nov , 2021

現年41歲嘅謝霆鋒近年喺內地各種綜藝節目做嘉賓,人氣有增無減。日前佢親自挑戰凌空轉呼拉圈!唔少網友都感歎佢腰力驚人!其實霆鋒向來特立獨行,曾經做過唔少旁人難以理解嘅行為。

現年41歲嘅謝霆鋒近年喺內地各種綜藝節目做嘉賓,人氣有增無減。Photo from 《中國好聲音》

41歲謝霆鋒挑戰凌空轉呼拉圈

近日喺微博有內地網民公開咗一段謝霆鋒做運動嘅影片,片中佢表示之前睇過一個動作,有健身達人指好難做到,霆鋒淡定指:「我現在就來試試。」

近日喺微博有內地網民公開咗一段謝霆鋒做運動嘅影片,片中佢表示之前睇過一個動作,霆鋒淡定指:「我現在就來試試。」Photo from 微博

隨後佢向後躺下,上半身凌空,僅靠小腿喺健身器材上借力,然後利用腰力轉動呼拉圈,過程佢表情輕鬆,後面仲一邊轉呼拉圈、一邊玩電話。呢條片喺微博已有超過30萬讚好!

隨後謝霆鋒向後躺下,上半身凌空,僅靠小腿喺健身器材上借力,然後利用腰力轉動呼拉圈Photo from 微博

過程謝霆鋒表情輕鬆,後面仲一邊轉呼拉圈、一邊玩電話。Photo from 微博

呢條片喺微博已有超過30萬讚好!Photo from 微博

超強腰力震驚網民,醫生籲唔好學

內地網民紛紛大讚霆鋒核心力量驚人,腰力超強,又指佢雖然已經41歲,但做呢個動作仍然毫不吃力:「港星真是保養先鋒啊!」,又稱希望其他內地男藝人仿效。而香港網友亦十分驚訝。

內地網民紛紛大讚霆鋒核心力量驚人,腰力超強Photo from 微博

香港網友亦十分驚訝。Photo from lihkg

網民表示難以理解Photo from lihkg

不過喺「#謝霆鋒懸空呼啦圈」上咗熱搜後,有上海醫院脊柱外科主任就公開表示呢個動作會對脊椎椎間關節造成極大壓力,容易令椎間盤突出,甚至可能會造成椎間關節脫位,呼籲大家唔好學。

喺「#謝霆鋒懸空呼啦圈」上咗熱搜後,有上海醫院脊柱外科主任就公開表示呢個動作會對脊椎椎間關節造成極大壓力,呼籲大家唔好學。Photo from 微博

重溫謝霆鋒6大奇怪行為

其實謝霆鋒之前都有過好多其他人未曾嘗試嘅事,有網民就盤點佢之前嘅「奇怪」行為,並製作成gif圖:

其實謝霆鋒之前都有過好多其他人未曾嘗試嘅事,有網民就盤點佢之前嘅「奇怪」行為Photo from lihkg

1. 用燙斗set頭

謝霆鋒2018年喺台灣頒獎禮做表演嘉賓,佢接受訪問時透露當日嘅「雞冠頭」係佢用燙斗set嘅,之後更公開埋親自set頭嘅片段。

謝霆鋒透露表演嘅「雞冠頭」係佢用燙斗set嘅,之後更公開埋親自set頭嘅片段。Photo from 謝霆鋒Facebook

2. 謝氏單手fing蕉法

謝霆鋒主持內地節目《十二道鋒味》時曾經chok爆咁單手fing開條香蕉,佢之後有同爸爸謝賢拍片表示細個謝賢經常喺謝霆鋒、謝婷婷兩兄妹面前咁做,而霆鋒深受爸爸影響。

謝霆鋒主持內地節目《十二道鋒味》時曾經chok爆咁單手fing開條香蕉Photo from 《十二道鋒味》

3. 瘋狂唧朱古力醬

2017年謝霆鋒去澳門出席米芝蓮晚宴,更即場表演唧朱古力醬伴碟,當時佢神情專注,目光集中喺隻碟上,雙手「移形換影」高速唧出朱古力醬,唧完更以chok爆眼神回望隻碟一眼,技驚四座,更吸引張敬軒、黃秋生模仿。

2017年謝霆鋒去澳門出席米芝蓮晚宴,更即場表演唧朱古力醬伴碟Photo from 謝霆鋒Facebook

當時謝霆鋒神情專注,目光集中喺隻碟上,雙手「移形換影」高速唧出朱古力醬Photo from 謝霆鋒Facebook

4. 特別的磨刀技巧

謝霆鋒喺《鋒味廚房》整威靈頓牛扒時就喺隔離磨刀,為牛扒增加大量鐵質。

謝霆鋒喺《鋒味廚房》整威靈頓牛扒時就喺隔離磨刀Photo from 《鋒味廚房》

5. 衣架晾意粉

身為大廚,霆鋒有無限創意!佢曾經製作手工意粉,之後為咗可以令家庭觀眾喺屋企都做到風乾過程,霆鋒拎出每個家庭都有嘅衣架用嚟晾意粉!有創意得嚟又細心為觀眾考慮,實在用心良苦。

謝霆鋒用衣架晾意粉Photo from 謝霆鋒Facebook

6. 腳紋開鎖

謝霆鋒表示因為練結他令佢手指起晒繭,無法以指紋開鎖,於是佢就以腳紋作大門密碼,更親自示範如何用腳指紋開鎖。

謝霆鋒表示因為練結他令佢手指起晒繭,無法以指紋開鎖Photo from 謝霆鋒微博

謝霆鋒以腳紋作大門密碼,更親自示範如何用腳指紋開鎖。Photo from 謝霆鋒微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel