Coffee林芊妤晒兒子睇牙醫相被網友斥「要學習做媽媽」，嬲爆回覆超重火藥味
Coffee（林芊妤）不時喺網上大晒兒子「伯伯」翟德彥嘅日常趣事，近日佢分享仔仔個嘴腫咗，之後發現係佢嘅牙齒出現問題，點知有網民留言指佢「要學習做媽媽」，即時令Coffee發火回覆！
Coffee分享兒子「伯伯」近日塊面腫咗
Coffee（林芊妤）2018年榮升做媽媽之後生活一直圍住兒子「伯伯」翟德彥，佢日前透露3歲嘅伯伯出世後第一次去醫院，原因係上唇腫咗，當時醫生話伯伯有傷口發炎。
Coffee表示：「依家佢變咗一隻鴨仔⋯完全唔認得佢，中咗面目全非拳?」，佢又指自己推晒啲會議同工作留喺屋企陪仔仔，Coffee：「想問吓你哋有冇試過咁嘅情況？通常會幾時先好返㗎？見佢隻牙仔都有少少變黑」
發文揭彥彥面腫全因生牙瘡
估唔到佢再次發文指之前喺社交網站分享仔仔塊面腫咗，最近發現原來係因為生牙瘡！佢指發文後有唔少媽媽級網友私訊畀咗好多意見佢，令佢明白事情嘅嚴重性，終於帶咗仔仔去見兒童牙科醫生。
牙科醫生指伯伯有夜晚飲奶習慣，出現蛀牙問題，所以先會生牙瘡搞到塊面腫咗：「所以我今日出呢個post係好想大大力多謝所有私訊幫過我嘅人，都好想多謝偉大嘅網絡世界～令我可以好快咁做每個決定」
有網友留言指責，Coffee即發火回覆
Coffee表示希望透過分享令到所有新手媽媽都有所得着：「凡事要及早了解同認識，我哋繼續學習！」但有網友就留言「教訓」佢：「你真係要好好學習做媽媽﹗個仔搞到蛀牙，又牙瘡你都唔知，又無理佢。」
Coffee即時大怒留言回覆呢位網民：「哇…幾多阿媽會因為畀人咁樣講搞到抑鬱。畀少少同理心啦大佬，第一次做人哋阿媽啫，我唔係唔理係唔識咋奶奶（因為你啲語氣真係好似電視劇啲惡毒奶奶咁）其實把口唔好咁衰，你嘅人生會幸福好多㗎﹗加油。」
Coffee曾被老公教訓要出聲保護自己
其實Coffee之前都有直接回擊網友嘅留言，曾有人指Coffee老公買唔起樓，暗嘲佢「嫁錯郎」，Coffee回覆稱：「我有手有腳鍾意自己賺錢自己洗，我選擇愛情因為我有能力自己買麵包」，隨後更發千字文護夫。
Coffee早前上陳敏之YouTube節目做嘉賓，回憶起曾試過畀人當面話「唔知瞓過幾多個男人」，佢當時無出聲但係老公就鬧咗佢一餐，指佢唔好好保護自己，第時點保護個仔，令佢醒覺應該要有咩不平要出聲學識保護自己。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
Coffee林芊妤公開老公手機相簿私人照！絕密收藏素顏痘痘相、超近表情崩壞相
31 Dec 2021
Coffee林芊妤同老公結婚後一直恩愛，平時亦晒出唔少夫妻甜蜜照。最近Coffee公開咗唔少自己嘅獨照，相片十分貼地，原來係出自於老公翟志榮嘅手機相簿，Coffee更表示：「他必定是愛上了我的內在啦」
Photo from Coffee IG
Coffee林芊妤公開素顏照
2018年Coffee宣佈同拍拖3年嘅圈外男友翟志榮入紙申請結婚，同年誕下仔仔「伯伯」翟德彥，一家三口樂也融融。Coffee平日不時會喺IG大晒家庭照，非常溫馨！
Photo from Coffee IG
近日佢公開唔少絕密嘅個人照！當中不乏超近距離拍攝嘅高清相片，亦有好多素顏照，連臉上嘅痘痘都睇得好清楚，原來都係佢老公影！
Photo from Coffee IG
Photo from Coffee IG
老公翟志榮手機相簿私人珍藏
Coffee表示：「剛才想把老公拍BB的影片傳給自己，然後仔細一看他的電話相簿，我真的崩壞了!!!」佢指老公平時連一張相都唔肯幫佢影，估唔到相簿入面竟然全部都係佢表情崩壞照或長痘痘時照片。
Photo from Coffee IG
Photo from Coffee IG
不過佢又甜蜜稱：「我想這個人⋯⋯⋯⋯必定是愛上了我的內在啦（安慰自己中），看來我要將自己一大堆j圖放在他電話」
Photo from Coffee IG
爆夫妻對話，老公讚Coffee可愛
Coffee仲大爆夫妻對話，當時佢拎住部電話問老公做咩影佢崩壞照，老公則表示：「這樣很可愛啊」，Coffee反問：「請問可愛的點在哪裏」，老公：「真實的你才是最可愛的」
Photo from Coffee IG
Photo from Coffee IG
雖然Coffee聽完後以3個emoji「??☄️」回應，但都感受到佢同老公感情真係好好！Coffee又指平日唔少fans私chat佢大讚佢皮膚好，佢亦謙虛稱：「其實我也有皮膚差的時候，接受最真實的自己」
Photo from Coffee IG
網友羨慕Coffee一家三口超sweet日常
從Coffee老公影嘅「崩壞照」可見即使有啲相Coffee面上生咗幾粒痘痘，但其他無痘痘皮膚都仲係十分白滑，而且更有部分相係母子攬攬照，非常溫馨，唔少網友大讚佢哋一家好sweet！
Photo from Coffee IG
Photo from Coffee IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
