download HolidaySmart 假期日常 app
2R黃婉佩Race遊法國同4歲女確診新冠肺炎 暫住豪華獨立木屋 擁大湖景+超高樓底

2R黃婉佩Race遊法國同4歲女確診新冠肺炎 暫住豪華獨立木屋 擁大湖景+超高樓底

娛樂新聞
By Cheryl on 13 Jan 2022
Digital Editor

前女子組合2R成員黃婉佩Race(前藝名黃婉伶)與新加坡富商David Loh婚後育有一子一女,家庭美滿同時創業做女強人。Race最近到法國歡度聖誕及新年,佢日前出po宣佈自己同女兒都確診新冠肺炎,同時曬出一家到一間超豪湖邊別墅暫住相片!

黃婉佩Race 近日與一家到法國旅遊,途中確診新冠肺炎,佢途中分享入住獨立豪華木屋照片Photo from 黃婉佩Race IG

黃婉佩Race淡出香港娛樂圈後再婚,嫁新加坡富商David Loh

39歲黃婉佩Race出生馬來西亞,與姐姐黃婉君組過女子組合2R在港出道,曾擔正做劇集《當四葉草碰上劍尖時》女主角,直到2011年開始淡出娛樂圈,轉職金融市場策劃。

Race曾與姐姐黃婉君 Rosanne 組女團 2R 在港出道Photo from 《第29天》MV

Race曾於2004年與新加坡商人陳靖諧結婚,惟5年後離婚收場。到2016年,Race宣佈再婚,老公係比佢大19年嘅新加坡富商David Loh,翌年誕下大女Cara,再與去年誕下細仔Dayton,一家四口現居新加坡,居住在市值估計超過$1億港元嘅豪宅。

Race與新加坡富商David Loh再婚Photo from 黃婉佩Race IG

婚後入住新加坡豪宅,生活幸福Photo from 黃婉佩Race IG

Race歐遊同女兒齊中新冠肺炎

Race上月同一家人到歐洲旅遊,從佢上載IG嘅相片得知,佢哋到過法國巴黎過聖誕,再飛去法國東部滑雪,愜意非常。

Race同家人到法國旅遊賀聖誕新年Photo from 黃婉佩Race IG

不過,Race日前在個人IG上載帖文,表示自己在旅程途中確診新冠肺炎,所以大部分時間都逗留在室內環境,仲分享自己住在湖邊木屋嘅內外環境。帖文發出不久,Race再度出po,表示女兒Cara同樣中招,而且因為女兒未打疫苗所以癥狀嚴重,發高燒3晚後終於緩和,呢家感覺已經好好多。

Race近日在IG發帖文表示自己同女兒都中咗新冠肺炎Photo from 黃婉佩Race IG

入住豪華獨立木屋別墅

Race除咗交代病情,同時分享咗在法國東部城市「托農萊班」內一間湖邊獨立木系別墅暫住嘅環境相。別墅外牆走木系風格,屋型呈方形富有個性,仲有大型玻璃窗,從內可飽覽對外湖邊景色與日落,Race仲上載了在一條在屋內觀賞湖上放煙花嘅片段,相信係新年煙花,真係好有節日氣氛。

獨立木屋富有設計感Photo from 黃婉佩Race IG

大玻璃窗欣賞景色Photo from 黃婉佩Race IG

相信受玻璃反射影響,但可以見到屋內欣賞煙花情景Photo from 黃婉佩Race IG

屋內樓底好高,並以木色及黑色為內部環境色調,佈置簡潔同時別具設計感。空間超大,不論大廳或廚房都有大把活動空間,廳內有一個黑色高身大火爐,廚房亦可容納多人同時處理食材。有指整棟別墅每晚租金需約一萬港元,真係豪華。

大火爐好有型~Photo from 黃婉佩Race IG

屋內睇景好relax~Photo from 黃婉佩Race IG

廚房好大Photo from 黃婉佩Race IG

走廊好闊落,有多個房間Photo from 黃婉佩Race IG

屋內佈置富有個性Photo from 黃婉佩Race IG

Race亦在帖文中表示自己同大部分家人都有打疫苗,中招後癥狀相對輕微,而身邊好多朋友同事都曾確診新冠肺炎,但佢哋大多現時都感覺良好,所以佢認為係時候與病毒共存。因新加坡現時受疫情影響,Race一家會再法國逗留多陣,並期待回到新加坡嘅日子。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel