泰國女為防男友偷情 索性幫佢扮女人！意外索爆大曬美腿 網民：仲靚過女友！

一個人想介紹伴侶畀朋友認識，但又驚自己被背叛可以點做？泰國一名女生突發奇想，叫男友變裝成女人，佢搖身一變成紅裙辣妹出席女友嘅閨蜜聚會，相關片段被拍上網後瘋傳，男友嘅火辣外型更被網民指「正過女友」！

Photo from TikTok @lookjunjjr

泰國女為防男友勾三塔四，索性幫佢「變性」

泰國最近流傳一段閨蜜聚會TikTok（國際版抖音）短片，當中一名穿高衩紅裙「女生」特別搶眼，原來佢係一名男生，並且係同女友一起出席聚會！事緣一名泰國女想帶男友一起參加閨蜜聚會，但因為怕男友太帥，擔心佢會同自己嘅女性朋友玩得太埋，於是女生靈機一觸，竟叫男友打扮成女人赴會！

Photo from TikTok @lookjunjjr

男友變身成索爆辣妹

該名泰國女為男友悉心化妝打扮，原本充滿異國氣色嘅男友變身成穿著紅色高衩+超貼身連身裙嘅短髮辣妹！成為「女兒身」嘅男友並無尷尬，反而好自在，仲完全投入角色大擺甫士，讓人為自己拍照留念。

Photo from TikTok @lookjunjjr

Photo from TikTok @lookjunjjr

男友更在樓梯上依靠牆壁擺出誘人甫士，大曬臀部線條及穿著高跟鞋嘅美腿，旁邊一名路過男子望到佢都笑咗，場面爆笑。

Photo from TikTok @lookjunjjr

Photo from TikTok @lookjunjjr

影片被媒體報道後廣傳，並指出「紅裙女」真身確實係一名男生，而且外表帥氣。當地媒體笑言男生著裙未必係單純嘅個人喜好，亦可以好似呢個例子咁，女友為防止男友與閨蜜搭訕，就索性將佢「變性」，當然，男生自己都同意咁玩係最重要。

Photo from TikTok @lookjunjjr

Photo from TikTok @lookjunjjr

Photo from TikTok @lookjunjjr

網民大讚「仲靚過女友！」

上述影片在泰國網絡引起熱議，好多網民都大讚變身「紅裙女」嘅男友好索，性感又可愛，更有人稱佢畀女友本人仲靚，又讚男友嘅雙腿好光滑。雖然男友變裝本為防止女性埋身，但有網民卻笑指，「變完身咁索，小心吸引到男性！」、「小心男友會多咗另一個男友。」

相關文章：泰國女富豪Leena Jungjanya 2年換14任老公 曾上電視台曬恩愛 消失2年自爆悲涼現況

相關文章：泰國74歲不老美魔女靚樣竟全靠化妝　曾奪1965年環球小姐冠軍！網民：堅似食咗防腐劑！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）