網友嚴選「2021年TVB人氣花旦/歌手50強」！年紀最大與最細姚焯菲相差26歲
近年TVB被指人才流失，唔少小生花旦相繼離巢，討論區有網友總結「2021年TVB人氣花旦、歌手50強」，入圍嘅包括視后李佳芯、陳自瑤及「聲夢3小花」等。其中年紀最大嘅花旦，同年僅15歲嘅鍾柔美（Yumi）相差26歲！
Photo from 李佳芯 IG
TVB被指藝人年紀大，靠《聲夢傳奇》吸納年輕人
TVB近年有唔少人離巢，而且屢被指小生花旦年紀大，成個台唔夠年輕活力。TVB上年憑《聲夢傳奇》簽咗好多年輕歌手，包括16歲嘅炎明熹（Gigi）、15歲嘅姚焯菲（Chantel）、詹天文（Windy），以及12月剛過15歲生日嘅鍾柔美（Yumi）。
Photo from 詹天文 IG
網友嚴選「2021年TVB人氣花旦、歌手50強」
近日有網民喺香港討論區開post作年度總結，列出「2021年TVB人氣花旦50強」，視后唐詩詠、李佳芯都有入圍，另外仲有獲力捧嘅張曦雯、陳瀅、何依婷等，當然亦唔少得「聲夢3小花」。
Photo from 張曦雯 IG
Photo from 陳瀅 IG
入圍嘅50強花旦中獲封「曾志偉愛將」嘅23歲波波黃靖靈都算年輕，比佢細嘅仲有A0游嘉欣，以及「聲夢3小花」。
Photo from 黃靖靈 IG
Photo from 鍾柔美 IG
15歲姚焯菲、鍾柔美最後生，入圍花旦有4位踏入「4字頭」
年紀最細嘅係15歲鍾柔美及姚焯菲（計月份Yumi年紀更細），「4字頭」嘅花旦共有4位：姚子羚、唐詩詠、陳自瑤、譚凱琪。現年41歲嘅姚子羚更係年紀最大嘅花旦，同最細嘅鍾柔美、姚焯菲相差26歲。
Photo from 鍾柔美 IG
Photo from 香港討論區
Photo from 姚子羚 IG
姚子羚入行前曾做啤酒妹
其實姚子羚入行至今已有20年，佢媽媽係台灣人，所以佢兒時亦經常去台灣。喺入行前姚子羚更曾喺爸爸嘅建築公司做嘢，亦都試過兼職做啤酒妹，仲畀客人「抽水」！姚子羚之後轉職做文員秘書。
Photo from 姚子羚 IG
2002年姚子羚報名參加新城電台廣播比賽獲勝，同年獲TVB8邀請參加《TVB8全能主持比賽》勇奪冠軍，正式加入電視圈。2003年拍攝首部電視劇《當四葉草碰上劍尖時》之後就由主持人轉向演員方面發展。
Photo from 姚子羚 IG
出道多年，姚子羚於2015年憑《張保仔》「炎貴妃」一角獲得「最佳女配角」獎。有網友直言50強花旦頭5位：姚子羚、唐詩詠、陳自瑤、譚凱琪同李佳芯嘅年齡加埋已有200歲，同以前相比年紀的確較大，但亦有網友指：「咁睇年紀大靚過後生喎！」
Photo from TVB
Photo from 香港討論區
Photo from 香港討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
馬國明揚言黃智雯無視后即解約TVB！曾志偉透露林夏薇並非心水視后人選！
5 Jan 2022
《萬千星輝頒獎典禮2021》鍾嘉欣失落視后引起外界關注，原來仲有黃智雯都獲唔少人睇好，馬國明甚至表示佢無獎就同TVB解約！總經理曾志偉接受訪問時大爆林夏薇攞到視后嘅原因。
Photo from 鍾嘉欣 IG
網友不滿《萬千星輝頒獎典禮2021》視后人選
《萬千星輝頒獎典禮2021》所有獎項都塵埃落定，視后今年鍾嘉欣呼聲超高，佢更專程由加拿大回港出席頒獎禮，但最後竟大熱倒灶，不敵林夏薇失落獎項掀起網民討論。
Photo from TVB
Photo from TVB
唔少人都替嘉欣不值，認為視后就算唔係鍾嘉欣都應該要畀李佳芯，原來除咗嘉欣、Ali之外仲有遺珠！
Photo from TVB
馬國明唔撐同劇鍾嘉欣，反支持黃智雯攞視后
喺視帝視后公佈最後五強時《東張西望》有訪問候選人之一嘅黃智雯，佢今年憑《把關者們》再度競逐視后，同黃智雯好friend嘅馬國明亦有同佢一齊接受訪問。
Photo from TVB
馬國明指佢今年都係力撐智雯攞視后，被問到點解唔支持同劇嘅鍾嘉欣時，馬明表示佢每年都會撐同劇嘅演員但今次仍然支持智雯，原因係佢同智雯合作過好多次，知道佢一直以嚟都表現好好。
Photo from TVB
Photo from TVB
Photo from TVB
馬國明揚言黃智雯無獎即與TVB解約
馬明又稱：「公司欠佢一個視后。」更拋下一句：「佢（黃智雯）攞唔到獎，我解約！」之後就頭也不回咁離開，黃智雯佢哋嚇到O晒嘴，不禁表示：「玩到咁大？！」
Photo from TVB
Photo from TVB
Photo from TVB
曾志偉讚黃智雯演技，透露林夏薇爆冷成視后原因
睇好黃智雯嘅唔止馬明，連TVB總經理曾志偉都大讚佢演技出色，仲話佢本來嘅視后心水係黃智雯，提到好多人戥鍾嘉欣唔抵，曾志偉表示今年嘅選舉制度已盡量做到「公道」。
Photo from 黃智雯 IG
Photo from TVB
佢指好多獎項都係由觀眾加埋TVB台前幕後投票，大部分都係「眾望所歸」，提到佢嘅心水既唔係鍾嘉欣亦唔係林夏薇，而係黃智雯，但最終由林夏薇「爆冷」首奪視后，曾志偉稱：「始終幾個人開會，各個人心水都唔同。」
Photo from TVB
Photo from TVB
黃智雯連續7年提名「最佳女主角」，次次都陪跑
黃智雯由2015年起獲提名「最佳女主角」，但連續7年都「陪跑」，由2007年參選港姐入行以嚟喺萬千星輝頒獎禮佢只係於2012年拎過「飛躍進步女藝員」，之後雖然年年有獎項提名，但年年「食白果」。
Photo from TVB
2018年佢曾憑《三個女人一個「因」》喺台慶當日（非頒獎禮）獲「馬來西亞最喜愛TVB女主角」及「新加坡最喜愛TVB女主角」，但最終不敵《BB來了》嘅李佳芯，未能再下一城攞「最佳女主角」。
Photo from TVB
Photo from TVB
Photo from 李佳芯 IG
不論係「最佳女配角」、「最受歡迎電視女角色」，定係視后都同佢擦身而過。雖然無鍾嘉欣「陪跑」咁多次，但佢哋兩人同樣除咗「馬來西亞最喜愛TVB女主角」等外地觀眾票選嘅獎項同「飛躍進步女藝員」外未能再進一步，唔少網友都覺得好可惜。
Photo from TVB
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
