40歲孫藝珍晒素顏生日照！零濾鏡真樣被嫌保養得唔好！小S發文抱不平
韓國女演員孫藝珍唔止演技出色，更擁超高顏值獲封為女神。近日佢慶祝40歲生日，公開咗唔少相片，當中更包括素顏照。零濾鏡下嘅佢獲唔少網友大讚，但亦有人直言佢保養得好差，計小S（徐熙娣）都忍唔住為女神平反！
Photo from 孫藝珍IG
孫藝珍晒相慶祝40歲生日
韓劇《愛的迫降》大熱，令兩位主角玄彬同孫藝珍人氣急升，佢哋更戲假情真成為現實情侶！兩人公開戀愛一年，感情依然穩定，超高顏值嘅組合得到唔少人祝福。
Photo from 孫藝珍IG
最近孫藝珍迎嚟40歲生日，佢喺IG公開咗fans送上嘅禮物照，以及片場工作人員為佢慶祝嘅生日會相片：「非常感謝大家，我很感動！」
Photo from 孫藝珍IG
Photo from 孫藝珍IG
Photo from 孫藝珍IG
素顏照曝光，有網友彈孫藝珍保養得差
其中仲有素顏照！相中孫藝珍不施脂粉，而且相片更係零filter！雖然相片唔算好清晰，但都睇得出孫藝珍皮膚白裡透紅，狀態極好，完全唔似40歲。
Photo from 孫藝珍IG
其實孫藝珍一向都有凍齡女神嘅美譽，《愛的迫降》嗰陣佢雖然已38歲但靚樣依舊，甚至有人搵返佢19年前拍電影《假如愛有天意》嘅劇照，外型變化唔大，依然仙氣十足！
Photo from 《愛的迫降》
Photo from 《假如愛有天意》
不過除咗讚佢靚嘅留言外，都仲有唔少人直言孫藝珍保養得唔好，憑「無filter」嘅相片已睇出佢美貌不再，更有網民稱佢微調太多，以致肌膚不再緊繃。
Photo from 孫藝珍IG
小S發文為孫藝珍抱不平
小S喺IG為孫藝珍抱不平，表示睇到孫藝珍嘅照片，覺得佢無P修圖或美圖，但網友竟嫌棄佢：「明明就是漂亮的啊！到底要怎樣，大修圖，你們嫌假，不修圖，又要嫌老！你們是有多帥多美啊？」
Photo from 小S IG
唔少網友都認同：「孫藝珍明明很正！氣質又好！」、「孫藝珍是貨真價實的美無誤」，亦有人大讚小S素顏都一樣咁靚：「姐也一樣漂亮」、「可是你比孫藝珍美欸，怎麼辦??」
Photo from 孫藝珍IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
孫藝珍17年前劇照曝光！零走樣初戀臉依然 網民：果然凍齡美人
19 Jan 2021
上年韓劇《愛的迫降》大熱，大家都愛上玄彬oppa！劇中有唔少高大威猛型男，仲有一班fans希望男女主角玄彬孫藝珍「戲假成真」，成為真情侶。近日孫藝珍17年前劇照曝光，令人再次為佢嘅美貌而感到震驚！
孫藝珍上年出演《愛的迫降》，飾演女財閥，雖然已38歲但靚樣依舊。
Photo from 《愛的迫降》
近日有人翻出孫藝珍17年前拍攝電影《假如愛有天意》嘅劇照，網民大讚佢係凍齡女神。
Photo from 《假如愛有天意》
兩張相造型差唔多，雖然已相隔17年，但孫藝珍仙氣依舊，外貌變化不大，果然係國民初戀！
Photo from 《愛的迫降》
Photo from 《假如愛有天意》
2003年上映嘅韓國電影《假如愛有天意》由孫藝珍擔任女主角，佢一人分飾兩角，當時年僅20歲。
Photo from 《假如愛有天意》
當時出道4年嘅佢憑呢套戲，勇奪《第39屆韓國百想藝術大賞》「電影部門女子新人演技賞」及《第40屆韓國電影大鐘獎》「最佳女新人」兩大獎項。
而佢清純嘅外表亦成為當年人人心中嘅「初戀女神」，真係好靚！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
