TVB落選港姐被爆?食免費tea走數刪走宣傳post！網友憑4點揭真身

前新城電台DJ林柏希近日爆料有「港姐10強」嘅TVB藝人主動搵佢以IG出post宣傳換取「免費試食」，點知最後竟然「走數」刪除宣傳帖文。有網民發現有港姐十強之一嘅藝人重新公開tea set打卡照，疑為「?著數」落選港姐真身！

Photo from 梁柏希Facebook

前新城電台DJ林柏希爆有落選港姐「?著數」

林柏希之前曾經喺新城電台做DJ，自2016年離職後轉行做飲食界公關。佢近日喺Facebook發長文爆有同事同佢講有一位TVB藝人主動用IG Inbox餐廳表示想試Tea Set，之後翻睇佢IG發現佢係「某一屆香港小姐十強」。

Photo from 梁柏希 IG

林柏希直言唔知對方係邊個但見佢有超過3萬個followers，諗住互惠互利啦：「我請你食無問題，叫佢之後出返個IG wall post囉」，佢表示對方唔係佢朋友，亦唔係佢邀請嘅，所以曾同對方講到明唔係淨係出IG story，係要wall post。

Photo from 梁柏希Facebook

「港姐十強」只出IG Story，仲要齋影背面

但事後港姐十強淨係post咗IG Story，仲要得佢嘅背面無影到個tea set，林柏希無奈指作為PR要向老闆交待，佢嘅同事等咗幾日都唔見港姐十強有出返post，於是主動聯絡對方，提醒佢出返IG wall post。港姐十強完全無覆到同事嘅WhatsApp，不過當晚有出返個post，但個post都係集中影住佢個靚樣，個tea set就完全blur咗，亦無tag到有關餐廳。但見對方有落到「打卡位置」，所以林柏希都收貨。

Photo from 梁柏希Facebook

「港姐十強」刪除宣傳帖文，公關：唔好再用呢啲招數呃飲呃食

點知第二日林柏希同事想cap圖做media clipping時竟發現對方已刪除（或者隱藏）相關帖文，令佢非常無語：「一個tea set值幾錢吖？原來你個朵就係值咁多㗎咋？哈哈！仲有，真係唔係我迫你出post㗎，係你主動R跟住自己應承咋，原來你嘅誠信只係值一晚」，從字裡行間都feel到佢有幾火，林柏希直言：「唔好再用呢啲招數去其他餐廳呃飲呃食喇，真係影衰晒㗎！！」，事件引起網民熱議，更有唔少人去搵落選港姐嘅IG睇下係邊個「走數」。

Photo from 梁柏希 IG

網友揭符合4大條件嘅黃婉恩疑為「走數港姐」真身！

有網友發現黃婉恩（Yancy Wong）嘅IG post有重新公開一張high tea打卡post，相片的確係模糊咗個tea set，但有落到相關hashtag。黃婉恩係2020年香港小姐10強落選佳麗，同屆冠軍謝嘉怡都有follow佢，符合「港姐十強」嘅身份。

Photo from 黃婉恩 IG

Photo from TVB

Photo from 黃婉恩 IG

黃婉恩IG followers有超過3.6萬，亦同林柏希所講嘅一致，加上佢於相中嘅衣著打扮都同林柏希公開嘅背影照十分相似，咁多條件都中晒，唔少網民都估佢就係「走數落選港姐」！

Photo from 黃婉恩 IG

Photo from 黃婉恩 IG

Photo from 梁柏希Facebook

黃婉恩入院不忘化妝打卡

黃婉恩原來2019年已經報名參選港姐，可惜接獲入圍通知後，因腳傷被迫退選，到2020年佢再度參選，最後入圍10強。黃婉恩簽約TVB後現時主要做娛樂新聞報道主播、《港生活·港享受》主持。

Photo from 黃婉恩 IG

Photo from 黃婉恩 IG

其實今次並非黃婉恩首次掀起網友熱話，2021年佢因為踩單車整傷腳要入院，佢更影相放上IG，當時有人好奇佢住私家醫院單人房應該生活富貴外，亦有網民指佢入院都掛住打卡。

Photo from 黃婉恩 IG

Photo from 黃婉恩 IG

有關帖文下嘅留言亦非常直接：「原來就係呢個呃Tea Post?，其實冇錢咪唔好食，做人底線真係要?」、「因為世上無免費嘅午餐，所以轉攻下午茶？」、「r埋r埋先儲夠錢買LV」

Photo from 黃婉恩 IG

Photo from 黃婉恩 IG

相關文章：謝嘉怡素顏拍片 自認唔似港姐「唔夠高瘦」連爸爸都嫌佢男仔頭！

相關文章：江嘉敏遭疑似前fans力數！EQ低/態度差/雙面人/?着數/當fans下人 江嘉敏反斥對方係假fans

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港男高鈞賢秘戀落選港姐！女友原是億萬千金！家住淺水灣過億獨立屋

12 Oct 2021

「香港先生」高鈞賢曾返內地發展，不過近年回流香港工作，有指原因係唔想同女友分隔兩地。佢被拍到與落選港姐吳玥彤約會，吳玥彤原來係億萬千金，家底豐厚，住喺淺水灣過億豪宅。

Photo from 高鈞賢 IG

香港先生冠軍高鈞賢近年回巢

高鈞賢2005年參加香港先生選舉並勇奪冠軍，不過簽約TVB後星途平平，多數飾演配角，最終於2014年9月約滿離巢，與TVB結束9年賓主關係。

Photo from 高鈞賢 IG

高鈞賢之後就北上發展，期間更榮升做老闆，曾進軍飲食業，與友人合資開設居酒屋，兩年前佢又喺香港開咗一間車房。2020年佢回巢再簽5年約。

Photo from 高鈞賢 IG

高鈞賢秘戀落選港姐吳玥彤？

有指佢回流香港其實係因為唔想同女友長時間異地戀，高鈞賢嘅緋聞女友吳玥彤係落選港姐，曾參選2019年香港小姐，不過最終落選（當屆冠軍為黃嘉雯），港姐落選後佢再參選亞姐，不過亦係五強止步，未能當選。

Photo from 吳玥彤 IG

Photo from 吳玥彤 IG

高鈞賢比25歲嘅吳玥彤年長12年，現年37歲嘅高鈞賢保養得唔錯，同女友睇落都無咩年齡差。有傳高鈞賢與吳玥彤一年前由朋友介紹認識，隨即墮入愛河。

Photo from 吳玥彤 IG

Photo from 吳玥彤 IG

吳玥彤家底超強，係億萬千金、擁雙碩士學位

原來吳玥彤係富家千金，佢IG可見周遊列國，出海玩水都係佢嘅日常生活，而且不時大晒名牌手袋，生活富貴又奢華。吳玥彤父母都喺內地做生意，家住淺水灣過億獨立屋，家底豐厚。

Photo from 吳玥彤 IG

Photo from 吳玥彤 IG

Photo from 吳玥彤 IG

吳玥彤喺參選港姐時已擁有碩士銜頭，港姐亞姐落選後佢返英國繼續學業完成另一碩士課程，現時已擁有雙碩士學位。佢IG相唔少都有加filter，亦見到同高鈞賢嘅合照，有加到心心emoji。

Photo from 吳玥彤 IG

Photo from 吳玥彤 IG

Photo from 吳玥彤 IG

Photo from 吳玥彤 IG

相關文章：蔡思貝搬入西貢獨立屋/蔚雨芯做老闆有幾千呎辦公室！圈中10位突然富貴女星

相關文章：【七公主】盤點10大生活富貴演員！馬海倫晒百萬Hermès袋/黃翠如百億千金/林夏薇擁逾15間食店

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）