download HolidaySmart 假期日常 app
林曉峰內地人氣急升瘋狂接job!獲邀上春晚表演+主持!出身於演藝世家

林曉峰內地人氣急升瘋狂接job!獲邀上春晚表演+主持!出身於演藝世家

娛樂新聞
By Stephanie on 17 Jan 2022
Digital Content Writer

林曉峰(阿Lo)自從上年參加內地真人騷《披荊斬棘的哥哥》,節目內所組成嘅「大灣區哥哥」人氣非常高,令佢喺內地嘅知名度大大增加。與此同時,佢喺工作量亦變得越來越多,以嘉賓主持身分獲邀上春晚節目!

林曉峰因爲出演內地節目,而工作量大增!Photo from 林曉峰IG

# 林曉峰出演內地節目,人氣急升!

現年51歲嘅林曉峰(阿Lo)上年毅然北上工作,連同陳小春、張智霖、梁漢文、謝天華組成「大灣區哥哥」,獲大批內地網民支持!有網民仲表示喺透過節目先知道原來林曉峰嘅歌喉唔錯,認為佢具有做歌手嘅潛力。

林曉峰參加內地真人騷《披荊斬棘的哥哥》!Photo from 《披荊斬棘的哥哥》

# 「大灣區哥哥」工作量大增!

雖然最終「大灣區哥哥」都未能成功組隊出道,不過佢哋嘅人氣已經略勝一籌,眾人嘅工作都接踵而來,仲特意為佢哋製作節目《大灣仔的夜》。而林曉峰嘅工作亦變得好多樣化,除咗主持工作外,亦獲邀出席表演唱歌,並擁有一批落力支持佢嘅粉絲!

「大灣區哥哥」喺內地人氣高,仲特意開咗節目《大灣仔的夜》俾佢哋!Photo from 《大灣仔的夜》

林曉峰成功吸引一班內地粉絲愛戴!Photo from 林曉峰IG

# 林曉峰獲邀成春晚嘉賓+主持!

眾所周知,內地電視台向來都非常重視新年嘅春晚節目~最近,林曉峰就獲廣東衛視邀請參加春晚,除咗做表演嘉賓,仲係當晚嘅嘉賓主持!而佢喺接受訪問時,話自己過去1年喺演藝工作上有好大嘅突破,令佢搖身一變成為歌手,講笑話自己應該係「最年長出道歌手」!

林曉峰獲廣東衛視邀請出席春晚,成為表演嘉賓同主持!Photo from 林曉峰IG

據悉,林曉峰來年將會努力考取資格證照,希望未來能夠成為備受認可嘅節目主持人。

佢正預備考取主持人證照!Photo from 林曉峰IG

# 林曉峰過往事業平平

過往林曉峰嘅演藝發展都一般,佢比較為人熟悉嘅代表作就係出演電影《古惑仔》系列以及喺《獎門人》中擔任主持人。由於佢形象一向搞怪幽默,故此經常都係飾演綠葉角色居多。

林曉峰因為出演電影《古惑仔》而為人熟悉!Photo from 《古惑仔之人在江湖》

過往亦係獎門人嘅支持主持人之一。Photo from 《超級無敵獎門人》

# 出身於演藝世家?!

事實上,林曉峰嘅家庭亦可以話係演藝世家!哥哥林海峰係一位DJ同歌手,曾主持多個受歡迎嘅電台節目,亦係「軟硬天師」嘅成員之一;而姐姐林姍姍就係電台主持以及歌手,後來退居幕後工作,現為寰亞藝人經紀高級副總裁!而舅父狄龍就係知名武打巨星,曾以《英雄本色》獲得金馬獎影帝。

哥哥林海峰係DJ同歌手。Photo from 林海峰IG

姐姐林珊珊(右)現時已經退居幕後。Photo from TVB

舅父就係知名武打巨星狄龍!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

林曉峰康子妮合體賀大仔中學畢業!網民大讚高大靚仔激似吳偉豪

28 May , 2021

藝人林曉峰同康子妮於 2002 年結婚後,先後誕下兩個仔仔林寶及林熙,可怕二人嘅婚禮並未有走到最後,喺去年 9 月時就驚爆宣布離婚,幸好事件並冇影響到二人同仔仔林寶及林熙嘅親密度。近日佢哋嘅大仔中學畢業喇,依個咁重要嘅時刻當然要齊齊現身支持喇!

Photo from ukelily/IG

林曉峰同康子妮雖然愛情不再,但親情永在,仔仔嘅每一個重要嘅人生時刻,佢哋都會錯過,再「合體」齊齊現身支持。

Photo from ukelily/IG

近日康子妮就喺 IG 中上現年 17 歲嘅大仔林寶嘅中學畢業典禮花絮相,留言:「Long nights short years...」並 hashtag「#ilovemyteenagesons(我愛我的青少年兒子) #highschoolgraduation (高中畢業)#newchapterinlife(生命中的新一章)」。

Photo from ukelily/IG

而喺其中一張相中 17 歲嘅林寶,目測應該有 1.85 米高,生得高大俊俏嘅林寶喺戴上四方帽合照時,即令企喺身旁嘅康子妮睇起嚟十足小鳥伊人咁呀!

Photo from ukelily/IG

Photo from ukelily/IG

雖然康子妮上載嘅相片,就只見佢同一對寶貝仔,但其實林曉峰都有去㗎。林曉峰亦有喺 IG 上傳和一對寶貝仔喺同一背景嘅合照,而相中細仔林熙所穿嘅亦係同康子妮合照時所著嘅同一件 T-Shirt 嚟,估計係林曉峰同康子妮為咗低調,所以決定唔晒全家福。

Photo from 林曉峰/IG

而唔少網民都留言恭喜林寶畢業,仲笑指哥哥生得高,同林曉峰企埋一齊時睇落好似兩兄弟咁。而亦有網民覺得林寶笑嘅時候同與《愛.回家之開心速遞》中吳偉豪飾演嘅朱凌凌有啲似添!

林曉峰/IGPhoto from 林曉峰/IG

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel