微辣加蔥被前女友阿晶爆不負責行為!澄清係雙方決定,反指對方男女關係混亂

微辣加蔥被前女友阿晶爆不負責行為!澄清係雙方決定,反指對方男女關係混亂

娛樂新聞
By Jennifer on 17 Jan 2022
Digital Editor

「微辣Manner」一向都有唔少fans,旗下藝人加蔥(林茂發)同經理人阿晶(Jane)分手後有自稱係阿晶表哥嘅人爆料,而阿晶亦離開工作8年嘅公司。最近阿晶喺直播中怒轟加蔥曾有不負責行為!加蔥火速回應。

「微辣Manner」一向都有唔少fans,旗下藝人加蔥(林茂發)同經理人阿晶(Jane)分手Photo from 阿晶IG

加蔥與經理人阿晶分手後被爆料

「微辣」旗下藝人加蔥(林茂發)同經理人阿晶(Jane)之前一直都有以螢幕情侶嘅形式拍片,但2021年兩人正式分手,隨後阿晶亦宣佈離開「微辣」。

「微辣」旗下藝人加蔥(林茂發)同經理人阿晶(Jane)之前一直都有以螢幕情侶嘅形式拍片Photo from 加蔥 YouTube

分手後幾個月加蔥公開新戀情,指女友係公司職員「儀仔」,兩人更獲唔少網友祝福。不過有一位自稱係阿晶表哥嘅網民就喺微辣粉絲團上爆料,指加蔥嘅好男人形象只係營造出嚟!

分手後幾個月加蔥公開新戀情,指女友係公司職員「儀仔」Photo from 加蔥IG

有一位自稱係阿晶表哥嘅網民就喺微辣粉絲團上爆料,指加蔥嘅好男人形象只係營造出嚟!Photo from 辣粉團群組@Facebook

「阿晶表哥」話加蔥原本答應過會同阿晶結婚,但最後只用一句不婚主義稱自己想要自由、想分手,搞到阿晶有情緒病,仲好快就另結新歡。而加蔥一直都未有正面回應有關「阿晶表哥」嘅爆料係咪事實。

「阿晶表哥」話加蔥原本答應過會同阿晶結婚,但最後只用一句不婚主義稱自己想要自由、想分手,搞到阿晶有情緒病Photo from 阿晶IG

阿晶直播斥加蔥,加蔥反擊指一切都經過雙方商量決定

近日阿晶開直播時突自爆加蔥曾經迫佢中止懷孕,似乎印證「阿晶表哥」所講嘅都係真事!加蔥亦即刻直播澄清,佢承認佢同阿晶曾經有過BB,但就指佢無迫阿晶做任何嘢。

近日阿晶開直播時爆料Photo from 阿晶IG

加蔥即刻開直播澄清,佢承認佢同阿晶曾經有過BB,但就指佢無迫阿晶做任何嘢。Photo from 加蔥 YouTube

加蔥表示當佢一開頭知道有小朋友既時候,係諗住生出嚟:「我唔介意,生出黎,養囉!」但阿晶則唔想要:「佢開頭都話唔得既,佢唔想要」,加蔥稱佢同阿晶講身邊啲朋友都係咁,但阿晶拒絕並指:「生嗰個又唔係你,點解我要承受啲咁嘅嘢」

加蔥表示當佢一開頭知道有小朋友既時候,係諗住生出嚟,但阿晶則唔想要Photo from 阿晶IG

加蔥又公開兩人嘅對話紀錄,後尾兩人經過一段時間溝通,大家都覺得唔係好適合有小朋友:「佢就問我要唔要嘅,我都真係講過我唔想要,但係我尊重你決定」,最尾阿晶都決定唔要。

加蔥又公開兩人嘅對話紀錄,後尾兩人經過一段時間溝通,大家都覺得唔係好適合有小朋友Photo from 加蔥 YouTube

加蔥反指阿晶男女關係混亂

加蔥重申呢個係大家嘅責任,但坦承自己有不足之處,包括喺對方要做手術時去咗香港做嘢,唔喺佢身邊陪伴佢。不過佢同時反擊稱唔知點解阿晶表哥要亂爆料指佢有第三者:「但佢(阿晶)完全無出嚟講過嘢,令全世界都覺得我係咁嘅人。」

加蔥反擊稱唔知點解阿晶表哥要亂爆料指佢有第三者Photo from 加蔥 YouTube

加蔥更大爆阿晶男女關係混亂,佢表示舊年想轉經理人原因正正係「接受唔到佢一路喺出面亂搞男女關係」,但直播之後加蔥同阿晶喺IG公開聯合聲明,表示經過溝通後彼此都消除咗誤會,又指就算唔再係情侶,都會以朋友身份互相支持。

加蔥更大爆阿晶男女關係混亂Photo from 加蔥 YouTube

加蔥同阿晶喺IG公開聯合聲明,表示經過溝通後彼此都消除咗誤會,又指就算唔再係情侶,都會以朋友身份互相支持。Photo from 加蔥IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

ERROR保錡與女友沙律張沛樂分手?!女方IG刪放閃合照,疑新紋身暗示情已逝

6 Jan 2022

ERROR保錡2021年1月被爆同「性感女神」沙律張沛樂拍拖,當時更鬧出唔少風波,而沙律一直力撐男友。近日兩人驚傳已分手,女方IG刪走兩人合照,又疑似晒新紋身暗示1年情玩完,而保錡被問到感情事亦「落閘」封口!

ERROR保錡2021年1月被爆同「性感女神」沙律張沛樂拍拖Photo from 沙律 IG

廣告
廣告

保錡與沙律張沛樂公開戀情掀一連串風波

ERROR成員吳保錡去年被爆同「宅男女神」沙律(張沛樂)去大棠睇紅葉約會,更甜蜜拖手。但戀情曝光無耐即被「正印女友」Carrie揭從未講分手,掀起「保錡偷食」疑雲。

保錡與沙律戀情曝光無耐即被「正印女友」Carrie揭從未講分手,掀起「保錡偷食」疑雲Photo from 保錡 IG

當時保錡疑似一腳搭兩船,又喺live度公然鬧fans,最終更要發千字文公開道歉,宣佈暫別娛樂圈。保錡形象大插水,女友沙律依然不離不棄,又公開唔少合照放閃力撐男友。

保錡形象大插水,女友沙律依然不離不棄力撐男友。Photo from 保錡 IG

保錡為慶祝女友生日book Staycation、送上大量玩具

後來隊友193爆紅,加上《ERROR自肥企劃》播出後話題度爆燈,保錡極速「解凍」,而2021年10月適逢沙律30歲生日,兩人齊齊book酒店Staycation慶祝,保錡花心思買咗大量《Toy Story》玩具送畀女友做生日禮物。

《ERROR自肥企劃》播出後話題度爆燈,保錡極速獲「解凍」Photo from 保錡 IG

沙律30歲生日,兩人齊齊book酒店Staycation慶祝Photo from 沙律 IG

保錡花心思買咗大量《Toy Story》玩具送畀女友做生日禮物。Photo from 沙律 IG

沙律IG疑晒紋身暗示已同保錡分手

不過甜蜜過生日之後,兩人就再無互動。到除夕當日沙律出post:「除夕快樂,2021年對於我來講係一個高低起伏既一年,我自己成長咗好多,亦認識自己同身邊既人都多咗好多,希望大家在2022年可以快樂健康。」,其中一個hashtag「過去讓他過去」引起網友關注。

甜蜜過生日之後,兩人就再無互動Photo from 沙律 IG

除夕當日沙律出post,其中一個hashtag「過去讓他過去」引起網友關注Photo from 沙律 IG

沙律同時喺Story晒出疑似紋身「Be Strong」字句,留言指:「一直期待的2022年終於到來,難捱的2021年都終於要過去,高低伏只是令自己上了一課,過去就不想了,收拾心情去面對人生吧,希望新一年能遇到更好的人和事,加油!」,唔少網友都猜測佢同保錡可能已經分手!

沙律同時喺Story晒出疑似紋身「Be Story」字句Photo from 沙律 IG

沙律 IG Story:「過去就不想了,收拾心情去面對人生吧,希望新一年能遇到更好的人和事」Photo from 沙律 IG

搬離愛巢、刪走放閃合照成證據?!

之前保錡獲「解凍」,沙律曾喺IG Story「你問我答」中大讚保錡「最了解我、最愛我、最支持我」,更連環po出兩人放閃合照,其中一張相晒出保錡喺《ERROR自肥企劃》贏得嘅單車,背景疑似係兩人同居嘅大埔村屋,狂晒恩愛。

沙律曾喺IG Story「你問我答」中大讚保錡「最了解我、最愛我、最支持我」Photo from 沙律 IG

沙律IG曾公開唔少放閃合照Photo from 沙律 IG

沙律曾晒出保錡喺《ERROR自肥企劃》贏得嘅單車,背景疑似係兩人同居嘅大埔村屋Photo from 沙律 IG

但最近有網友發現佢IG將之前同保錡影嘅甜蜜合照被刪走。聖誕節沙律公開家中擺設亦被指唔似係同保錡同居嘅愛巢,兩人一年情疑玩完!

最近有網友發現沙律IG將之前同保錡影嘅甜蜜合照被刪走Photo from 沙律 IG

聖誕節沙律公開家中擺設疑已搬離愛巢Photo from 沙律 IG

保錡拒回應分手傳聞

保錡IG仍然有保留同女友嘅合照,但出席叱咤頒獎禮被問到同沙律嘅「分訊」即回應:「感情事不方便回答。」,隊友193、阿Dee等更輪流為佢解圍。

保錡出席叱咤頒獎禮被問到同沙律嘅「分訊」即回應:「感情事不方便回答。」Photo from 保錡 IG

隊友193、阿Dee等輪流為保錡解圍Photo from 保錡 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel